Takariya 6:14 - Ala Wone Peenok Peebi Mbanak

¹⁴ It aap Kelerayi inom, Tobiya inom, Yeraya inom, aap Tepaniya aput Yotiya inom, inendage ki logowak nduk, nggare-nggare mendaaremenggendak nogo ti, Naliku an ALA nawi wurogo pemenggam time mondok-mondok logogin o.

Takariya 6:14 ပူးပေါင်းရင်းမြစ်များ

2 Endagembogut 25:18

Aap endagembogut eebe wonok nega Nebutararan nen aap Ala unde inowe Teraya inom, awot abu'me mendek Tepaniya inom, Ala awi wurik tungga'nggi arum waka ineebe kenagan inom, piginake,

Wundeegwaarak 12:14

An eeriminggirak yi eyom paga it mondok-mondok abeko logowak nduk, leenogo pigin me, yi tahun ndi tahun paga ne yi abeko logonet, it inom, inapurilogwe-inombowologwe nda'narit namenggaarak inom, Naliku ALA nalut eeriyak nduk, inale'nggen nen laago nggwok lako logowak o.

Wundeegwaarak 28:12

yum epod uum paga yirik logorak agale nogo paga nabenogo pumunggun o. At Iterali apuri inendage aberak logowak nduk, inayum akem nggorek yiriyak epod agale nogo paga pugunogo pemenggendak me, at Karun nen uum paga pugunik wonok Naliku an ALA nenggaanom paga nege kenok, an nen, At Iterali apuri nogo yi aret o, yinuk, aberak logogin o.

Wundeegwaarak 28:29

Maarogo pemenggaarak me, at Karun nen an eeriyak mbake eenu ariyak yum ko'no negen mendaariyak nogo yirippunuk, o mage menggim time unggwi nage kenok, Naliku an ALA nen mondok aberak logokit nduk, aap Iterali apuri inanebunu lombok inendage inikinggup paga nabembunuk, wonok unggwi nage logowak o.

Takariya 6:10

“It aap o Mbaben mbo piya nogogwaarak iniyokan wagaarak aap Kelerayi inom, Tobiya inom, Yeraya inom, it abok nen Ala wogoriyak mbareegwaarak nogo wagangge logomenggendik, wonok o yogondak aret aap Tepaniya aput Yotiya ame nak o.

Takariya 6:11

Nage logomenggendik, mbuti perak inom, mbuti emas inom, wonok namenggendak nogo paga nggare-nggare ogobakkigirogo punuk, aap Yotarak aput Ala unde inowe Yotuwa nogo anobak paga yirippumunggun o.

Linggineegwaarak 31:54

it aap ineebe seribu eerak inoweewi inom, ineebe 100 eerak inoweewi inom, nen mbuti emas pi wogogwaarak nogo Muta aap Ala unde Eleyatat imbirak wogorogogwaarak waganggo nogogwaarik, “Aliku ALA nen nit at apuri Iterali mendek ninoba abe'ninake logowak o,” yinuk, Aliku ALA inom lambungge menggim awooliya wurik me time pi unggwogogwaarak.

Matiyut 26:13

Obeelom wone wonok yi awi ndi awi yoranet nugu logonet, kwe yi ee'nakerak nogo, aberak logowak nduk, yoranet nugu logogun o, yinuk, abet aret yokkiragi o,” yoragagerak.

Marakut 14:9

Obeelom wone wonok yi awi ndi awi yoranet nugu logonet, kwe yi ee'nakerak nogo, aberak logowak nduk, yoranet nugu logogun o, yinuk, abet aret yokkirage agarik o,” yoragagerak.

Nappiigak 10:4

Yoge mbareegi, at Koreneliyut ogut nage nagagerik, agabiti nen enegen looge logonet, yoge, “Nogoba o. Nonggop kenok wagan o?” Yoge mbareegi, at malayikat nen, “Lek o. Aakumi ineenggilek kenok yeenggwaarage, tamban eeke, eeke menggendak nogo ti, at Ala enegen liippagagerak me, iniki koba aberak wonage o.

Yotuwa 4:7

kit nen it yorogo logonet, Lek o. It aap Ala unde nen wone yugu Aliku ALA aloobut mbanak me yonggolak wonok inaa'nduk yi Yoraran wunda wogo mbareegwa, niyo mogonnagagerak paga nit aakumi Iterali apit aret wunda wogogurak kenok, mondok-mondok abeko logowok nduk, yugum logonak wonage, yorogo logomunggup o,” yinuk, yoragagerak.

1 Tamuwen 2:30

At togop aret eeke me, Naliku Iterali inogoba an Ala nen, At apuri inom, at anebunu mendek inom, it aap neebe unde a'nuk nawi wurik me nenggaanom paga mondok-mondok nake eeko logowak o, yinuk, noone abuk nggaruk togon yoragagirak kwe, yogondak nen wone ti eeriyak abu meek aret aga o. Aap ambit nen an tiyappanege kenok, an nen aap ti aret tiyappege, ndi, aap ambit nen an meek eerogo panege kenok, an nen aap ti meek eerogo pege, eeke minggirak me,