Takariya 12:8 - Ala Wone Peenok Peebi Mbanak

⁸ Ne ti eyom paga Naliku ALA nen it Yerutalem wonogwe nogo, inarum wonage logonet, it aakumi inomaawi lek abu ndeyak wonogwe nogo, at Ndawut omaawi wonagagi kwak eerogo piige, ndi, at Ndawut paga wiganak nogo ti, Ala kwak, Aliku ALA ayonggo malayikat inaa'nduk a'nuk, nogo nogogwa kwak, eerogo piige, eerigin o.

Takariya 12:8 ပူးပေါင်းရင်းမြစ်များ

Ndawi 8:5

Kat Ala ndak-ndak negen nit ogobakkigi'ninake, Ninendagembogut tiyanak ninayuk warak logowok nduk, koonogo pinanege, Eereegindak o.

Ndawi 82:6

An nen yokkirage logonet, Kit an Ala pogom wonogwe, kit abok ti, An Tiyanak Lombok Minggirak napuri aret wonogwe, Eeko ogotik o, Yinuk, yokkiragarak kwe,

Wundeegwaarak 14:19

Yoge mbareegi, ti'nuk, it aakumi Iterali ineegin warak wogwe iigak, Ala ayonggo malayikat aa'nduk wage nogo inambokan ari nage, ndi, ndugwi aa'nduk wage nagagerak nogo kunduk Iterali inambokan ari nage, eeko nogogwaarik,

Wundeegwaarak 33:2

Nogwe kiigak, malayikat nen aa'nduk a'nuk, it aakumi o Kanan mendek inom, Amori mendek inom, Ket mendek inom, Perit mendek inom, Kewi mendek inom, Yebut mendek inom, mugogo nappiinet nawak nduk, nayonggo ambi nappi woraagin o.

Yetaya 30:26

At Aliku ALA nen at apuri inamiyayilik-inamiyayelok eerak wonogwe nogo nggerenogo piige, inawinde-inobaande aago nogo obeelom eerogo piige, eeke eyom paga tut abinak nogo oonegen abinak kwak age, ndi, oonegen nogo ti, ne ambit paga wundi wage ti eya mbuuluk kwe, nogo ambit paga ne 7 kuli lambunik wundi wage kenok, eya mondok alik negen eerogo pege menggi kwak aret age, eerigin o.

Yetaya 31:4

At Aliku ALA nen an yo'negerak nogo yi aret. “Singa koleewak a, singa awooluk ambi a, nen at nengge menggerak nogo iyok tebembunuk nengge me, It ndomba ndegeninaka eerak ndinuwok nduk, wogo logomenggaarik, Inoone ya-mba yogwi, teerogo nappuwok nduk eekwi, Eeremenggaarak kwe, Agabiti mbake, kole mbagangge, eekeelik ogogumbuk menggi kwak, At Omaawi Lombok Menggerak Aliku ALA wambi wage logomenggerik, Puut Tiyon inom, enaagan-ambokan puut-puut lunik inom, ili eerogo pege logogin o.

Yetaya 33:24

It o Tiyon wonogwe nogo ambi nen, “An andi ee'nake o,” yinuk, ari logogin mondok lek o. Ndi, it aakumi time wonogwe nogo inomaluk lek eerogo piige logogin aret o.

Yetaya 49:7

It aakumi nen, Ogole o, yinuk, abu meek ombakwi, It aap o maluk age kero pipporogo wonogwe, Eekwi inayeloman logonet inake eeke nagagerak nogo At Kikak Nakeelik Alik Leenak Wondet Eerogo Piiga Iterali inogoba Aliku ALA nen yegerak nogo yi aret. “An li'lak eeka Naliku ALA nen, Iterali inogoba Kikak Nakeelik Nalik Leenak Minggirak nen, Kat leenogo pagareegirak me, Aap inendagembogut nen kat wage inigen keenok mi'nogwe, It nagawan-nagawan nen kat eeke inigen keenok kayuk wukwi, Eeko logogun o,” Yinuk, yo'negerak o.

