Takariya 2:4 - Ala Wone Peenok Peebi Mbanak

⁴ at yoge logonet, “O kota Yerutalem ti, aakumi ineebe inom, inaanggumi inom, ambik lombok wigannarit nogo logogun me, o kota yagat wurik lek we tene wonage logogin o.

Takariya 2:4 ပူးပေါင်းရင်းမြစ်များ

Etet 9:19

Ti eereegwaarak paga it aakumi Yakuri mendek inawi wonogo menggam lombok wonogo logonet, tut Arat penenak tanggal 14 ari wage kenok, iniki ale'nggen nen laago nggwok lako logonet, inambi tumbut-tumbut eerogo nonggo menggaarak.

Yetaya 33:20

Ninale'nggen nen laago lako logorak yugu lako monggom o Tiyon nogo kinigen nakkogo logonip o. Ooliya wurik minogo ambime wonok nawak nduk, eyak yinik kinggwi, Keele eyak paga pugunik nogo piinggwi, Eeka'lek mondok wurik menggi kwak, O Yerutalem ti, yi wone ndi wone lek obeelom mban wonage kaamunggup o.

Yetaya 44:26

Ayeloman mini nen wone yorogwe nogo omaawi eerogo piige, At nappiigetak yora nogwe nogo a'me nggelok yuwak nduk eeppiige, Aakumi o kota Yerutalem logogun o, yinuk, ari, It Yekura wonogo menggam kota-kota yigirogo pugu nogo obaane'me wurigin o, ari, Aa'nduk wonagagi kwak eerogo pigin o, ari,

Yetaya 49:20

Naagalogwe kobak agaarak, ai, inombake nogo at owagam woraanuk, yogo logonet, O yi, nit logorak tenak lek abu yagabit aret me, nggween ambi mbet wo'niret o, yinuk, yogo logogun o.

Yetaya 54:16

Kani wunuk yuwak nduk puuge, Ndi paga inooriyak, mbakaatak nogo kani worappunuk koonogo pege, Eeke menggerak mbutiwak paga eeka ogobakkigirogo pereegirak nogo ti an aret o. It aap wim eeka kunduk, an nen aret ogobakkigirogo piyareegirak me,

Yeremiya 1:6

Yo'nege mbareegi, an nen at yoge logonet, “Ai! Kaliku Kitok Menggendak ALA o. An awo wulaga mbuuluk aret o. Ndi, wone yuurak kunduk kobak aret o.”

Yeremiya 31:24

O Yekura paga, o Yekura kota-kota paga, aakumi ambik wonogwe me, it yabu eeka inom, inandomba wogoren ambime agak nega inom, o time inom wonogo logogun o.

Yeremiya 31:27

At Aliku ALA nen ari logonet, “It Iterali wonogwe me inom, Yekura wonogwe me inom, inapuri kunduk, inaanggumi kunduk, wigak yogo logowak nduk, eerogo piyoorak eyom panggoni woraagin o.

Yeremiya 33:22

Togop eeriyak meek aret me, an nayeloman Ndawut paga wiganak inom, ndi, it an nenggaanom paga nake eeko menggaarak Lewi mendek inom, laaluguragan mbogut paga wonogwe nogo ineenggi lingginiyak meek kwak, mbini niyo aa'nggi paga wonage nogo wakkoorak meek kwak, it inombowologwe togop aret wiganogo piyaagin o,” yinuk, yegerak o.

Yetikiyen 38:11

At nen koongge logonet, An mi'nage logominggirik, o kota-kota yugum pak wurik lek me oonda mbani unggwage, it aakumi inawi kota-kota pak wurik lek wonage, tungga ogobakkigirik lek ambe pan aago wonage, eerak kagak, aakumi iniki ugun tayenak inale'nggen mban wonogwe me, time inoba kwi'nari unggwage, eeke logominggirik,

Ndaniyen 1:17

It aap tawe ineebe 4 yi nogo, Ala nen yi wone ndi wone ineenu aruwak nduk eeppiige, it aap Mbaben mendek yogo nogogwaarak inom, eeko nogogwaarak liiru mbanak inom, yelok kaawak nduk eeppiige, eereegerak. Ndi, at Ndaniyen nogo, inabinggaanggo kogwe nogo mendek inom, inabi kogwe nogo mendek inom, abok aret alom telanogo yorage logowak nduk, eeppereegerak.

Ndaniyen 1:4

Leenogo piige logonet, it aap inawinde-inobaande eerak lek abe kigirikwe tawe kero, yi wone ndi wone mamuniyak inobam kero, yi wone ndi wone yereegerak-pereegerak apit ineenu kero, iniki ngget mendek kero, ti mendek mban an nawi nggwok abe wurik me yabu inobam eeko logowak nduk, leenogo piinok, kat Atepenat nen aret nit Mbaben mendek ninoone inom, ninoone paga liiru mbanggo monggoorak inom, mamunirage logomunggun o.

Mika 7:11

Kat Yerutalem yi wae. Kayugum pak obaane'me wurogo pege, Kanggween kuli pugu ambe wigak togon eerogo pege, Eeriyak eyom panggoni woraagin o.

Takariya 1:16

Togop aret me, Aliku ALA nen yegerak nogo yi aret. An nen o Yerutalem ne ambinom nena koonogo pegiige logonet, inabuwa mbake, an nawi obaane'me time wuruwak nduk, eeppiige, ndi, keele wakkagak paga o Yerutalem ngginogo nappege, eerigin o, yinuk, at Omaawi Lombok Menggerak Aliku ALA nen aret yegerak yoret o.

Takariya 1:17

Ndi, ambi yoroorak nogo yi aret. At Omaawi Lombok Menggerak Aliku ALA nen ari logonet, An nawi kota-kota paga yi mendek ndi mendek ambik abe mban kalo logonak ngginu-ngginu wangge kagak, Naliku ALA nen it Tiyon mendek iniki eyak wappiige, ndi, an name o Yerutalem logokit nduk unde eekkolage, eerigin, yegerak, yoret o,” yinuk, yo'nege kagarak.

Takariya 12:6

Kani wurik logonogo punuk, kani wuninogo pogo mengga kwak, gandum owak mippit nanuk, ndi wuninogo enggela'me pogo mengga kwak, ne ti eyom paga an nen it Yekura mendek inoweewi togop aret eerogo piige neenok, it aakumi inaagan-inambokan wonogwe nogo abok aret kani wuninogo piigwi iinok, tigitogon aret nenet nagin kwe, o Yerutalem perak, wonage menggi kwak enaani aret logogin o.

Takariya 14:12

Aliku ALA nen it yi aakumi ndi aakumi abok aret o Yerutalem mendek inom wim namburiyak nduk unggwi woraagun nogo, kugilingga inoba piyaagin nogo yi aret. It awo ineenik nugwi iigak, inagabolo nggono-nggono wangge, inigen alome pili age, inamili pili a'nuk inambeme inobari ndi wuke, aganake logorak mendek inoba kwippiyaagin ti aret.

1 Timotiyut 4:12

Kat keebe awo tawe aret me nduk, aakumi nen tebenogo pagarak ti mage o. Ari menggendak inom, eeke menggendak inom, aakumi kiniki kunik aganake menggendak inom, Ala wone abet mbake menggendak inom, maluk eerukwak, kenegen tebenak nege menggendak nogo inom, eeke ti paga it aap abet mbako menggaarak kat in wakkagak logonet, eeke logot o.