Takariya 2:8 - Ala Wone Peenok Peebi Mbanak

⁸ At Omaawi Lombok Menggerak Aliku ALA nen yegerak nogo yi aret. “Aakumi nen it an napuri mbaaniigwi iinok, an nenegen aret ndaganggwi, yegerak me, at Abu Tiyanak Menggerak nogoba nen it yi aakumi ndi aakumi tebenogo pinagareegwaarak nogo, maluk eerogo piyaakit nduk, nappani wagaarak o.

Takariya 2:8 ပူးပေါင်းရင်းမြစ်များ

Wakkagagerak 20:6

Togop ari mbareegi, at Ala nen abi paga wone nogo yoge logonet, “Abet aret yagan o. It yagaarak ti, Yi abet aret yaga, yinuk, kiniki abe paga eekendak keege nagarik, an nenegen neegak kwe ti pigagangge paga, maluk eeke keyo nduk, an nen non mbambagage wonagarak o.

2 Endagembogut 24:2

Mbake mbareegi, Aliku ALA nen ayeloman mini at oone yoraga nogo yorage kagak yorogo nogogwaarak ndak-ndak, it Yekura lek eerogo piyaawak nduk, it aap o maluk eerogo piiga Mbaben mendek inom, Aram mendek inom, Mowap mendek inom, Amon mendek inom, Aliku ALA nen nappiya wagak eeke nagagerak.

Ndawi 17:8

Kenegen awuluk kwak eerogo paninuk narum logot o. Ndi, it maluk eeka nen nooriyak eekwi, Nawim nen nenggaawak lek eerogo paniyak nduk an wangge'nakwi, Eekwi nogo nen pi'nakwi iyo, Ka'naabit abu'me kumaappaninuk logot o.

Kini Wuppiige 7:2

“Yogop ee'nu ndogop ee'nu,” an yokkege nogo mugurok nage kenok, keenik aret logomunggun o. An nen wone mamunggege yi, kenegen awuluk unde wakkolage menggendak kwak unde wakkolage,

Yetaya 49:19

Kat kame abu kaliirubu koo'nuk wundeegwaarak paga yi oone ndi oone lek agagerak wonage, Kanggween abu maluk eerogo pereegwaarak wonage, Eerak aret wonagagerak kwe, Obeelom ariyak ti eyom paga aakumi apit aret o time yagabit ari unggwogo logonet, nggween yagabit age, It aap lek eerogo pereegwaarak nogo kole o nda time ari namenggaarak wonogwe, Eerugun o.

Yeremiya 12:14

Aliku ALA nen ari logonet, “It aakumi Iterali inom koorok menggaarak inobaabut maluk nogo nen an napuri Iterali yate kwak inanggween wogoragagim tebenggologwe nogo, eyo kinogo wunako mengga kwak it wonogo menggam inanggween paga nen nggiginogo wumbiige, it Yekura paga wiganak inenggela'me wonogwe nogo kunduk, togop aret yabonogo wumbiige, eerigin o.

Yeremiya 27:7

Yi aakumi ndi aakumi abok aret at Nebukanetat inom, obaane'me mi'naremenggerak aput inom, ti'nuk, aput obaane'me mi'naremenggerak ombooluk inom, inabu'me logonet, inake eekwi iigak, at abu'me piige menggim lek eeppuurak eyom ari woraagin o. Ari wage kenok, yi aakumi ndi aakumi apit inom, it aap inoweewi inendagembogut abu tiyanak inom, nen at Nebukanetat paga ndarak nogo inabu'me logowak nduk, tebenogo pogo logogun o.

Yetikiyen 25:12

Aliku Itok Menggerak ALA nen yegerak nogo yi aret. “It o Erom mendek nen it Yekura mendek inanini nen eeppiyareegwaarak paga maluk nggwok lombok eereegwaarak me,

Yetikiyen 25:15

Aliku Itok Menggerak ALA nen yegerak nogo yi aret. “It Pilitin mendek nen yogo logonet, Iterali mendek ti, abu nineebi o, yinuk, inanini nen eereegwaarak onggo inookwi, ndi, O maan aa'nduk nen ninom wim mbanak yi aret o, yinuk, it Yekura mendek mondok pup eerogo piyoorak mbakwi, eekwi iinok,

Yetikiyen 26:2

“Aakumi nen ndarak yi wae. O kota Tirut nen o Yerutalem abok mbangge logonet, Yi aakumi ndi aakumi yinggwi-unggwogwe eeko menggam kota Yerutalem ti, abu yigirik-noonom agaarak wonage me, yogondak tu an paga wogo logogun o. At yinik-minik eerak wonage kagak, an perak, iya lombok arigin o, yinuk, yereegerak me,

Yetikiyen 26:20

yi aap ndi aap o maan aa'nduk togon mbuun ambena wambit nogogwaarak wonogwe me, inom logowak nduk wuppigin o. O maan aa'nduk togon yigirik-noonom eerogo pereegerak nggween abena lombok wonage kwak, at nggween inikime lombok time inaa'nduk kambeegwaarak mbuun ambena wonogwe me, inom logowak nduk, wuppigin o. Time nen lagi wage, aakumi ineenik wonogo menggam obaane'me ari wage, eerigin lek aret o.

