Takariya 6:5 - Ala Wone Peenok Peebi Mbanak

⁵ Yoge mbaki, at malayikat nen an yo'nege logonet, “Kenegen iigendak ti, at o yi abok aret unde menggerak enggaanom paga ake eeko menggaarak ineebe 4 nogo, o wiya agi-ogu nen, aru-ogwe nen, warit wage menggim time nogo menggaarak it aret.

Takariya 6:5 ပူးပေါင်းရင်းမြစ်များ

1 Endagembogut 19:11

Yoge mbareegi, Aliku ALA nen Eliya nogo yoge, “Naliku ALA kat keegak keraanu nagin me, mi'na'nuk, wundi wage logomenggendik, Naliku ALA nenggaanom puurom yi paga mi'nari mok o.” Yoge nagagerik, Aliku ALA nen o wiya mondok omaawi oone pu eerogo nappi wagagerak wage logonet, puut-puut nggaganogo nappit nage, yugum lunik yanggunogo wuppit wage, eereegerak kwe, at Aliku ALA eebe perak, o wiya enggela'me time logolik. O wiya abu aret wake mbareegi, o mi nuk-nuk eereegerak kwe, Aliku ALA eebe o mi enggela'me logolik.

1 Endagembogut 22:19

Ari kagak kwe, aap Mika nogo nen, “Aliku ALA wonage me, eeke kagarak nogo yokkege me, karuk konengge logot o. At Aliku ALA agi mbogut paga taati wone lengganogo yorage menggim kwi'ndak wonage kagak, wim eeka mbogut paga mendek abok aret eenggi abeme-kwaare'me mi'ndak wonogwe iigirak o.

Ayup 1:6

Ne ambi paga Ala inom menggaarak at Aliku ALA owagam kuwak eeri wogwe me, at Tile wage nagagerik, it inenggela'me wonagagerak.

Ndawi 148:8

O yabok inom, mayu anggen inom, Ndugu-ndugu inom, iyaagi inom, at Ala nen yokkirage kenok eeka o wiya nabuninuk naga inom,

Ndawi 68:17

At Ala anggweendo wim eeka nogo ambik aakumi ineenggi lingginiyak abu meek aago, Mondok iya lombok me liippuurak meek aago, At enaagan-ambokan wogwe iigak, Nogoba Ala puut Tinayi nen At alik leenak menggim nogome unggwi wagagerak o.

Yetaya 54:5

At ogobakkigireegirak ti, ore an aret me, nendage ti, Nomaawi Lombok Minggirak Naliku ALA aret. Iterali inogoba Kikak Nakeelik Nalik Leenak Minggirak ti, at onggo mbangga an aret me, It o nggween paga yime menggaarak abok aret inogoba Ala an aret o.

Yeremiya 49:36

An nen aakumi Elam mendek wonogwe me o wiya agi-ogu nen, aru-ogwe nen, nappit woraminggirak paga Wogoren agi-ogu, aru-ogwe, mappiyaminggirak aakumi inanebunu lombok wonogwe me time unggwit nagun lek ti lek, abok aret inenggela'me unggwit nogo logogun o.

Yetikiyen 11:22

Yo'nege kage nagagirik, it kerub nogo nawok nduk, ina'naabit mbiganogo punuk, it wuru iyok kwak perek-parek naga nogo inom lagi nogwe iigak, Iterali inogoba Ala abinak nogo it inirimbaga aret wonage kagagirak.

Yetikiyen 37:9

Inambe aagi wunaka'lek aret iige neegak, at nen an yo'nege logonet, “Aakumi nen ndarak yi wae. Inambe aagi eeriyak nogo yoret o. Inambe aagi eeriyak nogo yorage logonet, Aliku Itok Menggerak ALA nen yegerak nogo yi o. Aakumi inambe aagi ti, wiya o agi-ogu nen, aru-ogwe nen, warit wage menggim nen warit wage logonet, aakumi inoorak inowak nggininik yi, ineenik aruwak nduk, inikime unggwit woraawak o, yinuk, yoret,” yo'nereegerak me,

Ndaniyen 11:4

Togop aret eerit-eerit irip paga at abu'me piinok logowam ti, mbogut oolo ya'i o wiya agi-ogu, aru-ogwe, warit wage menggim pa'nggwe o nenaarak time mogonik-mogonak arit namenggerak me, at paga wiganak nen o 4 mogonnarigin time wone lengganogo yorogwe, aa'nduk at abu'me piinok logowam omaawi logomenggi kwak wonogwe, eeko logogun lek o. Ata, at abu'me piinok logowam ti, abu lek age kagak, aap alik unde eeppiyaagin o.