Yetaya 53:3

Aakumi nen, “Ogole o,” yinuk, meek ombakwi, mbo pugwi, eereegwaarak o. At aaninggin-paaninggin nen iniki wakko'net unggwage, Andi-pandi kage, eeke nagagerak o. “Aap yi ogole o,” yinuk, inete nobakkologo mengga kwak at kenok, “Ogole o,” yinuk, meek ombako nogogwaarak me, Nit kunduk, “Aap abe o,” yinuk, ayuk wurulik o.

Yetaya 63:9

Aaninggin-paaninggin it inoba agagerak nogo at kunduk ndak-ndak kage, It ambi nen lek at alik nen aret inagap ndake, Iniki kunik aganake logonet, inabuwa nen wondet eerogo piige, Kwe aagaluk woppunuk ogome wonok nage menggi kwak at nen maan aa'nduk ndegeniret wagagi kwak ndegeniret nage, Eereegerak kwe,

Yeremiya 27:10

It aap ti, pilit pugunogo yorogwe nogo konenggwi paga an nen it inanggween paga time nen wumbiinok, inenggaawak lek eerogo piyaagin o.

Oteya 1:7

It Iterali mendek togop aret eerogo piyaagin kwe, it aakumi Yekura mendek perak, inabuwa mbake, inagap ndake, eeke logogin o. Ti eeke logogin nogo ti, yigin paga, wooluwak paga, wim eekwi paga, kuda paga, it aap kuda paga kwi'na'nuk wim eeka paga, inagap ndarigin lek o. Ata, inogoba Naliku an ALA nen aret inagap ndake logogin o,” yinuk, yoreegerak.

Oteya 12:3

At Yakup nogo agalo inikime nen nda'nage logonet, oreeluk iyok unggut eenggi pugu aret nda'nage, At eebe nggwok age nagagerik, Ala imbirak wuk eekkolage, Eereegerak nogo o.

Oteya 3:5

ti'nuk, mbo punuk, iniyokan inogoba Aliku Ala mugurok wogwe, inowe endagembogut Ndawut nogo oone konenuwok nduk, wogwe, eeko logogun o. O irip paga panggoni wage kenok, inaganak warit Aliku ALA owagam wogwe, ale'nggen inoba piyaawak nduk, yori wogwe, eeko logogun nduk, yoreegirak o.

Yowen 3:10

Yabu tege wooluwak ngget kenenggwi, Kinowaruk nogo wooluwak paga kunggwi, It aap ineebe ndeyak mendek nen, Nit wim wakaa'ngget aret aruwi o, yinuk, yogwe,

Ala Unde 26:8

it Iterali ineebe 5 nen it aap inom wim mbanak ineebe 100 aret tebenogo piigwi, ndi, it Iterali ineebe 10 nen it aap inawim ineebe sepuluh ribu aret inoorogo piigwi, eerit nogo logogun o.

Mika 5:8

Kit Iterali kinawim kinom nambuko logonet, tebenogo piigwi, Kinom ogoorak nogo lek eerogo piigwi, Eeppunuk, “Nineegin tiyak yigi o,” yinuk, keekok piyanggogo logomunggup o.

Mika 7:16

Ti eeremenggendak paga yi aakumi ndi aakumi inigen kogo logomenggaarik, “Nit ninomaawi paga eeriyak meek kogo o,” yinuk, Inenggali nen inoone ambi yaga'lek inaruk logu negen eeppunuk logogun o.

Mika 7:8

Ninawim mbanak kit yi wae. Nit yigeebu wanggoorak wonogwe kwe, mi'nogwe, Nit o apit aago paga wonogwe kwe, Aliku ALA nen eya eerogo pinanege, Eerigin me, Nit eeppinanegerak paga, “Op eeppiigi,” yinuk, ninagi'ndok kambuurak mage o.

Takariya 10:7

It Eparayim mendek aap wim kalu-kalu kwak ogwe, Anggur amburu nenok, inale'nggen mbakwi kwak, iniki ale'nggen mbakwi, eekwi nogo, Inapuri nen inigen iigo logomenggaarik, it kunduk, inale'nggen mbakwi, At Aliku ALA nen eerogo piigerak ti iya, yinuk, inale'nggen nen ndawi lubuk yogwe, Eeko logogun o.

