Takariya 4:9 - Ala Wone Peenok Peebi Mbanak

⁹ “At Terubaben nen an nawi yi, ogowa kwippit nagagerak me, at nen aret eebe obaga aret wurogo pigin o. Ti wurogo pege kenok, it an napuri nen, At Omaawi Lombok Menggerak Aliku ALA nen abet aret Takariya wone yo'niraawak nduk, nappi wagaarak kogo o, yinuk, yugun o.

Takariya 4:9 ပူးပေါင်းရင်းမြစ်များ

Etara 5:16

Yoge mbareegi, at Tetabatat nogo wonok o yime wage nagagerik, Ala awi owak wurabeegerak kuli yogondak awo aret wukwi kwe, age yubungga'lek aret ogoorik o, yinuk, yo'niragaarak o.

Yetaya 48:16

“Togop me, koorok panggorogon neya woraawak o. Koorok panggorogon neya wogwe iinok, wone yorage neegak, koneniyak nogo yi aret. O aa'nduk lombok nen wone it yorage nagagirak nogo kote kiraarogo yorage logolik. Ndi, wone yorage nogo arit wage kagak an kunduk wonage mban minggirak o,” yinuk, yegerak me, At Aliku Itok Menggerak ALA nen at Aberiniki noba panege nagaarik, nappani wagaarak o.

Agayi 2:18

Aliku ALA awi wuriyak ogowa ne yogondak yi aret pogo o, yinuk, tut 9 penenak tanggal 24 ne yogondak yi kuli nen nok, eerit noorak nogo iniki liippit nogo logowak o.

Takariya 1:16

Togop aret me, Aliku ALA nen yegerak nogo yi aret. An nen o Yerutalem ne ambinom nena koonogo pegiige logonet, inabuwa mbake, an nawi obaane'me time wuruwak nduk, eeppiige, ndi, keele wakkagak paga o Yerutalem ngginogo nappege, eerigin o, yinuk, at Omaawi Lombok Menggerak Aliku ALA nen aret yegerak yoret o.

Takariya 2:11

Ne ti eyom paga yi aakumi ndi aakumi abok aret Naliku ALA ninom lambumbunuk, it an napuri arugun me, an it inenggela'me aret logogin o. Ti eeke neenok, at Omaawi Lombok Menggerak Aliku ALA nen an nappani wagaarak kineenu arumunggup o.

Takariya 2:13

Togop me, yi aap ndi aap kit yi wae. Naliku ALA nalik leenak minggim nen muk mi'nagarak wonage me, nenggaanom paga kinabolok lek puk aret logonip o,” yinuk, yorage kagarak me, yokkiragi o.

Takariya 4:8

Kage mbaki, Aliku ALA nen an yo'nege logonet,

Takariya 6:15

Yi aakumi ndi aakumi o nda nen wogo logogun nogo nen Naliku an ALA nawi ti, it inom aret wurugun o. Wukwi iinok, it aakumi nen, At Omaawi Lombok Menggerak Aliku ALA nen aret aap Takariya nappi wagaarak kogo o, yinuk, yogo logogun o. Ndi, kogoba Naliku an ALA nen wone yokkege minggirak nogo liirogon konembunuk eeke keenok, wone ti ariyak nogo a'me aret age kaamunggun o,” yinuk, yo'nereegerak o.

Matiyut 16:18

Kat Peterut aret me, yugum ti paga an napuri kuwak eeppiinok, o pogom wukkolaminggirak me, kanggwi alom nen an napuri nogo tebenogo piyaagin mondok lek o.

Yaya 17:21

It abok aret inom iniki ambit logowak nduk, inake tamban eeke agarik o. Ai, nogoba! Kat nen an kiniki kunik, ndi, an nen kat niniki kunik monggo kwak, it nit ninom niniki ambit kunik wonogwe niinok, it aakumi o nggween paga yime menggaarak nogo nen kat nappani wagagindak abet nombaruwak nduk, it kapuri yi, inake tamban eeke agarik o.

Yaya 3:17

Ala nen at aput an nogo it aakumi abok inowak loonogo maluk onggo inoba piyaakit nduk, o nggween paga yime nappani woroolik. Ata, it aakumi abok inagap ndarikit nduk aret nappani wagagerak.

Iberani 12:2

Ndi, aa'nduk nit abet mba'nuk Ala wone waawok nduk niniki pipuk eerogo pinanege, ti'nuk, abet mbakwi niinok, niniki mondok kole eerogo pinanege, eeke menggerak ti, Yetut aret me, at mban ninigen loorit mugurok nogo logowok o. It aap eyo karo-karo paga nabenogo piigwi iinok, “Aap mondok maluk mendek aret o,” yogo menggaarak nogo, at Yetut nen, “An togop nombariyak me, neebi o,” ti mbarulik. Ata, “Peebi nale'nggen nggwok kaagin me, yogondak we luulu togop ee'naburak op aret o,” yinuk, ogogumbuk a'nuk, eyo karo-karo paga kangge nagagerik, eenik a'nuk, Ala wone lengganogo yorage menggim Ala eenggi abe'nggan paga kwi'nari laganeegerak wonage o.