Takariya 13:6 - Ala Wone Peenok Peebi Mbanak

⁶ Aap ambi nen it aap ti ambi yoge logonet, Ndi, keebe paga kawin kunik wonage ti, ngga nen eekkakerak o? Yoge kenok, at nen onggo yoge logonet, Lek o. Nawin kunik ti, noreewi iname wonage me eerogo panegaarak o, yinuk, yoraagin,” yegerak o.

Takariya 13:6 ပူးပေါင်းရင်းမြစ်များ

1 Endagembogut 18:28

Yorage mbareegi, inoone abunuk omaawi paga yogwi, it eeko menggaarak ndak-ndak, kumili negen inobaloowi paga, inawooluwak paga, inagabolo paga inamiyarimbo eerogo patit nogwe, eerit nogwe iigak, o kiyoma Ala ake warogo wogogo menggam aret ari nagagerak kwe, inagugi nogo nen oone ari, wone onggo yorage, liippiige, eeka'lek aret wonagagerak.

2 Endagembogut 9:24

at Yeku nen yigin miireegi-miireegi maale teppereegerak nage logonet, at Yoram amborowak oolo iniki telak togon wareegerak nok, iniki aret nggoguk yi unggwagagerak me mondok miin iyok pereegim nggweendo paga taati aret kambeegerak.

Ndawi 22:16

Yi nggeewo ndi nggeewo ineyak nde agan wangge'nakwi, Aap a'nggan wogonaka nen wanggeppaninuk wonogwe, Neenggi-niyok pulu warogo panugwi, Eekaarak me,

Takariya 13:7

At Omaawi Lombok Menggerak Aliku ALA nen ari logonet, “Kat wooluwak yi wae. Nandomba ndegeninaka mippereegirak nogo wake, At nimbirak kunik wonage nogo, polok togon warogo pege, Eerenok nduk, Kat wooluwak yi, pilak yu o. Pilak yinuk, nandomba ndegeninaka wake keenok, it ndomba ti, ma'narugun o. An napurilogwe ndeyak mendek iigak kwe, inoorogo piyaagin,” yegerak o.

Yaya 18:35

Yoge mbareegi, at Pilatut nogo nen, “An aap Yakuri mendek nombakendak ya? Kat kowe-kawot inom, aap Ala unde inoweewi inom, nen aret keebe waganogo wo'negaarak me, nonggop eekendak o?”

Wayu 14:11

“It aakumi ineenggi paga ilik, inenggaawak paga a, nggeewo endage liiru mbanak logonet, nggeewo inom, at ogut wakkagak ogobakkigirik nogo inom, inalut eeko logomenggaarak nogo, kani kunik yugum anggen inom inoba kwippiyamenggerak ka'luk nogo nggaruk yaga'lek mondok-mondok inoba wungge kagak, liingge inom, oonikiya inom, tat yonggongga'lek mondok-mondok yagan wako logogun o,” yinuk, ari naruk konenggirak.