Takariya 12:4 - Ala Wone Peenok Peebi Mbanak

⁴ Ne ti eyom paga an nen it kuda abok aret ambime lingga nagak, ambime lingga nagak, eerit nugu logowak nduk, eerogo piige, aap at paga kwi'ndak wogwe nogo, kumili-kumili eerogo piige, eerigin o,” yinuk, Aliku ALA nen aret yegerak o. “It Yekura paga wiganak mendek an nenegen wogonake logogin kwe, it yi aakumi ndi aakumi inaguda nogo perak, inigen mbuk eerogo piyaagin o.

Takariya 12:4 ပူးပေါင်းရင်းမြစ်များ

1 Endagembogut 8:29

Kat nen ari logonet, Time nen nendage ki logowam, yereeginom wurik yi, o liingge-oonikiya kenegen wagangge logoto. Kenegen wagangge wonage me, an kayeloman nena o wurik me yime na'nari wa'nuk, tamban eeke neenok, karuk konengge logomunggun o.

2 Endagembogut 6:14

Yogo mbareegwa, aap endagembogut nogo nen at awuri wim eeka ineebe nggwok aago inom, kuda inom, nggweendo wim eeka inom, nappiige mbareegi, oonikiya nogo nogogwaarik, o kota nogome wanggeppunuk wonogwe iigak,

2 Endagembogut 6:18

Ndi, ne ti eyom paga it aap Aram mendek nogo Elita pigaawok nduk, wambi wogwe iigak, at Elita nen Aliku ALA yoge logonet, “Nogoba o. It aap Aram mendek wogwe yi, inigen ogut eerogo piyet o!” yinuk, Elita tamban eereegerak nogo ndak-ndak aret it aap nogo inigen ogut eerogo piyareegerak.

2 Mbinineegwaarak 6:20

Kat nen ari logonet, Time nen nendage ki logowam, yereeginom wurik yi, o liingge-oonikiya kenegen wagangge logot o. Kenegen wagangge wonage me, an kayeloman nena o wurik me yime na'nari wa'nuk tamban eeke neenok, karuk konengge logomunggun o.

2 Mbinineegwaarak 6:40

Togop aret me, nogoba Ala wae. Nit o yime logonet, tamban eekwi niinok, kenegen pe'niige, karuk liirogon konengge, eeke logot o.

2 Mbinineegwaarak 7:15

Ndi, yogondak an nawi wurik me yime nenegen wagangge, o yime nen tamban eekwi kiinok naruk konengge, eeke logogin o.

Nekemiya 1:6

an kayeloman yi, ko'lu-kii'me kayeloman mini Iterali inake kenggaanom paga tamban eeke yi, karuk liirogon konengge, kenegen pe'niige, eeke logot o. It Iterali mendek inom, an inom, nowe-nawot inom, apit aret kat kenegen keegak maluk mban eeko logonet, wone, Yogop ee'nu ndogop ee'nu, yereegindak inom, wone lengganak inom, eeko logorak wone inom, kayeloman Muta yoreegindak nogo liirogon eerulik taganogo mbo pogoorak ti, maluk lombok aret eekoorak me, paganogo yokkigi o.

Yetaya 24:21

Ne ti eyom paga at Aliku ALA nen it inomaawi ambik mbogut irimbaga menggaarak nogo aaninggin inoba piige, Ndi, it o nggween paga yime it aakumi nggween paga mendek inoweewi inendagembogut nogo aaninggin inoba kwippiige, Eerigin o.

Yetaya 37:17

Kaliku nogoba ALA wae. At yo'nege yi, naruk koneni o, yinuk, karuk konengge, ndi, it eeppiigwi yi, nenegen pegiya o, yinuk, kenegen pe'niige, eeke logonet, at Tanerip nen kat keenik menggendak nogoba Ala meek eerogo pagage yi, abok aret liippege logot o.

Yeremiya 24:6

It ineebe ti, obeelom aret logowak nduk, nenegen wogoren nege logominggirik, ti'nuk, it iniyokan wogoren o yime piya woraagin o. Piya wa'nuk, o minggwi kwak eerogo piyaagin lek nu'lek wurogo piige, ndi, awi yarak kinggulik kwak yarogo piige, eerigin o.

