Takariya 11:9 - Ala Wone Peenok Peebi Mbanak

⁹ it yorage logonet, “An nen ambinom ndegengginaburak neebi me, kambuurak kenok kanggwi, kineebe lek ariyak kenok lek ogwe, eeko logonip o. Ndi, it eegu yumbunogo piyamonggotak nogo nen at ambi enggaanggum nenggak, at ambi enggaanggum nenggak, eeko logowak o,” yinuk, yoragagirak.

Takariya 11:9 ပူးပေါင်းရင်းမြစ်များ

Yeremiya 19:9

Inawim nen oonda mbanogo inoorit ungguwok nduk wakkagak mban eekwi iigak, Mbi lek me nano nawi? yinuk, inapuri wologwe-komologwe inoorogo inenggaanggum nunggwi, inoreewi inooppunuk inenggaanggum nunggwi, eeruwak nduk, eerogo piyaagin, yegerak, yoret o.

Yeremiya 23:33

Aliku ALA nen ari logonet, “It aakumi yi nen a, Ala yegerak me yagi o, yaga nen a, it an neebe unde nen a, kat yokkogo logonet, Aliku ALA iniki aaninggin logonet, yokkegerak nogo ngge o? Yokkugwi iinok, kat nen it yorage logonet, Naliku ALA an niniki aaninggin wonage nogo ti, it paga aret me, mbo piyaagin, yegerak, yoraamunggun o.

Yeremiya 23:39

an abet aret piginake logominggirik, it inom, inogobamini inom, o kota yi wogoragagirak nogo mbo pege logonet, ineebe inom an wonage me nen mbo wumbiyaagin me,

Yeremiya 43:11

At wage logomenggerik, o Metit tebenogo pege logonet, kugi andi paga kambuurak punik kenok, andi paga kambuwak nduk eeppiige, kugun wogoret piya noorak punik kenok, kugun wogoren piya nage, wooluwak paga inooriyak punik kenok, wooluwak paga inooke, eerigin o.

Yetikiyen 5:10

at enggela'me time nen it inogobamini nen inapuri lombok inoorogo nunggwi, it inapuri nen inogobamini inoorogo nunggwi, eeko logogun o. Maluk onggo aaninggin oba kwippege logonet, it ando yumbunik nogo o wiya kwak yumbunogo mappiyaagin o.

Oteya 4:6

Ndi, it an napuri kunduk, neebe liippanega'lek me, ineebe lek aret arugun o. It neebe unde nen an liippaniyak wone nogo, it yoraga'lek mbo pereegwaarak paga an nen it mbo piige, Eeko logorak wone an inogoba Ala nen yoragagirak nogo, Mari eerogo pereegwaarak paga an nen it inapuri liippiyaagin lek mbo piige, Eerigin o.

Takariya 13:8

Aliku ALA nen ari logonet, “Inoorogo piinet nage logonet, o yime abok aret nandomba ineebe kenagan wonogwe iinok, Mbere inooriminggirak kanggwi, ambi teppege, eerit nage logogin o.

Matiyut 15:14

It aap inigen mbuk mban-mban ineenggi pit-pit aago nogwe iinok ti, it imbirak aret yigeebu wambugun me, inigen mbuk logonet, tu niigiigwi iinok ti, inobaalombok me, teppiyaanip o.”

Matiyut 21:19

eyo wuli ambi tu paga wonage enegen kage nagagerik, alome panggo yi nanuk, eyo nogo anggen yugu lek we engga mban wonage kage nagagerik, eyo eebe nogo yoge logonet, “Kat eyo yi, kanggen abu yega'lek aret logomunggun o.” Yoge mbareegi, eyo wuli nogo, o ti eyom aret mbuk agagerak.

Matiyut 21:43

Ti kenok, kit Ala abu'me pinagarak aret wonogogutak kwe, pinagagin lek o. Kinobaane'me it aakumi anggen mbanogo wogogo logorak nogo mendek aret at abu'me piyaagin o.

Yaya 12:35

Yogo mbareegwa, at Yetut nen it yorage logonet, “Eya eekkinake menggerak nogo ne ambiriluk kinom logogin o. Kiniki o apit pogom eekkinabi wage kero, eya eekkinake kagak, nogo logonip o. Aap ambit ambi nen o apit paga nage kenok, Ndime noorak, at eenggo'lek kagak, nage menggerak.

Yaya 8:21

At Yetut nen it aakumi ambinom yorage logonet, “An nagin aret o. Ndi, kit nen an kwaa'nabit namonggotak kwe, an nawam time kit noorak meek me, maluk kinikime logonet aret kambumunggup o.”

Yaya 8:24

Kit maluk kinikime wonage kagak aret kambumunggup o, yokkiragarak nogo ti, at eebe ti, an aret abet nombaka'lek kiinok, maluk kinikime wonage kagak, aret kambumunggup o.”

Wayu 22:11

Yoranet nege keegak kwe, it maluk eeko logorak mbakwi kenok, maluk aret eekwi, ndi, eeriyak lek mendek kagak ugun-ugun eerit nogo logorak mbakwi kenok, ugun aret eerit nogwe, ndi, it ando maluk eeka'lek obeelom mban eeko logorak mbakwi kenok, obeelom mban eerit nogwe, ndi, it ando kikak naka'lek Ala ake mban leenak logorak mbakwi kenok, Ala ake leenak wonogwe, eekkologo logowak o,” yinuk, yo'nege kagarak.