Takariya 12:5 - Ala Wone Peenok Peebi Mbanak

⁵ Ti eerogo piige neenok, it Yekura mendek inoweewi nogo inikime nen yogo logonet, at Omaawi Lombok Menggerak Aliku ti, it Yerutalem mendek inogoba Ala aret me, it Yerutalem mendek ti, inomaawi ambik iigo o, yinuk, yogo logogun o.

Takariya 12:5 ပူးပေါင်းရင်းမြစ်များ

Ndawi 144:1

Wim namburiyak mamunnake, Nawim ninom perenggoloorak ena koonogo panege, Eeke menggerak nayugum lunik kwak At Aliku ALA aret me, tiyappege agarik o.

Ndawi 18:32

Kat Ala nen aret nomaawi eerogo panege, An obeelom mban eerit nage logokit nduk, Naru koonogo panege,

Ndawi 18:39

Nawim ninom namburiyak nduk, kat komaawi eerogo panege, Ninom ogoorak nogo nabu'me tebe yi woraawak nduk eeppiige,

Ndawi 46:1

Nineebe op logowok nduk Abu'me pinaninuk wonage, omaawi eeppinanege, Aaninggin ninoba age kenok yeenggwa nirage, Eeke menggerak ti, Ala aret o.

Yetaya 1:10

Kit aakumi inarum waka o Torom wandek yi wae. At Aliku ALA wone yokkirage nogo kinaruk konenggo logonip o. Kit aakumi Nggomora wandek yi wae. Ninogoba Ala nen eeko logorak wone yereegerak yi, liippogo logonip o.

Yetaya 1:23

Aap karum wonogwe nogo noone ineebi yogwe, It aap kiraaka inom nugwi, It apit aret wone mage yugu kagak wu wogorogwe iinok waganggwi, Wu inambe nggi-nggi agan nugwi, Elege moono inaana'le mbangga'lek mbo piigwi, Kumi togwe inawone liirogon koongga'lek teppiigwi, Eeko agaarik o.

Yetaya 1:26

Inowak loongga nogo maan aa'nduk aakumi inowak loongga wonogogwa kwak inobaane'me mippiige, Aa'nduk inom wone koonggo nogogwa kwak inobaane'me eeppiige, Eerigin o. Ti eeke neenok, aakumi nen, O Yerutalem ti, Obeelom Eeko Menggam o. Ala Wone Liirogon Mugurok Nogo Menggam o, yinuk, kat yokkogo logogun,” yegerak o.

Yetaya 28:5

Ne ti eyom paga at Omaawi Lombok Menggerak Aliku ALA ti, At apuri eegu yumbunik wonogwe nogo Nggare-nggare laambu yanggwi negen inanobak paga yirik kwak, Eyo anggen laambu mendaarak inenggaanok me yirik kwak, Aret logogin o.

Yetaya 28:6

At aap inowak loongga nen a'me nggelok mban inowak loongge logowak nduk inikime eeppiige, O kota nogome inawim nen inoori unggwi wogwe iinok, mugogo nappiyaawak nduk, iniki wakaa'ngget agago piige, Eerigin o.

Yetaya 32:1

Aap endagembogut ambi nen obeelom eeppiinet nage logonet, wone lengganogo yorage, It aap aakumi inarum menggaarak nogo nen eekaatak a'me nggelok eeppiigo logonet, inarum wonogwe, Eekwi iyaamunggup o.

Yetaya 60:17

An nen mbuti tembaga obaane'me mbuti emas wonok iri wage, Mbutiwak obaane'me mbuti perak wonok iri wage, Eyo obaane'me mbuti tembaga wogori wage, Ndi, yugum obaane'me mbutiwak wogori wage, Eeke logogin o. Iniki ugun tayenak logorak eeppiminggirak ti nen at arum wonage, A'me nggelok eeppiminggirak ti nen wone lengganogo yoge, Eerigin me,

Yeremiya 30:21

It inowe inarum logorak nogo it mendek aret mi'nage, Ndi, it inowe endagembogut nogo inenggela'me nen mi'nage, Eerigin o. Ta nen iniki mba'nuk agabiti mbaka'lek nowagam woroorak mbakop? Lek me, an nen at ti, eeppege neenok, nowagam wa'nuk, nimbirak kunik aret logogin o.