Yetikiyen 35:5

O aa'nduk nen nok, yogondak kuli at nen it Iterali anini inombarit wage logonet, it Iterali eeko nogogwaarak onggo eeppiyoorak abu aret panggoni wage kenok, aaninggin inoba kwi'nagagerak ti eyom paga wooluwak paga inooruwak nduk inawim ineenggime piyareegerak me,

Yetikiyen 36:11

Puut-puut ti paga aakumi inom, inaanggumi inom, ambik aret wiganogo piige neenok, ndaganabit nogo logonet, ineebe ambik aret wigannarugun o. O aa'nduk puut-puut ti paga aakumi ambik ye mbambatinuk wonogogwa kwak eerogo piyaagin me, aa'nduk yi mendek ndi mendek yarak anggen ambik yi'nage nagagi kwak lek, yogondak ti abunuk, alik negen yi'nage logowak nduk, eerogo pigin o. Ti eeke neenok, it nen Naliku ALA an aret ineenu arugun o.

Yetikiyen 38:11

At nen koongge logonet, An mi'nage logominggirik, o kota-kota yugum pak wurik lek me oonda mbani unggwage, it aakumi inawi kota-kota pak wurik lek wonage, tungga ogobakkigirik lek ambe pan aago wonage, eerak kagak, aakumi iniki ugun tayenak inale'nggen mban wonogwe me, time inoba kwi'nari unggwage, eeke logominggirik,

Yetikiyen 38:14

Togop aret me, aakumi nen ndarak yi wae. At Aliku Itok Menggerak ALA nen yegerak nogo yi aret o, yinuk, at Nggok eeppuurak nogo yoge logonet, Napuri Iterali iniki ugun tayenak wonogwe iinok, at liippigin lek ya? Liippigin aret me,

Amot 1:11

Aliku ALA nen ari logonet, “It aakumi o Erom menggaarak ti, ne kenagan mban maluk eerulik, ne ambi inom eekak mban eeko nogogwaarak me, An nanini eeppiyoorak koonak wonage nogo teppiyaagin lek eeppiyaagin aret o. It Erom mendek ti nen inawuri inabuwa mbaka'lek wooluwak nutik muguren nogwe, Inanini mi'nagak mban eekwi, Kani kunik wunuk mban ari menggi kwak inawuri inanini mban eeppiinet nogwe, Eeko nogogwaarak me,

Amot 1:13

Aliku ALA nen ari logonet, “It aakumi o Amon menggaarak ti, ne kenagan mban maluk eerulik, ne ambi inom eekak mban eeko nogogwaarak me, An nanini eeppiyoorak koonak wonage nogo teppiyaagin lek eeppiyaagin aret o. It Amon mendek nen inanggween nggwok aruwak nduk, kuli pugu kagak ya langgok eerogo pogo logonet, Kumi o Nggileyat mendek inabila wonogwe nogo, inaagalogwe kilirik-ndowanak eerogo wumbiinet nogo nogogwaarak me,

Amot 1:9

At Aliku ALA nen ari logonet, “It aakumi o Tirut menggaarak ti, ne kenagan mban maluk eerulik, ne ambi inom eekak mban eeko nogogwaarak me, An nanini eeppiyoorak koonak wonage nogo teppiyaagin lek eeppiyaagin aret o. Ninom kunik logorak wone yugu nogo kobak eerogo punuk, It aakumi ambi mendek abok aret wogoren aap Erom mendek inayeloman mini logowak nduk ineenggime piya nogogwaarak me,

Mika 4:11

Togop aret eerigin kwe, o yogondak nen yi aakumi ndi aakumi ambik lombok nen tebenogo pinagawak nduk, kuwak eeppunuk yogo logonet, It maluk eerogo piyaawak o. O Tiyon aagalogwe maluk eerogo piigwi iinok, inagi'ndok kanggo logowam ninigen loorogo logowok o, yinuk, yogwe kwe,

Mika 5:6

Aliku ALA nen miinanggen nappi woramenggerak luurogo pege, mayu iri'ngga paga wangge, eeke nogo nen, “Nit wanggwi nogo aakumi nen niyaawak nduk, torinako logowok o,” yogwe, Ndi, “Lek ogwe niyaawak nduk, torinako logowok,” yogwe, Eekulik alik en wangge, lek age, Eeke menggi kwak, At Yakup mendek ando yumbunik nogo ti, yi aakumi ndi aakumi inenggela'me togop aret logogun o.

Mika 7:10

“Kit kinogoba Aliku Ala nogo ngge o?” yinuk, yo'nirogogwaarak ninawim nogo nen nit ee'ninake ti, Inigen niigo logomenggaarik, inenggali nen inete wandinik logonet, nogo logogun o. It tebenogo piinok, purok tu paga iniyok amok mbanggo mengga kwak, togop eeppiige iyaagun o.

