Takariya 6:11 - Ala Wone Peenok Peebi Mbanak

¹¹ Nage logomenggendik, mbuti perak inom, mbuti emas inom, wonok namenggendak nogo paga nggare-nggare ogobakkigirogo punuk, aap Yotarak aput Ala unde inowe Yotuwa nogo anobak paga yirippumunggun o.

Takariya 6:11 ပူးပေါင်းရင်းမြစ်များ

2 Tamuwen 12:30

Tebenggologo nogogwaarik, aap inowe endagembogut enggare-nggare mbuti emas paga ogobakkigirik yugum kere'li-kere'lo aago pugunik aaninggin 34 wakkagak anobak paga yirik nogo, wagangge nagagerik, yirikkolage, yi mendek ndi mendek o kota wonage kugun wogo apit aret wagangge, eeke nagagerik,

Etara 10:18

It aap Ala unde paga wiganak nen kumi alik mendek wogonabeegwaarak inendage yi aret. Aap Yotarak aput Yetuwa oreewi inom it paga wiganak ti, Maateya, Eliyetet, Yarip, Nggeraliya aret.

Etara 3:2

Kuwak ari wogo nogogwaarik, aap Yotarak aput Yetuwa oreewi aap Ala unde inom, Teyalitiyen aput Terubaben oreewi inom, abok nen, eeko logorak wone yugu aap Ala wone liirogon eeka Muta nen liiru mbaneegerak nogo ndak-ndak, Iterali inogoba Ala ake warogo kani kunggo logowok nduk, kani kunggak ogobakkigireegwaarak.

Ndawi 21:3

Kat nen yi mendek ndi mendek Kalo logonogo wogoge logonet, eebe wagangge, Mbuti emas at mendek paga mban Nggare-nggare negen mendaarak At anobak paga yirippege,

Wundeegwaarak 29:6

yum anobak paga perenogo punuk, meeli tabak paga, Aliku ALA Ake Leenak, ayo wogo logorak nogo yum anobak paga pereniyak nogo paga pugunogo pege, eerumunggun o.

Wundeegwaarak 39:30

Ti eeppogo nogogwaarik, Ala ake leenak ayuk warak kogo logowak nduk, mbuti emas at mendek paga meeli negen ogobakkigirogo punuk, nogo paga wone, Aliku ALA Ake Leenak, eerogo cap negen ayo waganogo pogo nogogwaarik,

Ndawi Iya 3:11

O Tiyon aagalogwe komologwe yi wae. Wundi wa'nip o. Wundi wa'nuk, kinowe endagembogut Talomo nogo At akwe lambumbuurak eyom paga, At iniki ale'nggen ariyak eyom paga, At agalo nen enggare-nggare yirippege ti, kinigen pekkaanip o.

Ala Unde 8:9

Nabenogo punuk, yum Karun anobak paga perenogo pege nagagerik, Ala ake leenak ayuk warak kogo logowak nduk, mbuti emas paga meeli negen ogobakkigirik nogo anobak paga kwippereegerak. Ti eereegerak nogo ti, Aliku ALA nen Muta yoreegerak nogo ndak-ndak aret eereegerak.

Agayi 1:1

Aap Ndariyut endagembogut a'nuk wone lengganogo yorage kagak, tahun ambit eeppunuk, ambi eeke tut 5 penembunuk ambi penenak tanggal 1 ti eyom paga, Aliku ALA nen at yoge kagak yoraga Agayi nogo Ala nen yoge kenok, at Agayi nen aap Teyaletiyen aput o Yekura unde wonage Terubaben nogo inom, aap Yotarak aput Ala unde inowe Yotuwa nogo inom, yoragagerak.

Agayi 1:14

Yorage mbareegi, aap Teyaletiyen aput o Yekura unde menggerak Terubaben nogo inom, aap Yotarak aput Ala unde inowe Yotuwa nogo inom, it aakumi iniyokan wogogwaarak abok aret inom, Aliku ALA nen eeriyak inikime mambiige mbareegi, kuwak eeri wogo nogogwaarik, at Omaawi Lombok Menggerak inogoba Aliku Ala awi wuriyak nduk, pigaganeegwaarak.

Agayi 2:4

Togop aret kwe, an Nomaawi Lombok Minggirak Naliku ALA ninom aret logogin me, at Terubaben ti, iniki nu'lek eeppunuk logowak o, yinuk, Aliku ALA nen yegerak nogo yoge, at Yotarak aput an neebe unde inowe Yotuwa ti, iniki nu'lek eeppunuk logowak o, yinuk, yegerak nogo yoge, ndi, it aakumi o time menggaarak nogo iniki kwippunuk, yabu eeko logowak o, yinuk, Aliku ALA nen yegerak nogo yorage, eeke logot o.

Takariya 3:1

Ti'nuk, aap Ala unde inowe Yotuwa nogo, Aliku ALA nen nappi wagaarak malayikat owagam mi'ndak wonage, ndi, Tile nogo, Ndogop eekendak o, yinuk, yoruwak nduk, at eben abeenok paga mi'ndak wonage, eerak wonogwe nogo titi'negerak.

Takariya 3:5

Yoge mbaki, an nen, “Yum mili lek abe kero anobak paga perenogo pinip o.” Yorage mbaki, Aliku ALA nappi wagaarak malayikat nogo taati mi'ndak wonage kagak, yum mili lek abe nogo anobak paga perenogo pugwi, eebe yum yirippugwi, eekwi iigirak o.

Takariya 6:14

It aap Kelerayi inom, Tobiya inom, Yeraya inom, aap Tepaniya aput Yotiya inom, inendage ki logowak nduk, nggare-nggare mendaaremenggendak nogo ti, Naliku an ALA nawi wurogo pemenggam time mondok-mondok logogin o.

Iberani 2:9

At Yetut perak, tiyanak mondok ayuk warak wonage kogo ogoorik o. At Ala iniki kunik en eeppinanege menggerak me, malayikat tiyanak iigak, aput ninalitak lombok ninake kambuwak nduk, ne ambit luulu at tebeppege mbareegi, nggween paga wambi wage nagagerik, ninake kangge logonet, andi-pandi kagak waganeegerak ti paga, aap ambi amindik-amendek li'luk eeppogo mengga kwak, Ala nen at aput togop aret ayuk wurogo tiyappereegerak wonage agaarik o.

Wayu 19:12

At enegen ti, kani omoonuk wunuk ari pogom. At anobak paga nggare-nggare mendaarak apit yirik, ndi, at endage toonak eebe paga liiru mbanak wonage nogo, aakumi nen maleniyak meek at mban eenu wonagaarak kwe,

Wayu 6:2

nenegen neegak, kuda eeruwak yanggwi lombok me, amborowak paga aap ambi kwi'ndak eegin eenggime wage mbaki, “Aakumi tebembiya nak o,” yinuk, nggare-nggare ambi yippunuk, nappege mbaki, tebenogo piinet nage kagarak.