Takariya 4:10 - Ala Wone Peenok Peebi Mbanak

¹⁰ Togop me, It elaambirik wukwi yi, aret wurugun lek kogo o, yinuk, meek mbakwi ti, taani o? Keele wakkagak aap Terubaben eenggime wonage inigen kogo logonet, inale'nggen mbako logogun o,” yinuk, yo'nege kagarak. Ndi, “Ndi wuninggak 7 ti, Aliku ALA enegen o nggween paga yime abok aret looge wonage nogo aret o.”

Takariya 4:10 ပူးပေါင်းရင်းမြစ်များ

2 Mbinineegwaarak 16:9

Yi aap ndi aap iniki abet aret Ala oba panggonak wonogwe iyo, omaawi paga yeenggwaaraakit nduk, o nggween paga yime Aliku ALA enegen yomboninabit nage menggerak o. Kat wi negen eekendak me, o yogondak yi kuli nen aakumi kinom wim eeke logomunggun o,” yinuk, yoreegerak.

Ayup 8:7

Li'luk eerogo pagage ti paga, Peebi logomunggun nogo ti, Mondok iya lombok aret logomunggun me, kat nen, Aa'nduk wonagagirak nogo ti, Meek negen aret wonagagirak kagi, Mbake logomunggun o.

Ndawi 33:14

At wonage menggim wonage logonet, aakumi nggween paga wonogwe abok aret liippiige, Eeke menggerak o.

Kini Wuppiige 15:3

Aliku ALA enegen yi o ndi o abok aret wonage logonet, Aap maluk mendek inom, aap obeelom mendek inom, enegen liippiige menggerak o.

Kini Wuppiige 4:18

It aap iniki abe koonak eerit nugwi nogo perak, Oonegen kemeninuk lagi woraakit nduk, eya mbuuluk eeke nagaatik, ti'nuk, Eerit-eerit o liingge paga eya ndak warogo pege kwak aret menggaarak kwe,

Yetaya 66:11

At elak amburu abe nenok kiniki yamu ari, Elagalom nggwok me, ndonggorogon nenok, kinale'nggen eekkinake, Eerigin o.

Yetaya 66:14

Ti eekkinake nogo kogo logomonggotik, kiniki ale'nggen nggwok lombok mbakwi, Iri'ngga awo lagangge logonet, mondok kwit agan lagangge menggi kwak kit kineebe togop aret ogwe, Eerumunggup o. At Aliku ALA eenggi omaawi ayeloman mini kaawak nduk, eeppiige logogin kwe, At inom ogoorak nogo perak, anini inoba kwippiige logogin o.

Yeremiya 16:17

Ineebe nenegen iige neyo kumaarak wonogwe, maluk eerit nugwi nenegen kage neyo nobarak wonogwe, eerak wonogwe lek it eerit nugwi nogo abok aret nenegen wogoren nege minggirak o.

Yetikiyen 1:14

Ndi, it iigulik mendek ineebe ti nen, o kimbik eeke menggi kwak mbet-mbet aret nanuk, wagak eekwi iyareegirak o.

Oteya 6:3

Togop me, At Aliku ALA ti, nit ninogoba aret o, yinuk, paganggwi, At eeke menggerak nineenu arit unggwogwe, Eeko logowok o. Ti eekwi niinok, oonegen lagi wage logonet, eya pindanogo pege menggi kwak at abet aret niya wage, O mayu wage menggim age kenok, mbogut paga nen mayu wuranet wage menggi kwak ninowagam wage, O kibi wonagaatik, o mayu wage logonet, nggween miin eerogo pege menggi kwak, at nen obeelom eerogo pinanege, Eerigin o, Yinuk, yogo agaarik o.

Amot 7:2

Kuwak eerogo piyareegerak nogo, “Nenet nanip o,” yorage mbareegi, wurin ti nen iri'ngga o time wonage abok aret pup eerogo nenet nugwi iige nagagirik, “Kaliku Kitok Menggendak ALA wae. Kapuri inomaluk kami eerogo piyet o. It Yakup mendek ineebe mbuuluk me, inenggaawak lek arukwak nonggop togon eeko logogun o?”

Amot 7:5

Ti eeke kage nagagirik, an nen, “Kaliku Kitok Menggendak ALA wae. Kat togop eeke mage ubi! Puk aru o. It Yakup mendek ineebe mbuuluk me, inenggaawak lek arukwak nonggop togon eeko logogun o?”

Agayi 2:3

Aa'nduk Ala awi abu iya lombok wurik inigen kogo nogogwaarak aap ambi inenggela'me wonage ilik, lek a? Ndi, yogondak wukwi yi, nonggop kogo agaarik? Abe lek maluk wuko ogoorik, mbaka'lek agaarik ya?

Takariya 3:9

Ndi, yugum kere'li-kere'lo eerak Yotuwa owagam pigirak ti, liippuwak o. Yugum ambit ti paga irip-irip obogum kunik 7 aret me, yugum ti paga ayo waganogo pege, ndi, ne ambit paga aret it o yime menggaarak nogo inomaluk lek eerogo pege, eerigin o, yinuk, Nomaawi Lombok Minggirak Naliku an ALA nen aret yagi o.

Takariya 9:1

Aliku ALA nen abinggaanggo paga yoreegerak nogo yi aret o. Kota-kota Aram inom, Iterali inanebunu lombok inom, ti Aliku ALA amendek aret me, it teppiige logonet, O Kararak maluk eeppiinet nok, o Ndamitik aret puk ari nagin o.

Lukat 15:32

Ndi, kat kawot yi perak, kambeegerak negen kwe, eenik agaarak o. Ndi, kobak agagerak kwe, kwaakkogoorak me, niniki ale'nggen logonet, laago yi op aret lako, yoreegerak o,” yinuk, Yetut nen it aakumi yoragagerak.

Wayu 5:6

Yo'nege mbaki, inoweewi 24 nogo inom, aakumi nen iigulik mendek ineebe 4 nogo inom, wone lengganogo yorage menggim taati wanggerak wonogwe iigak, Ndomba Aagaluk ambi eebe warak negen kwe, it inenggela'me mi'ndak wonage kagarak. Ndomba Aagaluk nogo ti, aruk alom me eyak 7, ndi, enegen 7, wonage kagarak. Aruk alom me eyak 7 inom, enegen 7 inom, nogo ti, Ala Aberiniki eeke menggerak alom 7 o nggween paga yi awi ndi awi nappiige menggerak nogo aret o.

Wayu 8:2

it malayikat ineebe 7 Ala abu'me mi'ndak menggaarak nogo oone nggwok eeka trompet 7 wogorage kagarak.