Takariya 11:10 - Ala Wone Peenok Peebi Mbanak

¹⁰ Yorage nagagirik, nowaanggun endage, Inabuwa Nen Wogoraga, nogo woppunuk, “Yi aakumi ndi aakumi abok ninom wone abuk nggaruk togon koonogo pereegirak nogo lek aga o,” yinuk, kalenogo pereegirak.

Takariya 11:10 ပူးပေါင်းရင်းမြစ်များ

Ndawi 50:2

Puut Tiyon abu kigirikwe lombok paga nen Ala abinak pindanogo nappit wage, Eeke agaarik o.

Ndawi 89:39

Kayeloman kimbirak wone koonogo pereegindak nogo, “Lek aret aga o,” yinuk, ari, Enggare-nggare yippereegindak nogo nggoorogo, liirubu paga mbo pege,

Ndawi 90:17

Ninogoba Ala o. Kale'nggen ninoba pinanege, Nineenggi paga eerit nugwi nogo omaawi eerogo pege, Nineenggi paga eerit nugwi nogo lek age kero, nu'lek eerogo pege, Eeke logot o.

Yeremiya 14:21

Kat kendage obeelom wonage nogo maluk arukwak, Neebi o, yinuk, mbo pinanege, Kat wone lengganogo yorage menggenom abu tiyanak nogo kambot ege, Eeriyak mage o. Ata, ninom wone koonogo pereegindak nogo lek eerogo pega'lek kiniki aberak logot o.

Ndaniyen 9:26

Ndi, enam puluh dua kali tujuh ti, abu aret eeke kenok, at leenogo punuk amburu eeppereegerak woramenggerak nogo maluk ambi eerulik kagak warogo pugun o. Ndi, aap endagembogut ambi woramenggerak ti, awuri wogo logonet, o kota inom, Ala alut eeko menggam inom, pup eerogo pugun o. O kota alik leenak age yobok eeppuurak nogo ti, yi wu'nuk wage logonet, yi mendek ndi mendek yigirik-noonom eerogo pit nage menggi kwak togop aret eerugun o. Wim eerit nogwe, yi mendek ndi mendek maluk eerogo pit noorak koonak nogo, eerogo pit nogwe, eekwi iigak, o irip yubuni nagin o.

Oteya 1:9

Ndake mbareegi, at Aliku ALA nen Oteya yoge logonet, “Kit Iterali ti, an napuri lek aret. Ndi, an kit kinogoba Ala lek mban me, wulaga ti, endage, Napuri Lek, toonu o.

Takariya 11:7

Yo'nege mbareegi, an nen it ndomba kunogo wariyak nduk leenak nogo, ndegeninabit nege nagagirak. Ndegeninabit nege logonet, ndomba ndegeninakak waanggun mbere wagangge nagagirik, ambi endage, Inabuwa Nen Wogoraga, toonogo pege, ndi, ambi endage, Inom Kunik Eeka, toonogo pege, eeke nagagirik, wogoren nege nagagirak.

Linggineegwaarak 14:34

O inigen yombooni nogwe iigak, nogo 40 aret yegaarak nogo ti, nogo ambit yegaarak ti, tahun ambit eeriyak kwak aret me, an nambot iige ineenu aruwak nduk, inomaluk onggo inoba piyaminggirak aaninggin piyaninuk nugwi iigak, tahun 40 aret eerigin o.

Lukat 21:32

Kit yogondak wonogwe yi, awo lek aga'lek kiigak, eeriyak abok yokkiragarak nogo tigitogon a'me lik ari kaamunggup o, yinuk, abet aret yokkirage agarik o.

1 Tamuwen 2:30

At togop aret eeke me, Naliku Iterali inogoba an Ala nen, At apuri inom, at anebunu mendek inom, it aap neebe unde a'nuk nawi wurik me nenggaanom paga mondok-mondok nake eeko logowak o, yinuk, noone abuk nggaruk togon yoragagirak kwe, yogondak nen wone ti eeriyak abu meek aret aga o. Aap ambit nen an tiyappanege kenok, an nen aap ti aret tiyappege, ndi, aap ambit nen an meek eerogo panege kenok, an nen aap ti meek eerogo pege, eeke minggirak me,