Ndaniyen 7:10

At kwi'ndak menggim time nen niyo nage menggi kwak kani wuninogo nagabit nage, Aap ineebe ambik ineenggi lingginiyak meek lombok at ake eekwi, Aap yogolik mendek aago at owagam mi'ndak wonogwe, Ndi, it aap aakumi inowak loongga nogo kwi'na'nuk, aakumi eeko nogogwaarak mbuku paga liiru mbanak nogo ponggonogo pit nogwe, Eekwi iigirak o.

Ndaniyen 7:2

At Ndaniyen nen liiru mbangge logonet, “An oonikiya paga nabi kagarak nogo yi o. O wiya 4 kuli mbogut oolo ya'i wake menggerak nogo agi-ogu nen, aru-ogwe nen warit wage logonet, niyo nggwok yenggenak laut nogo kilaarak-mogonik eerogo pege kagak,

Takariya 4:10

Togop me, It elaambirik wukwi yi, aret wurugun lek kogo o, yinuk, meek mbakwi ti, taani o? Keele wakkagak aap Terubaben eenggime wonage inigen kogo logonet, inale'nggen mbako logogun o,” yinuk, yo'nege kagarak. Ndi, “Ndi wuninggak 7 ti, Aliku ALA enegen o nggween paga yime abok aret looge wonage nogo aret o.”

Takariya 4:14

Yoge mbaki, at nen an yo'nege logonet, “Eno'mbak mbere nogo ti, o nggween yi abok aret unde menggerak Aliku ALA ake eeko logowak nduk, amburu eerogo mippiyareegerak aap mbere yi aret o,” yinuk, yo'nege kagarak.

Takariya 6:1

Ti'nuk, ne ambi nenegen tiya ari nagarik, puut mbere mbuti tembaga mban ninggirogo pugume, aru-ogwe wonogwe iigak, oolo taati nggweendo 4 wundi wogwe iigirak.

Matiyut 18:10

Yorage nagagerik, ambinom yorage logonet, “It elege-aabologwe inarum wako menggaarak malayikat nogo nen an nogoba mbogut paga mendek enggaanom paga mondok-mondok paganogo yogo menggaarak me, kit nen elege-aabologwe yi, meek inombakwi kiyo, kiniki liippogo logonip o.

Matiyut 24:31

Ndi, oone nggwok eeka trompet nogo oone eeke kenok, it nayeloman mini malayikat nogo nappiya wage neenok, wogo logomenggaarik, an napuri miirogo leeninabeegirak o agi-ogu nen, aru-ogwe nen, ilin-unggut wonogwe nogo abok aret kuwak eerogo piya woraagun o,” yinuk, yoragagerak.

Lukat 1:19

Yoge mbareegi, malayikat nogo nen, “Ala ake eeke minggirak Nggabiriyen nogo an aret me, wone obeelom wone yi, wonok, Yori nak o, yo'nege mbaki, yokkiri wagi o.

Iberani 1:14

Ndi, it malayikat ti nonggop negen menggaarak mbakop? Lek o. It nogo aakumi inogoma ninigen iiga'lek nogo pogom logonet, Ala ake eeko menggaarak me, Ala nen aakumi inagap ndaruwak nduk, leenogo piyareegerak nogo, yeenggwaaraawak nduk, yonggo nappiige menggerak it aret o.

Iberani 1:7

ndi, ti'nuk, it malayikat eeko menggaarak nogo mbiningge logonet, “It an nayonggo nugu menggaarak malayikat nogo, o wiya pogom agago piige, Ndi, it an nayeloman mini nogo, kani omoonuk kwak eerogo piige, Eeke minggirak o,” yinuk, mbiningge, eereegerak kwe,

Yotuwa 3:11

At o yi unde menggerak Aliku ALA awone yugu aloobut mbanak me yonggolak yi, eewurik wonok kinaa'nduk yi Yoraran inikime awo kiniyok pi unggwogwe kiigak, ambi eeriyak me,

Wayu 7:1

Ti eekwi iige nagarik, o yi irip 4 wonage me nen o wiya ndak-ndak 4 aret warit wundi wage menggerak me, o nggween paga inom, yi nggwok yenggenak laut inom, iri'ngga-kale'ngga inom, o wiya nen abolok eerit nage kero, malayikat ineebe 4 nen panggomborogo wonogwe iigirak.