Takariya 2:5

We tene aret wonage me, yagat yendok-wandok wurik kani wunuk ari menggi kwak ti, an neebe aret wonage, ndi, akem time eya eerak kenok, aakumi nen, Wi! ugwi ti, an neebe aret wonage, eeke logogin, Aliku ALA nen yegerak o, yinuk, wulaga tawe ti, mbe agan yori nak o,” yinuk, at yoge kagarak.

Takariya 9:14

Ti eeke kenok, Aliku ALA nen at apuri inirimbaga kin ari wage logonet, O kimbik pindanogo pege menggi kwak, at omaale namburogo nappigin o. At Itok Menggerak Aliku ALA nen oone nggwok eeka trompet nogo oone pu eeke, O ame pa'nggwe nen o wiya nombok-kombok eerit wage enggela'me at wage,

Takariya 9:8

Togop kwe, at Aliku ALA ari logonet, “It aap wim eeka nen o yi, unggwi wogwe, wundi nogwe, eeko logonet, an nawi wurik maluk eerogo pukwak, nawi wurik arum logogin o. Arum logonet, nenegen wonage me, it tebenogo piiga ambi nen an napuri tebenogo piya unggwogo logogun lek o,” yinuk, yegerako.

Maleyaki 3:1

At Omaawi Lombok Menggerak Aliku ALA nen ari logonet, “An woraawam tu yarogo panuwak nduk, nayonggo nappi wage neyaagun o. Tu yarogo panege kenok, Ninogoba woraawak lak, ao, mbakwi nogo, nawi wurik me time unggwi nage, ndi, at inom wone abuk nggaruk togon koonogo puwak nduk, Nappi woroorak, mbakwi nogo, abera'lek me aret wage, eerigin o,” yinuk, yegerak.

Oroma 9:5

It inombomini ti, Abarakam inom, Itak inom, Yakup inom, aret me, it paga inombooluk Keritut nogo aakumi pogom aret nda'nagagerak. Yi mendek ndi mendek abok aret tebenak kagak at mondok tiyanak wonage at eebe Ala aret me, “Wa,” yinuk, mondok-mondok keyage wakak mban eeko logowok o. Amin!

1 Timotiyut 3:16

Nit Ala wone abet mba'nuk waganggo monggoorak kote kumaarak lombok wonagagerak nogo yi o. “At aap aret kin ari wage mbareegi, Yi Ala aput, mbaruwak nduk, Aberiniki nen kin eeppereegerak. Kin eeppege mbareegi, it malayikat nen at eebe inigen kogwe, Ala wone ineenggo'lek mendek wonogome yoranet nogwe, it aap abok aret at abet mbakwi, eeko mbareegwa, Wi, ugwi iigak, wonok laganeegerak o,” yinuk, yogo menggaarak nogo mondok abet aret kogo o.

Iberani 11:34

kani omoonuk eyak ambik kwe, naganak-paganak eerogo pugwi, tege wooluwak paga inooriyak nduk eekaatak kwe, melak togon woppatinuk nggarek yogwe, ndeyak aganaketak kwe inomaawi eekkologwe, ndi, waka'ngget a'nuk wim nambuko logonet aap inanebunu alik mendek inawuri yigin unde nogo mondok mugogo wumbiinet nugwi, eerit nogo nogogwaarak.

Yotuwa 23:10

At Aliku kinogoba Ala nen wone koonogo yokkiragagerak nogo ndak-ndak, kit wim eekwi me, at Aliku ALA nen yeenggwa kirage kagak, aap ambit nen aap ineebe seribu aret mugogo wumbiyaagin o.

Wayu 22:16

Kit an napuri yi awi ndi awi kuwak eerit nogo monggotak nogo, peebi eeriyak wone yi, paganogo yokkira woraawak nduk, nayonggo nege menggerak malayikat ambi nappi wagarak nogo ti, an Yetut nen aret o. O weerikit nduk eeke kagak, laaluguragan ambiret kere ari nogo pogom anebunu Ndawut paga wiganak agarip ndarak nogo an aret o,” yinuk, yo'negerak.