Takariya 14:13 - Ala Wone Peenok Peebi Mbanak

¹³ Ne ti paga Aliku ALA nen it aakumi ti, iniki naga'nuk kobak eerogo piige kenok, inalitik-inalitak inoreewi inom ineenggi pippit a'nuk, wat-wat yogo logogun o.

Takariya 14:13 ပူးပေါင်းရင်းမြစ်များ

Yetikiyen 38:21

Iterali wonogo menggam puut-puut paga nen wooluwak wonok aap Nggok tebenogo pi woraawak nduk, inayonggo piminggirak wonok wogwe iinok, inagabiti nen at ore nen at ore ambi wakak eeko logogun o, yinuk, Naliku Nitok Minggirak an ALA nen aret yagi o.

Takariya 11:6

Naliku an ALA nen kunduk, aakumi o nggween yi paga wonogwe ti, ambinom inabuwa mbarigin lek aret o. An nen abet aret it-it maluk eekkologo logowak nduk eeppiige, it inoweewi inendagembogut ineenggime aruwak nduk eerogo piige, eerigin me, it nen maluk eerogo piinet nogwe iigak, an nen ineenggi me nen ndininabigin lek aret o,” yinuk, Aliku ALA nen aret yo'nereegerak o.

Takariya 12:4

Ne ti eyom paga an nen it kuda abok aret ambime lingga nagak, ambime lingga nagak, eerit nugu logowak nduk, eerogo piige, aap at paga kwi'ndak wogwe nogo, kumili-kumili eerogo piige, eerigin o,” yinuk, Aliku ALA nen aret yegerak o. “It Yekura paga wiganak mendek an nenegen wogonake logogin kwe, it yi aakumi ndi aakumi inaguda nogo perak, inigen mbuk eerogo piyaagin o.

Takariya 14:14

It Yekura mendek kunduk, it Yerutalem mendek inom wim nambuko logogun o. It aakumi inaagan-inambokan wonogwe nogo abok aret inamendek mbuti emas inom, mbuti perak inom, yum inom, ineenggi lingginiyak meek mondok iya lombok kuwak eekkologo logogun o.

Owak Loongga 7:22

Nogwe iigak, aap Nggireyon awuri ineebe tiga ratus nen oone nggwok eeka trompet nogo oone pu eeko mbareegwa, at Aliku ALA nen it aap Miriyan mendek ineegin warak it mban-mban wat-wat agan nogo logowak nduk, eeppiige mbareegi, it mban-mban wat-wat agan o Terera pa'nggwe o Aben-Mekola kota Tabat koorok o Mbet-Tita kuli time mbaganit nogogwaarak.