Takariya 14:17 - Ala Wone Peenok Peebi Mbanak

¹⁷ Ndi, it yi aakumi ndi aakumi o nggween paga yime logogun nogo, inowe endagembogut at Omaawi Lombok Menggerak Aliku ALA alut eeruwok nduk, o Yerutalem wogwe lek iinok perak, it menggam o mayu wambi waga'lek aret logogin o.

Takariya 14:17 ပူးပေါင်းရင်းမြစ်များ

Wakkagagerak 10:32

Ndi, niyo nen yi mendek ndi mendek tigitogon ndonggoninake mbareegi, at Nu apuri ndegek lombok ndaganabit nogo logonet, inanebunu alitak lombok a'nuk, yi aakumi ndi aakumi inanebunu lombok abok aret o nggween paga yime wiganit nogogwaarak nogo, it yi nen aret o.

Wakkagagerak 12:3

It aakumi nen kat obeelom eeppagagwi iinok, An nen it obeelom eerogo piige, Ndi, it aakumi nen kat pulunogo pagagwi iinok, An nen it pulunogo piige, Eeke logogin o. Yi aakumi ndi aakumi o nggween paga yime abok aret Kat paga inale'nggen ambik kogo logogun o,” yinuk, yoreegerak.

Wakkagagerak 28:14

Kat kapuri ndappiyamenggendak kinom nggween ameneno ambik lombok ti ndak-ndak wigannarit nogo logonet, o aru-ogwe, agi-ogu time abok aret ndak wa'narit nogwe kiigak, yi aakumi ndi aakumi o nggween paga wonogwe yi abok aret kat inom, kapuri wigannaremenggaarak inom, it nogo paga inale'nggen kogo logogun o.

1 Endagembogut 17:1

Aap awi o Nggileyat yaga'lelo Titebe mendek Eliya nogo nen aap Akap yoge logonet, “An yaga'lek neegak yi tahun ndi tahun paga mayu wage, miinanggen luurogo pege, eeka'lek aret kaamunggun o, yinuk, at ake eeke minggirak Aliku Iterali inogoba Ala eenik menggerak endage kumbunuk, yokkigi o,” yoreegerak

1 Endagembogut 8:35

Ndi, kat kapuri Iterali yi, maluk eeppagamenggaarak paga aaninggin inoba piige logonet, o mayu wage kero, mbogut narogo pege keenok, o wurik me yime ina na'nari wa'nuk, Kendage maluk eerogo pagago o, yinuk, inomaluk paganogo mbo pugwi iinok,

2 Mbinineegwaarak 6:26

Ndi, kat kapuri aakumi Iterali yi, maluk eeppagamenggaarak paga aaninggin inoba piige logonet, o mayu wage kero, mbogut narogo pege keenok, o wurik me yime ina na'nari wa'nuk, Kendage maluk eerogo pagago o, yinuk, inomaluk paganogo mbo pugwi iinok,

2 Mbinineegwaarak 7:13

An nen o mayu wage kero, mbogut tu narogo pege, wurin nen yi mendek ndi mendek nggween paga yarak abok aret nenet nege logowak nduk nappi wage, ndi, kit an napuri kinenggela'me kugi lingga iyak wurogo pege, eeke neenok,

Yetaya 18:7

Ne ti eyom paga at Omaawi Lombok Menggerak Aliku ALA ake wogori wogo logogun o. Aakumi ineebe yerek-nggorek inagabolo teretak lombok tawe wonogwe, It aakumi nda wonogwe inom, koorok wonogwe inom, nen inayuk wukwi, Aakumi inoone alik inogogumbuk wonogwe, Aakumi inanggween paga niyo ambik nage, Eeko menggam nogome nen Ala ake wonok at Omaawi Lombok Menggerak Aliku ALA endage kunogo yogo menggam Puut Tiyon paga wogori wogo logogun o.

Yetaya 45:23

An nalik nendage kumbatinuk yorage, Wone abet aret eerigin, mba'nuk yorage, Eereegirak me, Wone yoragagirak nogo lek arigin lek a'me aret arigin me, It aakumi abok aret nabu'me inendobanggun yindu yi wogwe, It abok aret nabok paganggo logonet, a'me nggelok eeppinanege, Omaawi paga eerit nage, Eeke ti, Aliku ALA mban aret o, yinuk, kumbuk mbanugun o,” yinuk, yegerak me, yagi o. It aakumi abok aret at eebe paga inanini ombakwi nogo at owagam wogwe iinok, inenggali arugun kwe,

Yetaya 5:6

Neyabu anggur awi yarak nogo anggup mbanogo nagabit nage, mogot mbanogo pit nage, Eerigin lek nggween nggwi-nggwi mban eerogo piminggirak me, Nggonggoondu penggaarogo pege, alok-palok mban lagangge, Ndugwi nen o mayu wuppi wage kero, Mage, yoriminggirak me, nggween mbuk age, Eerigin o,” Yegerak me, yokkiragi.

