Takariya 13:2 - Ala Wone Peenok Peebi Mbanak

² Ne ti paga an nen o time inagugi inendage kunggo logomenggaarak nogo, inendage ambi kungga'lek logowak nduk, lek eerogo pigin me, abeko logogun lek aret,” yegerak o. “It aap piliret, Ala nen yo'negerak, yaga inom, kugi ayuk wuko logorak mbaka inom, o ti paga wonogwe nogo, ineebe abok lek eerogo piyaagin me,

Takariya 13:2 ပူးပေါင်းရင်းမြစ်များ

1 Endagembogut 22:22

Yoge mbaki, at Aliku ALA nen at kugi nogo yoge, Nano paga nduk-nduk irit namunggun o? Yoge mbaki, at kugi nogo nen, At eeriyak wone aap endagembogut yoga nogo nen pilit wone yogo logowak nduk, an wambi nage logominggirik, inikime lik yit nagin o. Yoge mbaki, Aliku ALA nen, Togop eeke keenok, nduk-nduk irit namunggun aret me, eeri nak, yoge kagarak o.

Ndawi 16:4

Kat keegak kugi mugurok nogwe paga iniki andi eerogo pako menggaarak me, Inagugi aanggo warogo amiya mburunogo nunggwi me, An ninom nengge, Nambe paga nen inagugi inendage kungge, Eekeelik o.

Wundeegwaarak 22:13

Ndi, aanggo nogo nggeewo ta'ngge nen nibinogo namenggerak eyagate pugu nogo wonok at aanggo unde kaawak nduk, wogori wage kenok, Onggo awi ya'niru o, yinuk, yoriyak lek o.

Wundeegwaarak 23:13

An nen yi wone ndi wone yorage minggirak nogo mbo puurak lek mondok liirogon aret woppunuk eeko logowak o. Ndi, aap alik inagugi nggino yogwi, inendage kunggwi, eeriyak mage o,” yinuk, yoraawak nduk, yoreegerak.

Yetaya 2:18

At mban endage tiyak yigin me, inagugiwak eerak nogo mondok enggaawak lek aret arigin o.

Yetaya 2:20

Ne ti eyom paga mbuti perak paga, emas paga, inagugiwak ogobakkigippunuk ayuk wukwi nogo, Eraangge mbo pemenggaarak me, ambeya inom, ngguundi inom, inake aret arigin o.

Yeremiya 29:23

It aap mbere ti, Iterali inenggela'me wonogo logonet, eeriyak lek mendek eerit nugwi, it inoreewi inakuwi aret kwe, kagak wuginakwi, ndi, an nen wone yoroolik neegak nendage kunogo inoone pilit agan nugwi, eeko menggaarak nogo an neenu wonage, ndi, yorogwe nogo nenegen iige, eeke minggirak me, it togop aret eerogo piyaagin o,” yinuk, Aliku ALA nen aret yegerak me, liiru yi mbanggiragi o, yinuk, liiru mbanogo nappiyareegerak ti aret.

Yetikiyen 12:24

we piliret, Nabinggaanggo kagarak o, yinuk, yogwe, abe lek kagak op yogwe inombaruwak nduk, tili paganggwi, eekwi ti, it aakumi Iterali inenggela'me ambinom eeko logogun lek aret o.

Yetikiyen 13:23

piliret, Nabinggaanggo kagarak o, yogwe, ndi, Ndogop arigin o, yinuk, tili paganggwi, eekwi ti, ambinom eeko logogun lek aret o. It kumi ti agan nugwi me nen an napuri inagap ndarigin me, inagap ndake neenok, Naliku ALA an aret ineenu arugun, yoret o,” yinuk, yegerak me, yokkiragi o, yoragagirak.

Yetikiyen 14:9

An nen yoge neegak yoraga ti nen wone abe lek ambit iluk alik ambi yoroorak inikime eeke kenok, Naliku ALA an nen aret wone alik yoraawak nduk, inikime eeppege me, yoraagin o. At wone alik yoraawak nduk, iniki me mambege neenok, yoramenggerak ti paga an napuri Iterali inenggela'me nen aap ti, enggaawak lek eerogo pigin o.

