Takariya 2:1 - Ala Wone Peenok Peebi Mbanak

¹ Ti'nuk, nenegen tiya ari nagarik, aap ambi keele wakkagak eenggime porogo wonage kagarak.

Takariya 2:1 ပူးပေါင်းရင်းမြစ်များ

Yetaya 54:16

Kani wunuk yuwak nduk puuge, Ndi paga inooriyak, mbakaatak nogo kani worappunuk koonogo pege, Eeke menggerak mbutiwak paga eeka ogobakkigirogo pereegirak nogo ti an aret o. It aap wim eeka kunduk, an nen aret ogobakkigirogo piyareegirak me,

Yeremiya 31:39

O nggween ti, keele wakkogo logonet nok-nok, puut Nggarep kuli nen ena nomonogo o Nggowa kuli pi nagun o.

Yetikiyen 40:3

Time paneegerak logonet, aap ambi eebe mbuti tembaga aago negen logonet keele yawenak inom, waanggun wakkagak inom, eenggime porogo tu unggwi nogo menggam mi'ndak wonage kagagirak.

Yetikiyen 40:5

Kage logonet, nggween mbanak Ala awi wurik wonage me yendok-wandok abok aret ti, yugum pak wurik wonage kagagirak. Ndi, aap eenggime waanggun wakkagak porogo wonage ti, metet irip kuwagaluk paga lek o. Ata, metet irip mbuuluk nggorek negen paga wakkagak metet kenagan aret me, waanggun ti paga yugum pak wurik wakkage logonet, ambin wiganak ti, waanggun nggorek ambit paga wakkage, ndi, agi tiyanak irip nogo ti, waanggun nggorek ambit paga wakkage, eeke kagagirak.

Yetikiyen 47:3

Kage neegak, aap ti, keele wakkagak eenggime wonok oonegen lagi wage menggim pa'nggwe nage nagagerik, niyo nogo, metet lima ratus paga wakkage nagagerik, wo'neren niyo nogo inikime pani unggwage mbareegi, niyo alobok ti, nandelen kuli age kagagirak.

Yetikiyen 47:4

Kage mbareegi, ti'nuk, at nen niyo nogo, metet lima ratus paga ambinom wakkage nagagerik, wo'neren niyo nogo inikime ambinom pani unggwage mbareegi, niyo alobok ti, nendobanggun kuli age kage, ti'nuk, metet lima ratus kuli ambinom wakkaanuk, wo'neren niyo nogo inikime ambinom pani unggwage mbareegi, niyo alobok ti, naa'ndok kuli ari laganggerak kage, eeke nagagerik,

Ndaniyen 7:7

Ti kage nagarik, oonikiya nabi awo kage me, nggwiya negen alik ambi lagi wage kagarak o. Nggwiya negen kagarak ti, omaawi ambik, aakumi inagabiti nen inamineeri ne agan naga nogo mendek kagarak. At eyak ti, mbuti mendek nggwok lombok me, noorak mbaketak nogo eyak ti paga yigirik-noonom eerogo nengge logonet, ando yumbunogo pege nogo, iyok aan lebenogo pit nage kagarak. Nggwiya negen yi nogo ti, aa'nduk lagi wogwe iigirak nogo kwak lek at abu alik lombok me, eyak 10 kuli anobak me wonage kagarak.

Takariya 1:16

Togop aret me, Aliku ALA nen yegerak nogo yi aret. An nen o Yerutalem ne ambinom nena koonogo pegiige logonet, inabuwa mbake, an nawi obaane'me time wuruwak nduk, eeppiige, ndi, keele wakkagak paga o Yerutalem ngginogo nappege, eerigin o, yinuk, at Omaawi Lombok Menggerak Aliku ALA nen aret yegerak yoret o.

Takariya 1:18

Ti'nuk, an nenegen tiya ari nagarik, eyak 4 wonage kagarak.

Wayu 11:1

Ti yo'nege kage nagarik, wonage me, wakkagak waanggun negen ogobakkigirik ambi wo'nege logonet, “Ala awi wurik inom, Ala ake warogo kani kunggo menggam inom, wakkage, ndi, aakumi Ala awi wurik me alut eeri unggwogo menggaarak nogo, ineebe keenggi linggininake, eeri nak o.

Wayu 21:15

Ndi, at wone yo'negerak nogo nen o kota inom, tu pak mbanak nogo inom, o wa'nagat wurik inom, wakkaakit nduk, wakkagak mbuti emas paga ogobakkigirik eenggime wonage kagarak.