Yetikiyen 38:4

at ena nomonogo punuk, at ondogowak paga keele nggelenogo pit nage logominggirik, nigogo wumbi wage logonet, at awuri wim eeka inom, it at aguda paga kwi'na'nuk wim eekak li'luk aago nugwi inom, ineebe ambik aago inanggeemu nggwok kunduk, mbuuluk kunduk, yirik wooluwak ineenggime nutik wogwe abok aret at inom nigogo wumbiige,

Yetikiyen 39:20

Kuda inom, kuda paga nega aap inom, aap wim wakaa'ngget inom, aap wim eeka lombok abok aret inom, inooppiinok, pipuk eerogo piminggirak nonggo logonet, inaanogum palek yigin o, yinuk, Naliku Nitok Minggirak an ALA nen aret yagi o.

Ndaniyen 9:18

Ninogoba Ala wae. It yo'nugwi ti, konenikit o, yinuk, karuk konengge, ndi, kat kendage kumbunuk kota endage yogo menggam maluk agaarak yi, Pekka o, yinuk, kenegen pekkage, eeru o. Nit nggino yokkugwi yi nogo ti, nit aap abe me nduk yokkugwi lek o. Ata, kat ninabuwa lombok mbake logonet eeppinanit wundi wage menggendak me nduk, yokkogo o.

Takariya 10:5

It lambuk togon wim kalu-kalu kwak eerit nogo logonet, Aakumi iniyok tu paga purok amok mbanogo pit nugu mengga kwak, aakumi togop aret eerogo piinet nugwi, Naliku ALA ninom wonage me, It wim eerit nogo logonet, inawim kuda paga kwi'na'nuk nugwi nogo, tebenogo piinet nugwi, Eeko logogun o.

Takariya 12:11

Ne ti eyom paga aap Karat-Irimon o Megiro kobappaga time aleenggu nggwok maareegwa kwak, it kota Yerutalem wonogwe nogo togop aret an naleenggu nggwok lombok maarugun o.

Takariya 12:3

Yi aakumi ndi aakumi o yime menggaarak abok aret kuwak eeppunuk, o Yerutalem tebenggolaawok nduk, eekwi ti eyom paga, an nen o kota Yerutalem yugum aaninggin nonggop piyanubok kwak eerogo piminggirak me, it yi aakumi ndi aakumi abok aret nen, Piyakkaawi, yinuk, eeremenggaarak kwe, nggelenogo patugun o.

Takariya 12:5

Ti eerogo piige neenok, it Yekura mendek inoweewi nogo inikime nen yogo logonet, at Omaawi Lombok Menggerak Aliku ti, it Yerutalem mendek inogoba Ala aret me, it Yerutalem mendek ti, inomaawi ambik iigo o, yinuk, yogo logogun o.

Takariya 12:6

Kani wurik logonogo punuk, kani wuninogo pogo mengga kwak, gandum owak mippit nanuk, ndi wuninogo enggela'me pogo mengga kwak, ne ti eyom paga an nen it Yekura mendek inoweewi togop aret eerogo piige neenok, it aakumi inaagan-inambokan wonogwe nogo abok aret kani wuninogo piigwi iinok, tigitogon aret nenet nagin kwe, o Yerutalem perak, wonage menggi kwak enaani aret logogin o.

Takariya 14:15

Kugilingga ti mendek nen kuda inom, kuda mendek bagal inom, unta inom, keledai inom, inaanggumi inawooliyana wonogwe nogo abok aret inoba kwi'narigin o.

Takariya 9:8

Togop kwe, at Aliku ALA ari logonet, “It aap wim eeka nen o yi, unggwi wogwe, wundi nogwe, eeko logonet, an nawi wurik maluk eerogo pukwak, nawi wurik arum logogin o. Arum logonet, nenegen wonage me, it tebenogo piiga ambi nen an napuri tebenogo piya unggwogo logogun lek o,” yinuk, yegerako.

Nappiigak 17:30

O maan nen nineenggo'lek logonet eekwi niigak, Ala nen malenninaka'lek aret wonagagerak kwe, yogondak perak, nit yi aakumi ndi aakumi abok aret ninomaluk mondok mbo puwak nduk yo'nirage agaarik o.

Pelaareegerak 28:28

At Aliku ALA nen kumili kunogo pinagage, kinigen mbuk eerogo pinagage, kiniki kobak eerogo pinagage, eerigin me,