Takariya 11:14 - Ala Wone Peenok Peebi Mbanak

¹⁴ Ti eeke nagagirik, waanggun ore endage, Inom Kunik Eeka, nogo woppunuk, “It Yekura Iterali imbirak iniki kunik nogo lek aga o,” yinuk, kalenogo pereegirak.

Takariya 11:14 ပူးပေါင်းရင်းမြစ်များ

Yetaya 11:13

Piya woraagin me, it Eparayim mendek nen, “Nit togon eeppinanuwak lak, it mban eeppiige, ao,” yinuk, Ineebi inombakwi nogo lek age, It Yekura mendek inom wim mbanak nogo lek age, Eerigin me, Eparayim nen, “It mban eeppiige, ao,” yinuk, it Yekura ineebi inombakwi, Ndi, it Yekura nen it Eparayim mendek inom ambinom ogoorak wonogwe, Eeko logogun lek o.

Yetaya 9:21

Neyak-keyak yogo logonet, it aap Manate mendek nen Eparayim mendek inoorogo piigwi, Ndi, it Eparayim mendek nen it Manate mendek inoorogo piigwi, Eeko logonet, It imbirak lambunna'nuk, Yekura inom wim eerugun o. Togop eerugun kwe, at Ala anini inombake nogo lek aga'lek ambinom inoba pikit nduk, “Ndime eeri nanip o,” yinuk, eenggi titik irage agaarik o.

Yetikiyen 37:22

Piya nage logominggirik, it inanggween puut-puut paga time inanebunu ambit aret eerogo piyaminggirak wonogwe iigak, inanebunu mbere wonogwe, inoweewi inabu'me piinok menggam mbere wonogwe, eeko nogogwaarak nogo, ambinom eeko logogun lek aap inowe endagembogut ambit nen it abok aret at abu'me piinok, wone lengganogo yorage logogin o.

Takariya 11:6

Naliku an ALA nen kunduk, aakumi o nggween yi paga wonogwe ti, ambinom inabuwa mbarigin lek aret o. An nen abet aret it-it maluk eekkologo logowak nduk eeppiige, it inoweewi inendagembogut ineenggime aruwak nduk eerogo piige, eerigin me, it nen maluk eerogo piinet nogwe iigak, an nen ineenggi me nen ndininabigin lek aret o,” yinuk, Aliku ALA nen aret yo'nereegerak o.

Takariya 11:7

Yo'nege mbareegi, an nen it ndomba kunogo wariyak nduk leenak nogo, ndegeninabit nege nagagirak. Ndegeninabit nege logonet, ndomba ndegeninakak waanggun mbere wagangge nagagirik, ambi endage, Inabuwa Nen Wogoraga, toonogo pege, ndi, ambi endage, Inom Kunik Eeka, toonogo pege, eeke nagagirik, wogoren nege nagagirak.

Takariya 11:9

it yorage logonet, “An nen ambinom ndegengginaburak neebi me, kambuurak kenok kanggwi, kineebe lek ariyak kenok lek ogwe, eeko logonip o. Ndi, it eegu yumbunogo piyamonggotak nogo nen at ambi enggaanggum nenggak, at ambi enggaanggum nenggak, eeko logowak o,” yinuk, yoragagirak.

Matiyut 24:10

Ti eyom paga aap ambik ineebi nomba'nuk abe wone mbo pugwi, at ambi nen at ambi wariyak abok mbangge, at ambi nen at ambi anini agaket ombake, eerugun o.

Marakut 3:24

It aap inabu'me menggaarak it-it ogooppunuk ma'nogwe kenok ti, it inabu'me piigo menggam nogo omaawi logogun lek o.

Nggalatiya 5:15

Kit neyak-keyak yogo logonet, at ambi nibinogo nappegak eekwi paga kineebe lek eerogo pakwi kiyo, liippogo logonip o.

Yakobut 3:14

“Niniki warak aret,” mbakwi kwe, kinoreeluk ambi anini eeppogo logonet, worokot liinik agan nugwi, “An koongge mban eeriyak,” mba'nuk, agan nugwi, eeko logonet kwe, “Niniki warak o,” yinuk, wogoppatiyak ti, mage o. Togop agan nugwi paga Ala ndogop menggerak wone yugu kagak, abut laganggwi me, kit pilit pugunit nugwi aret kiigi o.