Yeremiya 33:26

at Yakup paga wiganak ninom wone koonogo piige, nayeloman Ndawut nimbirak koonogo pege, eereegirak nogo mbo punuk, at Abarakam inom, Itak inom, Yakup inom, paga wiganak nogo at Ndawut ombooluk wiganak ambi nen wone lengganogo yorage logorak an nen leenogo pereegirak nogo, mbo pigin meek aret o. Togop eeriyak meek me, inabuwa nen aa'nduk wonogogwa kwak, obeelom eerogo piyaagin o,” yinuk, yoreegerak.

Yowen 3:16

Aliku ALA abuut Tiyon paga nen singa oone nggwok ari menggi kwak oone nggwok ari, O ngguurubu eeke menggi kwak o Yerutalem nen oone ari, Eeke kenok, Mbogut-nggween na'ndo-wa'ndo eerigin kwe, At Aliku ALA perak, apuri nobarogo piinok wonage, It Iterali mendek yugum pak negen wurogo piinok wonage, Eerigin o.

Takariya 10:12

Naliku ALA an aret me, an napuri inomaawi eeppiige neenok, An nendage kumbunuk, inale'nggen paga eerit nogo logogun o,” yinuk, Aliku ALA nen aret yegerak o.

Takariya 10:6

It Yekura paga wiganak mendek nogo inomaawi eeppiige, It aap Yutup paga wiganak mendek inagap ndarogo piige, Eerogo piige logominggirik, Inabuwa nen wogoren iniyokan iname piya woraagin o. Piya wage logominggirik, Naliku inogoba Ala an aret a'nuk, wonage logogin o. Ndi, an mbo piyareegirak kwe, mbo piyoolik negen eerogo piyaagin me, It nggino yo'nugwi iinok, inoone konengge logogin o.

Takariya 12:4

Ne ti eyom paga an nen it kuda abok aret ambime lingga nagak, ambime lingga nagak, eerit nugu logowak nduk, eerogo piige, aap at paga kwi'ndak wogwe nogo, kumili-kumili eerogo piige, eerigin o,” yinuk, Aliku ALA nen aret yegerak o. “It Yekura paga wiganak mendek an nenegen wogonake logogin kwe, it yi aakumi ndi aakumi inaguda nogo perak, inigen mbuk eerogo piyaagin o.

Takariya 12:6

Kani wurik logonogo punuk, kani wuninogo pogo mengga kwak, gandum owak mippit nanuk, ndi wuninogo enggela'me pogo mengga kwak, ne ti eyom paga an nen it Yekura mendek inoweewi togop aret eerogo piige neenok, it aakumi inaagan-inambokan wonogwe nogo abok aret kani wuninogo piigwi iinok, tigitogon aret nenet nagin kwe, o Yerutalem perak, wonage menggi kwak enaani aret logogin o.

Takariya 14:14

It Yekura mendek kunduk, it Yerutalem mendek inom wim nambuko logogun o. It aakumi inaagan-inambokan wonogwe nogo abok aret inamendek mbuti emas inom, mbuti perak inom, yum inom, ineenggi lingginiyak meek mondok iya lombok kuwak eekkologo logogun o.

Owak Loongga 5:9

Iterali inoweewi wim wakaa'ngget inaa'nduk ogwe, Aakumi ugun iniki nen, Ninom wim eeruwok o, yogwe, Eekaarak kenok, Wi, lombok inombake logonet, Aliku ALA alut eeke agarik o.