Takariya 2:9 - Ala Wone Peenok Peebi Mbanak

⁹ Togop me, an neenggi omaawi paga it ineebe nggwi eerogo inoorogo piige, inayeloman mini nen inagugun wonok ndi yuwak nduk, eerogo piige, eeke neenok, at Omaawi Lombok Menggerak Aliku ALA nen an abet aret nappani wagaarak ineenu arugun o,” yinuk, ari kagarak o.

Takariya 2:9 ပူးပေါင်းရင်းမြစ်များ

Yetaya 10:32

Ne yogondak aret ninawim nogo o Nop puk ari wagaarak wonogo logonet, O Tiyon Aagalukwe puut paga kota Yerutalem nogo, “Ko'lu koori wogo o,” yinuk, Ineenggi titik irogo agaarik o.

Yetaya 11:15

At Aliku ALA nen o Metit paga niyo laut ogobak pi nagagim woloonogo pege, Niyo Eparat paga eenggi nappege kenok, o wiya kani kunik negen warit wage logonet, niyo nogo poronogo pege, Eeke kenok, Elaganggen 7 mogonogo pemenggerak paga alobok lek aremenggerak me, aap iniyogut yirik aret wunda wogo logogun o.

Yetaya 12:6

Kit o Tiyon monggotak yi wae. At Kikak Nakeelik Alik Leenak kit Iterali kinogoba kinenggela'me wonage ti, mondok iya me, Kiniki ale'nggen nen keekok yogwe, ndawi wakwi, Eeko logonip o,” yinuk, yorogo logomunggup o.

Yetaya 13:2

“It an nawuri leenogo piigirak nogo wone lengganogo yorage, An nawuri aap wakaa'ngget nen an nanini paga aakumi eeppiyoorak mbake nogo eeppiinok, Ala eegin tiyak yigi o, yinuk, inale'nggen mbariyak nogo wiirage, Eekirak me, Wim eeruwok nduk, puut eerilek paga ndiimbu walok eekwi, Nawim o, yinuk, keekok yogwe, It aap nagawan-nagawan inaru unggwogo menggam unggwit nawok nduk, Kuwak ari woraanip o, yinuk, yorogwe, Eeko logowak o.

Yetaya 14:2

Aakumi alik mendek nen it Iterali inanggween wonogogwam iniyokan wogoren piya woraagun o. Piya wogwe iinok, It Iterali Naliku ALA nanggween paga time logonet, Kumi inom, aap inom, inayeloman eeppiinok mengga kwak, It aakumi alik mendek nen togop aret eerogo piigwi, It keele maageren nogogwaarak nogo aret maarogo piigwi, It tebenogo piyareegwaarak nogo aret tebenogo piigwi, Eerugun o,” yinuk, ari kagarak o.

Yetaya 19:16

Ne ti eyom paga it aakumi Metit mendek nen at Omaawi Lombok Menggerak Aliku ALA aaninggin inoba piyaakit nduk, “Ndime eeri nanip o,” yinuk, eenggi titik irage inigen kogo logomenggaarik, kumi inogut nggigik yinuk, iniki ma'nage menggi kwak, it togop aret eeginabigin o.

Yetaya 26:1

Ne ti eyom paga it Yekura wonogo menggam ndawi wako logogun nogo yi aret. Nit ninawi kota mondok omaawi aret wonage agaarik o. Yugum pak wurik eyak panggonak ti paga ninagap ndarak logowok nduk, ninogoba Ala nen eerogo pinanege me,

Yetaya 33:1

Kat aakumi maluk eerogo piiga yi wae. Kat maluk eerogo pagaga'lek iigak, kat nen mban maluk eerogo piinet nage me, kabuwa o. Kat aakumi inambokan lagangga yi wae. Aakumi nen kat kambokan lagangga'lek iigak, kalik nen mban it inambokan lagangge me, kabuwa o. Kat maluk abu aret eerogo piige keenok, it nen kat aret maluk eerogo pagagwi, Ndi, abu aret aakumi inambokan lagangge keenok, it nen kat aret kambokan laganggwi, Eerugun o.

Yetaya 33:21

O time Aliku ALA ninom logonet, omaawi lombok paga ninili ari logogin o. Niyo mondok nggwok lombok wage, niyo eneeri abe wundi wage, Eeke menggi kwak, O ti togop aret logogin me, Ninawim mendek nogo eyo mbanak ndoonak paga alelo mbanit wunda wogwe, Yiiro kole paga wunda wogwe, Eeko logogun mondok lek o.

Yetaya 33:23

It ninawim nen inayiiro wonok wogwe keele pugunik nogo nggaru-nggaru nage, Ogobak me eyo mippugu nogo langgonak-panggonak nage, Yum eyo mippugu pugunik nogo nabe-nabe nage, Eeremenggerak me, Yi mendek ndi mendek kugun wogo ambik wonok wogwe nogo nit tumbukkologwe, Aap inendop maluk nen kunduk ando nogo kologwe, Eeko logogun o.

