Takariya 11:15 - Ala Wone Peenok Peebi Mbanak

^15-16 Kalenogo pege mbareegi, Aliku ALA nen an yo'nege logonet, “Ne yogondak yi paga aret an nen aap ndomba ndegeninaka ambi an napuri o yime wonogwe nogo ndegeninake logonet, ndomba lek ogwe iinok liippiige, inaagalogwe kobak ogwe iinok kwaarinake, inawin ogwe iinok nggerembiige, ineebe obeelom logorak liirogon unde wogonake, eeka'lek ndomba amok warak kero, inoorogo nengge logonet, iniyogobit inom longgonogo punuk, nengge logorak nogo mendek mippigin me, it aap ndomba abe ndegeninakwi lek kwak a'nuk, eerit nage logot o.

Takariya 11:15 ပူးပေါင်းရင်းမြစ်များ

Yeremiya 23:1

At Aliku ALA nen ari logonet, “It aap ndegeninaka nen nandomba nanggween paga inagari'ngga mbanogo nenet nugwi me, tak-mak eerogo piigwi, lek eerogo piigwi, eekwi nogo inabuwa o,” yinuk, yegerak o.

Leendawi 2:14

“Ndogop arigin o,” yinuk, yokkega nen yokkogo nogogwaarak nogo ti, pilit aret yokkugwi, Ambi eeppagarak lek kagak yokkugwi, Keele maakkeren pagi nookwak, “Maluk ndogop eeke agandik o,” yinuk, kin paga yokkega'lek kat eeke nogo kagaarogo pugwi, “Ala nen yegerak me, yokkogo o,” yinuk, yokkogo nogogwaarak nogo ti, pilit-pilit yokkugwi, Tu abe kagak alik paga nomonggeren nogwe, Eeko nogogwaarak o.

Yetikiyen 13:3

At Aliku Itok Menggerak ALA nen ari logonet, It aap yi mendek ndi mendek eeriyak inabi paga kaga'lek kagak wi negen logonet, iniki mba'nuk, agan nugwi mban mugurok nogwe nogo inabuwa o.

Yetikiyen 34:1

At Aliku ALA nen an yo'nege logonet,

Takariya 11:17

Aap andomba liirogon ndegeninake lek mbo piinok, mbagangge ti, we aanom warogo wonage me, abuwa o! Wooluwak paga at eenggi polonogo waremenggaarak me, eenggi nggunak ari, Enegen abeme waremenggaarak me, enegen mondok mbuk age, Eeruwak o,” Yinuk, an yo'nereegerak.

Matiyut 15:14

It aap inigen mbuk mban-mban ineenggi pit-pit aago nogwe iinok ti, it imbirak aret yigeebu wambugun me, inigen mbuk logonet, tu niigiigwi iinok ti, inobaalombok me, teppiyaanip o.”

Matiyut 23:17

Kiniki lek kinigen mbuk yi, kit nen mbuti emas iya ilik, mbuti emas Ala awi wurik me pi unggwogwe paga Ala ake leennage menggerak me, awi wurik ti, iya a?

Lukat 11:40

Kit wi negen aret eeko ogotik. At agabolo endekem ogobakkigireegerak nogo nen inikime inom ogobakkigireegerak lek nduk yogo ogotik?