Yetikiyen 30:13

At Aliku Itok Menggerak ALA nen yegerak nogo yi aret. “O Metit time inagugiwak pup eerogo pege, O Membit time inagugi ogut aago nogo lek eerogo pege, Eerigin o, O Metit time aap inowe endagembogut ambinom logogin lek me, Aakumi o time inagabiti mbakak nugu logowak nduk, eerogo piige,

Yetikiyen 36:25

Piya nanuk, inabin koorogo piige neenok, it obeelom aret logogun o. Inoba maluk lenggennage, inagugi ogut alut eerit nogo logonet maluk eerogo pakwi, eereegwaarak nogo, inabin koorogo piinok,

Yetikiyen 36:29

Maluk eerit nogo logonet, inoba maluk lenggenogo pateegwaarak nogo, lek aruwak nduk, inabin koorogo piige, ndi, mbi noogelo inoba kwippiyaagin lek gandum awi yaremenggaarak nogo mbilambunuk, anggen ambik yi'nage logowak nduk, eerogo pege, eerigin o.

Yetikiyen 37:23

It maluk yungguk-melak mban eekwi nogo ambinom eekwi iyo, inagap ndake, maluk inoba lenggenak nogo, inabin koorogo piige, eerigin me, inagugi ogut aago inom, inagugiwak ogole warak mendek inom, alut eerit nugwi, wone yugu taganogo pit nogwe, eekwi paga maluk eerogo pakwi nogo ambinom eeko logogun lek o. It an napuri ogwe, ndi, an nen it inogoba aret age, eerugun o.

Yetikiyen 43:7

Konengge neegak, at nen an yo'nege logonet, “Aakumi nen ndarak yi wae. An wone lengganogo yorage, niyok punuk wonage, eeke logowam ti, yime aret o. Aakumi Iterali inenggela'me an mondok-mondok logowam yi aret me, it Iterali mendek inom, inoweewi inendagembogut inom, nogo nen kwe ogonggelo mbo punuk, aap alik inom eerit nage menggi kwak, an wonage neegak mbo paninuk alik mugurok nogwe, it inoweewi inendagembogut inabiruwak puut-puut paga yinik nogo inayuk wurit nogwe, eekwi paga nendage abu abe alik leenak maluk eerogo pogo nogogwaarak nogo ambinom eerogo pogo logogun lek o.

Yetikiyen 6:6

Puut-puut ti paga kota-kota wurik wonage nogo yigirik-noonom eerogo pege, warogo wogogak wurit laganeegwaarak nogo minogo pege, eerigin me, inagugi inake warogo wogogo menggam it paga wurik nogo yigi'nage logonet, yi oone ndi oone lek age, it paga inagugi ogut eerak wonage nogo, kalenak-pugunik nage logonet, maluk aret age, it paga obari abe kaga kani kunggo menggam wurik nogo mi-mi wangge, it paga eerogo pit nogogwaarak nogo abok aret lek age, eerigin o.

Oteya 14:8

Aakumi eyo alome ngguna'me inale'nggen paga mengga kwak, it Iterali inenggela'me aa'nduk wonogo mengga kwak togop aret wonogo logonet, Gandum abe kwit agan lagangge kwak wonogwe, Eyo anggur ambit-mbit wake menggi kwak it togop aret wonogwe, Eeko logonet, Anggur amburu Libanon mendek abu abe kenok, endage wigak yereegi kwak, It inendage togop aret wigak ari logogin o.

Oteya 2:17

At ambe paga kugi Mba'an inendage ari menggerak nogo an lek eerogo pigin me, At kugi Mba'an inendage kungge logogin lek o.

Oteya 2:19

At ti, nakwe aret eerogo piminggirak me, lek arigin lek nakwe aret mondok-mondok wonage logogin o. Nakwe kat aret o, yinuk, wagangge logominggirik, At koonak mban eeppege, at eeke nogo a'me nggelok eeppege, Niniki kunik eeke, abuwa lombok mbake, Eeke logogin o.

Mika 2:11

Aap pilit pugunogo inambokan lagangga ambi nen wage logomenggerik, ari logonet, An perak, anggur amburu inom, kumili aganaka amburu inom, ndonggok togon nonggo logorak yokkirage logogin o, yinuk, yoraga nogo mendek it inobam aret me, inenggela'me logonet yoragak yuurak op aret o,” yinuk, yegerak me, yokkiragi o.