Yetaya 4:5

Ti eeppiige logomenggerik, Aliku ALA nen o puut Tiyon inom, aakumi abok o puut Tiyon paga kuwak eeremenggaarak nogo inom, liingge ndugwi eya paga nobarinake, ndi, oonikiya ndi wunanogo piige, eerigin me, it inirimbaga eya aago kagak ineebe obeelom aret logogun o.

Yetaya 48:16

“Togop me, koorok panggorogon neya woraawak o. Koorok panggorogon neya wogwe iinok, wone yorage neegak, koneniyak nogo yi aret. O aa'nduk lombok nen wone it yorage nagagirak nogo kote kiraarogo yorage logolik. Ndi, wone yorage nogo arit wage kagak an kunduk wonage mban minggirak o,” yinuk, yegerak me, At Aliku Itok Menggerak ALA nen at Aberiniki noba panege nagaarik, nappani wagaarak o.

Yetaya 60:18

Aap iniki worokot nen aakumi maluk eeppiinet nugu agaarik o, yinuk, at wonage me time nen yogwe, O maluk eerogo pugwi, o yigirik-noonom eerogo pugwi, eekaarak o, yinuk, anggween paga time nen yogwe, Eekwi nogo ambinom konenggo logogun lek o. At nen, Nayugum pak wurik ti, Nagap Ndaka o, ari, Ndi, Narunggambe ti, Nalut Eeka o, ari, Eeke logogin o.

Yetaya 60:19

At enggela'me eya eerak mondok-mondok logorak ti, at ogoba Naliku ALA an aret o. Ndi, endage tiyanak kenok, Wi! yogo logorak ti, at ogoba Ala an mban aret me, Oonegen o liingge eya eeke nogo ambinom eya eerogo pege, Tut oonikiya eya eeke nogo ambinom eya eerogo pege, Eeke logogin lek o.

Yeremiya 27:7

Yi aakumi ndi aakumi abok aret at Nebukanetat inom, obaane'me mi'naremenggerak aput inom, ti'nuk, aput obaane'me mi'naremenggerak ombooluk inom, inabu'me logonet, inake eekwi iigak, at abu'me piige menggim lek eeppuurak eyom ari woraagin o. Ari wage kenok, yi aakumi ndi aakumi apit inom, it aap inoweewi inendagembogut abu tiyanak inom, nen at Nebukanetat paga ndarak nogo inabu'me logowak nduk, tebenogo pogo logogun o.

Yeremiya 28:9

it Ala nen yorage kagak yoraga nen, Kiniki ugun tayenak logonip o, yinuk, yorogwe iinok perak, Yoragaatak a'me nggelok yi wage kenok mban Aliku ALA nen abet aret nappiya wagaarak iigo o, yinuk, ineenu arugun o.”

Yeremiya 8:19

It an nowe-nawot o nda nen le yogo logonet, “Aliku ALA o Tiyon wonage ilik lek a? O kota time inowe endagembogut wonage ilik?” Yinuk, inoone nggwok paga yogwe nogo karuk konenu o. Yoge mbaki, at Aliku ALA nen, “An niniki wariyak it nonggop nduk inagugi ogut eerogo pugwi, Nonggop nduk it aap inambik inagugiwak aanom warogo kagak mippit nogwe, Eekaarak?”

Yetikiyen 39:10

Wim eekak yi mendek ndi mendek ti, Mbi lariyak ninaga'ni wurik aret o, yinuk, ti mban kunggo logonet, penaame time inaga'ni wuri nogwe, eyonggaame time inaga'ni muuri nogwe, eeko logogun lek o. Aakumi nen Iterali inamendek kugun wonok nogogwaarak nogo onggo it Iterali mendek nen it aakumi ti, inamendek togop aret kugun wonok wogwe, it aakumi nen Iterali inageerok kabekko'nok wundeegwaarak nogo, onggo togop aret it Iterali nen it aakumi ti, inageerok kabulogo kologwe, eerugun o,” yinuk, Aliku Itok Menggerak ALA nen aret yegerak me, yagi o.

Yowen 2:27

Ti eeke neenok, an it Iterali mendek inenggela'me wonage, Ndi, inogoba alik ambi wonage lek inogoba Naliku Ala nalik aret wonage, Eeke nogo ineenu arugun o. It an napuri ti, ambinom inenggali mbakak nugu logogun mondok lek o,” yinuk, yegerak me, yokkiragi o.