Abakuk 2:17

Aakumi inamiya wunabit wage, It aakumi inanggween inom, inawi kota-kota inom, pup eerogo pege, Ndi, it inawi kota-kota wonogwe nogo, ineebe inoorogo piinet nage, Eereegerak me, At ogogumbuk lombok logonet, it puut Libanon menggaarak eyo muurogo pit nogo mengga kwak, eeppiinet nage nagagerak nogo ti, Yungguk togon at oba kwi'nari wage, Ndi, ndiimbu-nggwiya eyonggaame time lek eerogo piinet nage nagagerak nogo nen Melak togon at agabiti mbaruwak nduk, eeppugwi, Eerugun o, yinuk, at yogo logogun,” yegerak o.

Abakuk 2:8

At nen aakumi inamiya wunake, Inanggween inom, inawi kota-kota inom, maluk eerogo pege, It o kota-kota wonogwe nogo inoorogo piinet nage, Eeke logonet, Aakumi inanebunu lombok ambik aret inagugun wonok nage nagagerak me, It aakumi eegu yumbunogo piyamenggerak nogo nen at amendek kugun wonok ndi yogo logogun o.

Tepaniya 2:8

At Aliku ALA nen ari logonet, “It aakumi Mowap mendek nen an napuri meek eerogo piigwi, It Amon mendek nen an napuri mbelaappiigo logonet, inagi'ndok kanggwi, Eekwi nogo An muk naruk konenggirak o. It nen an napuri meek eerogo piigwi, Nit iya me, kinanggween tebenggologwe niinok, kit nonggop eerumunggup o? yinuk, yorogwe, Eekwi me,

Takariya 2:11

Ne ti eyom paga yi aakumi ndi aakumi abok aret Naliku ALA ninom lambumbunuk, it an napuri arugun me, an it inenggela'me aret logogin o. Ti eeke neenok, at Omaawi Lombok Menggerak Aliku ALA nen an nappani wagaarak kineenu arumunggup o.

Takariya 2:9

Togop me, an neenggi omaawi paga it ineebe nggwi eerogo inoorogo piige, inayeloman mini nen inagugun wonok ndi yuwak nduk, eerogo piige, eeke neenok, at Omaawi Lombok Menggerak Aliku ALA nen an abet aret nappani wagaarak ineenu arugun o,” yinuk, ari kagarak o.

Takariya 8:5

o kota tu paga tu paga wologwe-komologwe yagabit eerit nugu logonet, yine kunit nugwi, eeko logogun o,” yinuk, yo'nege,

Maleyaki 3:1

At Omaawi Lombok Menggerak Aliku ALA nen ari logonet, “An woraawam tu yarogo panuwak nduk, nayonggo nappi wage neyaagun o. Tu yarogo panege kenok, Ninogoba woraawak lak, ao, mbakwi nogo, nawi wurik me time unggwi nage, ndi, at inom wone abuk nggaruk togon koonogo puwak nduk, Nappi woroorak, mbakwi nogo, abera'lek me aret wage, eerigin o,” yinuk, yegerak.

Matiyut 25:40

Yo'nogo mbaremengga, an nendagembogut nogo nen it nogo yorage logonet, Lek o. Kit nen an nawuri maluk-malak eeginabeegutak nogo ti, an aret ee'nabeegutak o, yinuk, abet aret yokkiragi, yoraagin o.

Matiyut 25:45

Yo'nogo mbaremengga, an nen it yorage logonet, Lek o. Kit nen it aap maluk-malak mendek yi, togop eeginaka'lek wonogogutak nogo ti, an aret ee'naka'lek wonogogutak o, yinuk,

Yaya 14:26

Aberiniki kit kiniki eyak wappinagage logowak nduk, nogoba nen an nobaane'me nappi woraagin nogo nen yi wone ndi wone apit aret mamunggirage, ndi, yi wone ndi wone yokkirage nagagirak nogo abok aret abekkirage, eeke logogin o.

Yaya 17:18

Kat nen aakumi o nggween paga yime menggaarak inowagam nappani wagagindak nogo pogom, it kapuri yi, togop aret aakumi o nggween paga yime menggaarak inowagam nappiigirak o.

Nappiigak 9:4

Wuppi wage mbareegi, at Tawulut nogo nggween paga enete wanduk ngginnagagerak kagak, oone ambi at yoge logonet, “Tawulut wae. Tawulut wae. Kat nonggop nduk keebi-keeba agago noorit nage menggendak o?” Yoge aruk konembege nagagerik,

Pelaareegerak 32:10

Togop eerogo pereegerak kagak, O karume eerilek mba'ngge mban ku agan nogo menggam nen kwaariige nagagerik, Anggen abe kenok iniki kunik mengga kwak, inarum wonage, At abu'me piinok, liirogon ndegeninake, Eeginake logonet,

2 Tetalonika 1:6

At Ala iniki koonak a'me nggelok eeke menggerak me, it nen aaninggin kit kinoba pinagagwi nogo, onggo at nen it aaninggin inoba piyaagin o.

1 Yaya 4:14

Ndi, ninogoba nen yi aakumi ndi aakumi abok aret inagap ndaruwak nduk, at aput nappi wagagerak nogo ninigen kogo nogogurik, paganogo yokkirogo monggoorak.