Takariya 14:6 - Ala Wone Peenok Peebi Mbanak

⁶ Wogwe ne ti eyom paga oonegen eya inom, tut eya inom, laaluguragan eya inom, logogin lek aret kwe, eya eerak mban logogin o.

Takariya 14:6 ပူးပေါင်းရင်းမြစ်များ

Ndawi 112:4

It aap a'me nggelok mban eeppiigwi, Iniki yanggonak logonet, eeppiinet nogwe, Aakumi inabuwa mbakwi, iniki koonak mban wonogwe, Eekwi nogo O yumaak kwak logomenggaarak kwe, O eya pindanogo piige logogin o.

Yetaya 13:10

Ti eeppiige neegak, Laaluguragan mbogut paga wonogwe inom, Laaluguragan ambit me ninggirik wonogwe inom, Inabinak pinda yogo menggaarak nogo lek age, Oonegen lagi wage nogo apit age, Tut kunduk abinak lek age, Eerigin o.

Yetaya 24:23

At Omaawi Lombok Menggerak Aliku ALA o kota Yerutalem puut Tiyon logonet, Endagembogut a'nuk wone lengganogo yorage, Aakumi at apuri inoweewi nen at abinak kwindagala aago logonet eerit nage inigen kaawak nduk eeke, Eeke kenok, Tut nogo nen, “Nabinak mbuuluk me nagabiti o,” ari, Ndi, mo nen, “An nenggali aga o,” yinuk, ari, Eerugun o.

Yetaya 50:10

Kit kinenggela'me nen at Aliku ALA agabiti mbake, At ayeloman wone ari kenok liirogon eeke, Eeke menggerak ta wonage agaarik o? At o eya paga nageelik apit paga wonage logonet eerit nage nogo nen Aliku ALA abet mbake, At ogoba Ala iniki oba panggombege, Eeruwak o.

Yeremiya 4:23

An nen o nggween yi pekkage logonet, Owak mbanak naalop-kaalop aago wonage kage, Mbogut paga nikkage logonet, o eya eeka lek aret kage,

Yetikiyen 32:7

At enggaawak lek eerogo pege ti eyom paga mbogut eya nogo nobarogo pege, Laaluguragan abinak lek eerogo pege, Ndugwi paga oonegen nobaruwak nduk eeppege, Tut eya eeke kero, Keya eerugun o, yinuk, yoge,

Yetikiyen 32:8

Mbogut paga nen at eya eerogo pit nage menggerak abok aret yumaak eerogo pege, Eerogo punuk, Anggween paga time o apit eerogo pi woraagin o,” yinuk, at Aliku Itok Menggerak ALA nen aret yegerak o.

Oteya 6:3

Togop me, At Aliku ALA ti, nit ninogoba aret o, yinuk, paganggwi, At eeke menggerak nineenu arit unggwogwe, Eeko logowok o. Ti eekwi niinok, oonegen lagi wage logonet, eya pindanogo pege menggi kwak at abet aret niya wage, O mayu wage menggim age kenok, mbogut paga nen mayu wuranet wage menggi kwak ninowagam wage, O kibi wonagaatik, o mayu wage logonet, nggween miin eerogo pege menggi kwak, at nen obeelom eerogo pinanege, Eerigin o, Yinuk, yogo agaarik o.

Yowen 2:2

Ne ti eyom o mondok apit lombok age logonet, iniki miin eerogo piinet nage, Ndugwi apit eerogo pege kenok, o yumaak eerogo pege, Eerigin o. O kilim nagake logonet, puut-puut kin eerogo pit nage menggi kwak, Ne ti eyom paga wim eeka inomaawi ambik lombok ineebe apit aago o aa'nduk nen wogwe inigen iyoolik nogo mendek wogwe, Ndi, peebi nen togop ambi wogwe iyaagun lek nogo mendek wogwe, Eekwi iyaagun o.

Yowen 2:30

Agi mbogut paga nen tam warak mendek eeke, Ogu nggween paga nen eerubok mendek eeke, Eeke logonet, Inamiya inom, kani omoonuk inom, ka'luk aagi inom, eerigin o.

Yowen 2:31

An kinogoba Naliku Ala woroorak eyom pi wa'nakwi, Aakumi inamineeri ne agan nage, Eekwi iigak, Oonegen apit age, tut inamiya negen age, eerigin o.

Yaya 1:5

Eya nogo nen o apit me eya eeke menggerak. Ndi, o apit nogo nen o eya nogo o apit eerogo pega'lek aret wonage menggerak.

Yaya 12:46

Kit ambi nen kiniki noba panggombunuk, abet nombakwi kiinok, o apit paga wonogwe kiyo, o eya paga logobagip nduk, an eya pogom aret o nggween paga yime wagagirak.

Nappiigak 2:16

At Ala nen yoge kagak yoraga Yowen nen yereegerak nogo arit wage yi aret o.

Nappiigak 2:19

Agi mbogut paga nen tam warak mendek eeke, Ogu nggween paga nen eerubok mendek eeke, Eeke logonet, Inamiya inom, kani omoonuk inom, kaluk aagi inom, eerigin o.

2 Peterut 1:19

Ti yereegerak kenok, o maan it aap Ala nen wone yorage kagak yorogo nogogwaarak nogo a'me lik yi wagak eeke kogo nogogurik, nit niniki abet mbakwi nogo, mondok nu'lek eerogo pinanegak eeke kogogurak o. O weerikit nduk, kilim nagake kagak, ndowan ambiret abinak ndelenak-welenak ari kogo monggoorak nogo, wundi waga'lek kagak, o apit me ndi wuninogo pogootak eya kenok, niniki ale'nggen age menggi kwak, kinikime awo eya eekkinabi waga'lek kagak, wone yo'nirogo nogogwaarak nogo kiniki kunik eekkologo logonet, liippogo logorak ti, op lombok aret o.

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.

Wayu 11:3

Ndi, it aap ineebe mbere noone yorogo logowak nduk, nappiyaminggirak nogo nen aakumi iniki puru yogo logonet, inayum nibinik maluk mendek yiko mengga kwak yirik logonet, an noone yorogwe iigak, nogo seribu dua ratus enam puluh yogo logogun o,” yinuk, yo'nege kagarak.