Abakuk 2:17

Aakumi inamiya wunabit wage, It aakumi inanggween inom, inawi kota-kota inom, pup eerogo pege, Ndi, it inawi kota-kota wonogwe nogo, ineebe inoorogo piinet nage, Eereegerak me, At ogogumbuk lombok logonet, it puut Libanon menggaarak eyo muurogo pit nogo mengga kwak, eeppiinet nage nagagerak nogo ti, Yungguk togon at oba kwi'nari wage, Ndi, ndiimbu-nggwiya eyonggaame time lek eerogo piinet nage nagagerak nogo nen Melak togon at agabiti mbaruwak nduk, eeppugwi, Eerugun o, yinuk, at yogo logogun,” yegerak o.

Abakuk 2:8

At nen aakumi inamiya wunake, Inanggween inom, inawi kota-kota inom, maluk eerogo pege, It o kota-kota wonogwe nogo inoorogo piinet nage, Eeke logonet, Aakumi inanebunu lombok ambik aret inagugun wonok nage nagagerak me, It aakumi eegu yumbunogo piyamenggerak nogo nen at amendek kugun wonok ndi yogo logogun o.

Tepaniya 2:9

An Nomaawi Lombok Minggirak Naliku Iterali inogoba Ala nen o Mowap nogo, o Torom kwak eerogo pege, Ndi, it aakumi Amon mendek ti, aakumi Nggomora eerogo piyareegi kwak, eerogo piige, Eerigin o, Yinuk, an mondok neenik menggirak nendage kumbatinuk yagi o. O Mowap ti, alok-palok mban age, Mayu kwaako logonet, nggween kabuneegwa kwak age, Eerak me, Eeri'ngga-kale'ngga lagangga'lek puluk ko eerogo piminggirak me, It an napuri eegu yumbunik wonogwe nogo nen inamendek kugun kologwe, It an napuri eegu pugu wonogwe nogo nen inanggween ineyate kwak unde eekkologwe, Eerugun o,” yinuk, yegerak o.

Takariya 2:11

Ne ti eyom paga yi aakumi ndi aakumi abok aret Naliku ALA ninom lambumbunuk, it an napuri arugun me, an it inenggela'me aret logogin o. Ti eeke neenok, at Omaawi Lombok Menggerak Aliku ALA nen an nappani wagaarak kineenu arumunggup o.

Takariya 2:8

At Omaawi Lombok Menggerak Aliku ALA nen yegerak nogo yi aret. “Aakumi nen it an napuri mbaaniigwi iinok, an nenegen aret ndaganggwi, yegerak me, at Abu Tiyanak Menggerak nogoba nen it yi aakumi ndi aakumi tebenogo pinagareegwaarak nogo, maluk eerogo piyaakit nduk, nappani wagaarak o.

Takariya 4:9

“At Terubaben nen an nawi yi, ogowa kwippit nagagerak me, at nen aret eebe obaga aret wurogo pigin o. Ti wurogo pege kenok, it an napuri nen, At Omaawi Lombok Menggerak Aliku ALA nen abet aret Takariya wone yo'niraawak nduk, nappi wagaarak kogo o, yinuk, yugun o.

Takariya 6:15

Yi aakumi ndi aakumi o nda nen wogo logogun nogo nen Naliku an ALA nawi ti, it inom aret wurugun o. Wukwi iinok, it aakumi nen, At Omaawi Lombok Menggerak Aliku ALA nen aret aap Takariya nappi wagaarak kogo o, yinuk, yogo logogun o. Ndi, kogoba Naliku an ALA nen wone yokkege minggirak nogo liirogon konembunuk eeke keenok, wone ti ariyak nogo a'me aret age kaamunggun o,” yinuk, yo'nereegerak o.

Takariya 9:15

Ndi, nogwe iigak, at Omaawi Lombok Menggerak Aliku ALA nen it ineebe op logowak nduk, nobarogo piige, Eerigin o. Togop aret eerigin me, at apuri nen it inawim nogo ineebe lek eerogo piigwi, It yugum anggen keele paga nggelembunuk nambukwi nogo paga tebenogo piigwi, Anggur amburu nenok ugun agan nugu mengga kwak kumili-kumili negen agan nugu logonet, aakumi ugun inoorogo piinet nogwe, Togolowak amiya eno korok togon toolak wonok Ala ake warogo wogogo menggam ogobakkigirik unggut-unggut kilirogo pit nogo mengga kwak Aakumi inoorit nogwe paga inamiya togop aret wambit nage, Eeke logogin o.

Yaya 13:19

Wone yi a'me lik ari kenok, kit nen, At eebe nogo yi aret kogo o, yinuk, kiniki noba panggombunuk, abet nombarubagip nduk, a'me lik yega'lek kagak, yogondak yokkirage agarik o.

Yaya 16:4

Aa'nduk yokkirage logolik kwe, eekkinaburak eyom panggoni wage kenok, wone yokkiragarak yi, abeko logomunggup nduk, yogondak yi aret yokkiragi o,” yoragagerak. At Yetut ambinom yorage logonet, “An aa'nduk kit ninom logonet, wone yi yokkirage logolik kwe,