Takariya 14:12 - Ala Wone Peenok Peebi Mbanak

¹² Aliku ALA nen it yi aakumi ndi aakumi abok aret o Yerutalem mendek inom wim namburiyak nduk unggwi woraagun nogo, kugilingga inoba piyaagin nogo yi aret. It awo ineenik nugwi iigak, inagabolo nggono-nggono wangge, inigen alome pili age, inamili pili a'nuk inambeme inobari ndi wuke, aganake logorak mendek inoba kwippiyaagin ti aret.

Takariya 14:12 ပူးပေါင်းရင်းမြစ်များ

2 Mbinineegwaarak 21:15

kat kalik kaanagale andi eekkabigin me, Naanagale andi o. Naanagale andi o, mban ari logonet, kaanagale kiluk togon aret keebe kambumunggun o,” yinuk, yoreegerak nogo liiru eebe mbanak ti aret.

Ayup 18:13

Agabolo paga awin aaga'ne nen nenet unggwi nage, Andi abu alik mendek nen eenggi-iyok nenet unggwage,

Ndawi 90:11

Kanini mondok iya lombok menggendak nogo, Aap ta nen eenu age, Kat kanini mondok iya eeppiige ndak-ndak it aakumi inagabiti kombakwi me, Ta nen aganak nuk ega'lek lambek puk wonage, Eerigin mbaken? Lek aret o!

Ala Unde 26:16

an nen eeppiyoorak nogo yi aret. Abera'lek me aaninggin inoba nappi woraminggirak paga andi inagabolo paga kani pege logonet, inigen mbuk eerogo piige, wono eerogo pit unggwage logonet, ineebe aret lek eerogo piige, eerigin o. Yabu ambik lombok waganogo yaremenggaarak nogo inawim nen mbanggola wogo logogun me, we aanom warogo aret yako logogun o.

Ala Unde 26:18

Togop eeppiyamenggaarak kwe, it Iterali an noone liirogon konengga'lek mban wonogwe iinok ti, inomaluk onggo aaninggin ne 7 kuli aret inoba kwippiige logogin o.

Ala Unde 26:21

It inogogumbuk a'nuk yorage nogo koneniyak ineebi nombakwi mban wonogwe iinok, inomaluk eekwi nogo onggo ndak-ndak aret andi-pandi ne 7 kuli aret inoba wuppi wage logogin o.

Ala Unde 26:24

an kunduk nogogumbuk a'nuk inomaluk onggo ne 7 kuli aret aaninggin inoba kwippiige logogin o.

Ala Unde 26:28

an kunduk, nogogumbuk a'nuk nanini nen inomaluk onggo ne 7 kuli aret aaninggin inoba kwippiige logogin o.

Takariya 1:15

it yi aakumi ndi aakumi nen, Nit ugun obeelom aret wonogwe, mbakwi nogo, an nanini lombok inoba kwippiyoorak mbake agaarik o. Aa'nduk nanini mbuuluk eeppiyoorak mbareegirak kwe, eerit nugwi ti paga nanini nggwok lombok inoba kwippiyoorak mbake agarik, yegerak o.

Takariya 12:9

Ne ti eyom paga it yi aakumi ndi aakumi abok aret o Yerutalem tebenggolaawok nduk, eekwi iinok, an nen lek eerogo piyaagin,” yegerak o.

Takariya 14:15

Kugilingga ti mendek nen kuda inom, kuda mendek bagal inom, unta inom, keledai inom, inaanggumi inawooliyana wonogwe nogo abok aret inoba kwi'narigin o.

Takariya 14:18

Ndi, it Metit mendek nogo inom laago lari wogwe lek iinok, it menggam kunduk mayu waga'lek aret logogin mban. It yi aakumi ndi aakumi nen it Iterali mendek inawooliya wurit wogogwaarak aberogo laago lariyak o Yerutalem wogwe lek iinok, Aliku ALA nen kugilingga inoba kwippiyaagin nogo, o Metit mendek kunduk inoba kwippiyaagin o.

Takariya 14:3

Ti eekwi iinok, Aliku ALA wundi nanuk, wim eekwi iinok eeke menggi kwak, it yi aakumi ndi aakumi ti, inom wim perenggolaagin o.

Takariya 2:4

at yoge logonet, “O kota Yerutalem ti, aakumi ineebe inom, inaanggumi inom, ambik lombok wigannarit nogo logogun me, o kota yagat wurik lek we tene wonage logogin o.

Nappiigak 12:23

Keekok piyanggogo mbareegwa, at nen Ala wogoppuulik, “An iya neenok, yaga,” yinuk, wogoppake mbareegi, Ala yonggo nappiya wage menggerak malayikat ambi abera'lek me wage nagagerik, warogo nggimbereegerak. Warogo nggimbege mbareegi, puuron nen inikime nggebenogo nunggwi iigak, kambeegerak.

Pelaareegerak 28:21

O kit unde a'nuk logowam nogome nogo logomonggotik, time wonogwe me, at Aliku ALA nen andi-pandi kinoba nappi woramenggerak paga kambit nogwe kiigak, kinanggween ti paga aakumi lek aret arigin o.

Pelaareegerak 28:22

At Aliku ALA nen andi nappi woramenggerak kinoba kwi'nage logonet, kineebe wono eerogo pinagage, kineebe paga aganggen ambik eekkinake, kinagabolo paga piirik-kunik eekkinake, mo andi nen aganggen tela eerogo pinagage, noogelo wu eerogo pinagage, kinamendek yarak engga paga kane'nep kunogo pege, wun kunogo pege, eeke kagak, kineebe aret lek ogo logomunggup o.

Pelaareegerak 28:59

kit inom, kinapuri-kinombowologwe ndaganabit namonggotak inom, at Aliku ALA nen eerubok mendek kinoba pinagage logonet, aaninggin-paaninggin alik negen kinoba pinagage tit kagak, o ambik me aret ari nage, ndi, andi maluk ogole warak lombok eeppinagage tit kagak, o ndime ari nage, eeke logogin o.

Wayu 17:16

At Ala nen yereegerak nogo a'me nggelok yuwak nduk, aap inendagembogut ineebe 10 nogo, iniki ambit eeppunuk, awuri inom nen nggeewo nogo yeenggwaago logonet, Ala kooneegerak nogo mban eerit nogo logowak nduk, inikime mambiyareegerak me, it aap inendagembogut ineebe 10 nogo nggeewo inom nen, Kwe yawukak yi, abu nineebi o, yinuk, amindik-amendek li'luk eerak nogo nggoorogo mbo pogo logonet, we agap mbelanak kagak warogo punuk, enggaanggum ando nunggwi, ndi, ando kani kumbugwi, eeruwi o, yinuk, yugun o.