Takariya 11:17 - Ala Wone Peenok Peebi Mbanak

¹⁷ Aap andomba liirogon ndegeninake lek mbo piinok, mbagangge ti, we aanom warogo wonage me, abuwa o! Wooluwak paga at eenggi polonogo waremenggaarak me, eenggi nggunak ari, Enegen abeme waremenggaarak me, enegen mondok mbuk age, Eeruwak o,” Yinuk, an yo'nereegerak.

Takariya 11:17 ပူးပေါင်းရင်းမြစ်များ

1 Endagembogut 13:4

Aap Ala wone liirogon eeka nen warogo kani kunggak ogobakkigirik o Mbeten yoge nogo, aap endagembogut Yerobeyam aruk konengge nagagerik, warogo kani kunggak eenggi pippunuk wonagagerak nogo, yungguk togon aap nogo titik ege logonet, “Aap ti pigaanip o,” ari kagak, eenggi titik ari nogo mbuuluk arit unggwage logonet, mbaro-mbaro eerogo pereegerak me, yunggukkoorak mondok meek aret agagerak.

Yetaya 44:10

Mbuti worappunuk, kugi ogut longgo warogo pege, At nen eeppuurak lek kagak, mbuti worappunuk aanom warogo kugi ogut longgo warogo pege, Eeke ti, Ta nen eeke mbakop?

Yetaya 9:15

Inanobak kwak ti, aap inoweewi inom, aap inengga warak inom, ti aret. Ndi, inakom kwak ti, Ala yorage kagak yoraga kwe, pilit pugunogo mamuninaka ti aret.

Yeremiya 22:1

Aliku ALA nen ari logonet, “It Yekura mendek inowe endagembogut awi o nggwok abe wurik me nage logomenggendik, wone yoroorak nogo yi aret.

Yeremiya 23:1

At Aliku ALA nen ari logonet, “It aap ndegeninaka nen nandomba nanggween paga inagari'ngga mbanogo nenet nugwi me, tak-mak eerogo piigwi, lek eerogo piigwi, eekwi nogo inabuwa o,” yinuk, yegerak o.

Yeremiya 23:32

Aliku ALA nen ari logonet, “It aap, Nabi ndogop kagarak o, yinuk, pilit agan nugwi ti kunduk, neebi mbake minggirak. Wone yoraawak nduk, an nen lengganogo yorage, an nen nappiige, eerulik kwe, wone yuurak lek mendek kagak inoone ugun-ugun pilit agan nogo logonet, Nabi ndogop kagarak o, yinuk, yoranet nugwi paga it an napuri nomoniren nogo menggaarak me, it aap ti, aakumi yi, obeelom ambi eeppiyoorak lek kagak we aanom warogo agan nugu menggaarak,” yegerak o.

Yetikiyen 13:3

At Aliku Itok Menggerak ALA nen ari logonet, It aap yi mendek ndi mendek eeriyak inabi paga kaga'lek kagak wi negen logonet, iniki mba'nuk, agan nugwi mban mugurok nogwe nogo inabuwa o.

Yetikiyen 34:2

“Aakumi nen ndarak yi wae. It Iterali inoweewi ndomba ndegeninaka kwak logonet eekwi ti, eeppiyoorak yorage logot o. It eeppiyoorak nogo yorage logonet, Aliku Itok Menggerak ALA nen yegerak nogo yi aret. It Iterali ndegeninaka inoweewi nogo ti, it inobaalombok mban ndegenggologwe me, inabuwa o! It aap ndomba ndegeninaka nen inandomba ndegeninako menggaarak nogo lek a?

Takariya 10:2

Inagugi nen yorogwe nogo ti, abe yorogwe lek pilit pugunogo yorogwe, Aap tili pagangga nen inoone yogwe nogo, maluk aret age, It aap inabinggaanggo paga inigen kagaatak yorogwe nogo, mbeyok ari, Eeke menggerak me, Ti mendek wone yogwe ti, iniki eyak wappiyoorak lek kagak we aanom warogo aret yorogo menggaarak o. Aap ndomba ndegeninaka eebe lek kenok, ndomba ineebenowak ko eerogo piige menggi kwak, It aakumi ti, togop aret mak aago nugu menggaarak o.

Takariya 11:15

Kalenogo pege mbareegi, Aliku ALA nen an yo'nege logonet, “Ne yogondak yi paga aret an nen aap ndomba ndegeninaka ambi an napuri o yime wonogwe nogo ndegeninake logonet, ndomba lek ogwe iinok liippiige, inaagalogwe kobak ogwe iinok kwaarinake, inawin ogwe iinok nggerembiige, ineebe obeelom logorak liirogon unde wogonake, eeka'lek ndomba amok warak kero, inoorogo nengge logonet, iniyogobit inom longgonogo punuk, nengge logorak nogo mendek mippigin me, it aap ndomba abe ndegeninakwi lek kwak a'nuk, eerit nage logot o.

Matiyut 23:13

Wone ambinom yorage logonet, “Kit Ala wone liiru mbanak unde aap Pariti kinom kiniki laakot logonet, eeko monggotak yi, aakumi at mbogut paga mendek abu'me unggwogwe iyo, tu narogo wumbiigwi, kit unggwaga'lek logonet, it unggwi woroorak mbakwi nogo, tu non mbanogo piigwi, eeko monggotak me, kinabuwa o! (

Matiyut 23:16

Kinigen mbuk logonet, aakumi tu nigiigo monggotak yi, kit nen yogo logonet, Ninoone abet mbaruwak nduk, Ala awi wurik endage kunogo aakumi yorogwe niinok ti, we aret agan nugwi kwe, mbuti emas Ala awi wurik me nabenak wonage nogo endage kunogo aakumi yorogwe niinok ti perak, ninoone yogwe nogo mondok-mondok eeko logorak nduk, yogwe me, ti iya o, yinuk, yogo monggotak me, kinabuwa o!

Yaya 9:39

Ayuk wuke mbareegi, at Yetut nen, “It inigen mbuk kenok inigen obeelom eeginake, inigen obeelom kenok inigen mbuk eeginake, eeke logonet, kinowak loonogo pinagakit nduk, an o nggween paga yime wambi wagagirak o,” yinuk, yoragagerak.

Oroma 11:7

Ti kenok, it Iterali ti, nonggop o? It Iterali abok nen, “Nit obeelom agago pinaniyak nduk, nonggop eeruwi o?” yinuk, eekaatak mendek, eeppiiga'lek aret wonagagerak kwe, it ando mbuuluk miirinabeegerak nogo mban obeelom eeppiige nagagerik, it ando apit aret iniki omaawi agago piyareegerak.

1 Korindut 8:4

Ti kenok, “Wam kugi aanggo warak noorak ilik, mage a?” yinuk, yogwe ti, at Ala alik ambit aret menggerak me, nggween paga yime kugiwak abe mendek ambi wonage lek ti, nineenu aret o.

1 Tamuwen 2:31

at apuri inom, anebunu mendek inom, ambik kenok iya ombakwi nogo, lek eerogo piyoorak eyom abu panggoni wagaarak wonage me, at paga wiganak ambi li a'nuk kanggo logogun mondok lek o.