Yetaya 60:12

It aakumi inanebunu lombok inom, it aap aakumi inabu'me piinok menggaarak inom, Ayeloman a'nuk ake eeriyak ineebi mbakwi iinok, mondok maluk aret age, lek age, eerigin o.

Yeremiya 10:25

It yi aakumi ndi aakumi nen Yakup paga wiganak nogo inambeme yonggorinakwi, Ineebe mondok lek eerogo inambeme yonggorinabit nogwe, Inawi alom lek eerogo pugwi, Eereegwaarak me, It yi aakumi ndi aakumi, Ninogoba Ala aret o, yinuk, yogolik nogo inom, It aakumi inanebunu lombok kendage kunogo yogolik nogo inom, kanini inoba piige logot o.

Yeremiya 14:22

It yi aakumi ndi aakumi aanom warogo ayuk wuko menggaarak inagugi nogo nen o mayu wuppi wage, Ndi, mbogut alik nen o mayu lubu-lubu wurabit wage, Eeko menggaarak mbakop? Lek aret o! Kat ninogoba Kaliku Ala kalik nen mban aret eeke menggendak o. Ti abok aret eerit nage nogo ti, kat nen aret eeke menggendak me, nit niniki kat paga lunik aret ogoorik o.

Yeremiya 14:3

It aap nagawan-nagawan nen inayeloman niyo kwaari nawak nduk nappiigaatak Niyo nggween kabunik me kwaari nagaatak kwe, lek kenok, Niyo toolak lek niyoowak we aret wonok wogo logonet, Nonggop eeruwi? yinuk, inenggali nen inete wandunik aret iniyokan wogo menggaarak.

Yeremiya 14:4

It inanggween paga o mayu waga'lek kenok, nggween ya'lek-ndi'nduk eerogo pit nagaarak paga It yi mendek ndi mendek awi yaka nen, Nonggop eeruwi o? yinuk, iniki wakkologo logonet, Inayum inanobak paga lenggembatinuk wonogo agaarik o.

Amot 3:2

“It aakumi ndarak logok lombok abok aret o nggween paga wonogwe iigak, It Iterali mban an napuri logowak nduk, leenogo piyareegirak me, It yi maluk ndi maluk eekwi paga aaninggin inoba kwippiyaagin o, Aliku ALA nen aret yegerak me, yokkiragi o,” yinuk, yoragagirak.

Takariya 14:16

Togop aret eeke kenok, it yi aakumi ndi aakumi o Yerutalem wim eeri unggwogo logonet, yumbunogo piyamenggaarak wonogwe nogo, abok aret nen yi tahun ndi tahun paga inowe endagembogut at Omaawi Lombok Menggerak Aliku ALA nogo alut eekwi, inawooliya wurit wogogwaarak aberogo laago lariyak nogo lakwi, eeko logogun o.

Takariya 14:9

Aliku ALA nogo o nggween paga yime abok aret inowe endagembogut a'nuk, wone lengganogo yorage logogin o. Ne ti paga inogoba ambit Aliku ALA aret arigin me, at endage mban yogo logogun o.

Pelaareegerak 11:17

Liippega'lek kiinok, at Aliku ALA anini mi'na'nuk, kinoba pinagage logonet, kinambi yarumonggotak engga mbuk eerogo puwak nduk, mayu wage kero, mbogut paga tu narogo pege, kit o obeelom wokkirage time logonuk lek mbet-mbet aret kambumunggup nduk, eeppinagage, eekkinake kero,

Yakobut 5:17

At aap Eliya ti, nit pogom aret kwe, “Mayu woraagun o,” yinuk, oone nabek togon tamban eereegerak me, mayu nggween paga wambi waga'lek kagak tahun kenagan eeppunuk, tut 6 peneneegerak.

Wayu 11:6

It aap ineebe mbere nogo ti, iniki koombunuk, “O kibi paga wone yorogo logowam mayu woraagun o,” yinuk, yogwi iinok, mayu waga'lek puk wonage, “Niyo yi, amiya aru o,” yogwi iinok, amiya aret age, ndi, “O nggween paga yime kugi lengga ndi wu'naru o,” yogwi iinok, kugi lengga ndi wu'nage, togop aret eerit nogo logowak nduk, Ala nen unde eeppiige kagarak o.