Tepaniya 2:11

At Aliku ALA nen it aakumi o nggween paga yime inagugi lek eerogo piige kenok, Inagabiti nen, “Aliku ALA ti, iya!” yinuk, yi aakumi ndi aakumi nggween paga wonogwe abok aret inalitik-inalitak menggam logonet, Aliku ALA abu'me tebe yinuk, at alut eeko logogun o.

Matiyut 12:43

Wone ambinom yorage logonet, “Kugi ogole warak mendek aap inikime nen wungge nagaatik, Nggeeme yonggonggola? yinuk, niyo ero lek me kwaarit negetak-negetak yonggonggolaawam lek kenok,

Matiyut 7:15

Yorage nagagerik, ambinom yorage logonet, “It aap Ala wone pilit pugunogo yokkirogo menggaarak nogo nen kinambokan laganggwi iyo, tum wako logonip o. It aap ti, inetenggen ndomba enete negen kunggo'nok kinowagam wogwe kwe, iniki ti, mba'ngge anini warak pogom wonogwe o.

Lukat 11:20

An nen Ala eenggi omaawi paga kugi nggiginogo wumbiige neenok perak, Ala abu'me pinagarak muk kinowagam wagaarak aret mbako logonip o.

Pelaareegerak 12:3

it inagugi eeko menggam lek eerogo pugwi, inagugiwak yebibit yigirik-noonom eerogo pugwi, inagugi eyo arelen yinik nogo kani kunggwi, inagugi ogut ogobakkigirik nogo kalenak-pugunik eerogo piigwi, eeko logomonggotik, inagugi inendage mbanak o time wonage nogo abok aret kagaarogo piyaamunggup o.

Pelaareegerak 18:20

Ndi, wone yoraga ambi an nen, Togop yu o, yoga'lek neegak, agabiti lek an nendage paga we ugun aret agan nage a, an nobaane'me kugi endage kunogo agan nege a, eeke kenok perak, at kambuwak nduk warogo puurak aret o, yo'nege mbareegi, yokkiragagirak nogo ndak-ndak aret aap Ala nen yoge kagak yokkirage logorak ambi wokkiraagin o.

Yotuwa 23:7

It yi aakumi ndi aakumi o Kanan mendek mugogo wumbiiga'lek kinom wonogwe ti, kinom kunggologwe, Ala mugurok nogwe obaane'me inagugi mugurok nogo logonet inendage kunggwi, Abet aret o, yinuk, inowak mbanggwi, ndi, inabu'me tebe yinuk inayuk wukwi, eeriyak mage o.

Wayu 18:2

Wambi wage nagaarik, oone mondok omaawi paga ari logonet, “O kota nggwok Mbaben nogo, mondok lek eerogo pigi o. Lek eerogo pigi o. It o kota Mbaben menggaarak nogo ti, kwe yawukak pogom me, Kwe nogo nen iniki nengge kenok, Ee'nabi woraanip o, ari kenok, Yi aap ndi aap inanebunu lombok abok aret, anggur amburu nenok, kumili-kumili agan nugu mengga kwak, ugun-ugun kwe nogo eeppi wogwe, Yi aap ndi aap inoweewi inendagembogut o nggween paga menggaarak abok aret kwe nogo eeri unggwogwe, Ndi, kwe nogo nen aap iniki nengge kenok, eeppi unggwagak eekwi paga It aakumi yi awi ndi awi kunggo menggam unde menggaarak nogo, ineenggi warak eekkologwe, eekwi iinok, O Mbaben nogo pup eerogo pegerak me, Yogondak yi kugi ndi kugi inom, it kambeegwaarak inogoma inom, yi towe ndi towe nen aakumi kanggaatak nunggwi iinok inogole yogo menggaarak inom, Abok aret inawi eekkola unggwa-ga o,” yinuk, oone nggwok paga ari naruk konenggirak.

Wayu 19:20

Ti eekwi iigak kwe, at nggeewo anini warak aa'nduk lagi wagaarak eebe nogo inom, ndi, it aakumi inenggaawak paga nggeewo aa'nduk lagi wagaarak endage liiru mbanak wonok nugwi, at ogut eerak nogo alut eekwi, eeruwak nduk, awone kilirik paga inagabiti warak mendek eerit nage logonet, inambokan lagangge menggerak nggeewo peebi lagi wagaarak eebe nogo inom, imbirak ineenik ngge-ngge pigogo kani omoonuk wunuk mban ari menggim nogome nappiige kagarak.