Takariya 10:7 - Ala Wone Peenok Peebi Mbanak

⁷ It Eparayim mendek aap wim kalu-kalu kwak ogwe, Anggur amburu nenok, inale'nggen mbakwi kwak, iniki ale'nggen mbakwi, eekwi nogo, Inapuri nen inigen iigo logomenggaarik, it kunduk, inale'nggen mbakwi, At Aliku ALA nen eerogo piigerak ti iya, yinuk, inale'nggen nen ndawi lubuk yogwe, Eeko logogun o.

Takariya 10:7 ပူးပေါင်းရင်းမြစ်များ

Wakkagagerak 43:34

mbi larak at Yutup mbi nengge menggerak eyo ndoonak paga pi wogogwaarak nogo oreewi ne ambit mbo ndooniranet nogo logonet, at Mbeniyamin perak, ne 5 aret ndoonogo wogoreegwaarak me, it nogo abok aret Yutup inom lambunna'nuk mbi inom, amburu inom, ndinggik-ndonggok aret nunggugwaarak.

Ndawi 102:28

It kayeloman mini inapuri nit nogo, niniki tayenak ugun aret wonogwe, Ndi, it paga wiganak nit nogo, Kenegen wo'ninake keegak, wigannarit wundi wogwe,” Eeko logogun o.

Ndawi 104:15

Aakumi inale'nggen mbaruwak nduk, anggur amburu magarage, Inete teretak eeke logowak nduk tayitun amburu wogorage, Aakumi inomaawi logowak nduk, mbi magarage, Eeke menggerak o.

Ndawi 13:5

Kat nen mbo panegeelik kiniki kunik ee'nabit wundi wage paga Niniki panggombunuk wonage, Nagap ndareegindak me, niniki ale'nggen mbake, Eeke agarik o.

Ndawi 28:7

Nomaawi inom, nanggeemu kwak inom, Kaliku ALA kat aret o. Niniki koba panggonak wonage neenok, Yeenggwa nege menggendak me, Niniki ale'nggen alik negen ee'nake, “Wa!” lombok yokkege, Eeke logonet, Ndawi wake agarik o.

Ndawi 33:21

Ndi, at endage abu abe alik leenak wonage me, Nit at oba panggombunuk ninale'nggen aret mbakwi, Eeko ogoorik o.

Ndawi 90:16

Kat eeke menggendak nogo Kayeloman mini nineenu aruwok nduk, kin eerogo pege, Kendage abu tiyanak, “Wi!” kugwi nogo Ninapurilogwe kunduk inigen keyaawak nduk eeppiige, Eeru o.

Yetaya 25:9

Ne ti eyom paga it aakumi nen yogo logonet, “Eeppinanege yi ti, ninogoba Ala nen aret o. Ninagap ndaruwak nduk, tokkogo nogoorak nogo at aret. At tokkogo nogoorak nogo Aliku ALA yi aret me, ninale'nggen mbakwi, Ninagap ndakerak me, ninale'nggen nen ndawi lubuk yogwe, Eeko logowok o,” yinuk, yugun o.

Yetaya 38:19

It aap ineenik wonogwe nen mban kat tiyappagagwi, An o yogondak, Wa, yokkege kwak, it aap ineenik wonogwe nen mban yokkugwi, Eeko logonet, Kat liirogon eeppiige menggendak inogobamini nen inapuri liirogon mamunirogo menggaarak o.

Yetaya 54:13

Aagalogwe wologwe abok ti, Naliku ALA an aret mamunirage logogin. Inambi-inambiingga abe mendek mban nunggo logonet, iniki ugun tayenak aret logogun o.

Yetaya 66:14

Ti eekkinake nogo kogo logomonggotik, kiniki ale'nggen nggwok lombok mbakwi, Iri'ngga awo lagangge logonet, mondok kwit agan lagangge menggi kwak kit kineebe togop aret ogwe, Eerumunggup o. At Aliku ALA eenggi omaawi ayeloman mini kaawak nduk, eeppiige logogin kwe, At inom ogoorak nogo perak, anini inoba kwippiige logogin o.

Yeremiya 32:39

It inom, inapuri ndaganabemenggaarak inom, obeelom mban wonogo logonet, an paga mondok-mondok inagabiti mbakwi, ndi, iniki ambit eeppunuk, eerit nogwe, eeko logowak nduk, eeppiyaagin o.

Yetikiyen 37:25

Ti eeko logonet, nggween it inombomini wonogogwam nayeloman Yakup wogoreegim nogome wonogo logogun o. It inom, inapuri inom, inombowologwe inom, mondok-mondok time aret wonogwe iigak, nayeloman Ndawut nen inowe endagembogut mondok-mondok aret logogin o.

Yowen 2:23

Kit aakumi o Tiyon wonogwe yi wae. Kinogoba Aliku Ala nen a'me nggelok eeppinagage logonet, Aa'nduk eereegi kwak, o kibi wonagaatik mayu nappi wage, O loongge nagaatik, mayu wuppi wage, Eeppinagagin me, Gandum agabolo mbelanggo menggam anggen mban yagabit age, Anggur amburu mburunogo tooko menggam anggur amburu inom, eyo tayitun amburu inom, Eno korok yinuk, kilu-kilu wangge, Eerigin me, Kiniki ale'nggen mbakwi, Kinogoba Aliku Ala eeppinagamenggerak ti paga ndawi lubuk yogwe, Eeko logomunggup o.

Abakuk 3:18

An perak, Aliku ALA paga nale'nggen nggwok mbake, Nagap ndaka nogoba Ala aret me, nale'nggen nen ndawi lubuk ari, Eeke logogin o.

Tepaniya 3:14

At Aliku ALA nen aaninggin kinoba pinagarak nogo lek eerogo pege, Kinom wim mbanak nogo wogwe iinok, munogo nappiige, Eeke logomenggerik, Kit Iterali mendek kinowe endagembogut Aliku ALA kinenggela'me logonet, kinarum wonage me, “Maluk ambi eeppinani wogwe iyo, iya!” yinuk, kinagabiti mbarumunggup lek o. Togop me, o Tiyon aagalogwe kit yi wae. Ndawi wakwi, Iterali mendek kit yi wae. Ndawi lubuk yogwe, Kota Yerutalem aagalogwe kit yi wae. Kinale'nggen nen keekok piyanggogwe, Eeko logonip o.

Takariya 12:8

Ne ti eyom paga Naliku ALA nen it Yerutalem wonogwe nogo, inarum wonage logonet, it aakumi inomaawi lek abu ndeyak wonogwe nogo, at Ndawut omaawi wonagagi kwak eerogo piige, ndi, at Ndawut paga wiganak nogo ti, Ala kwak, Aliku ALA ayonggo malayikat inaa'nduk a'nuk, nogo nogogwa kwak, eerogo piige, eerigin o.

Takariya 9:15

Ndi, nogwe iigak, at Omaawi Lombok Menggerak Aliku ALA nen it ineebe op logowak nduk, nobarogo piige, Eerigin o. Togop aret eerigin me, at apuri nen it inawim nogo ineebe lek eerogo piigwi, It yugum anggen keele paga nggelembunuk nambukwi nogo paga tebenogo piigwi, Anggur amburu nenok ugun agan nugu mengga kwak kumili-kumili negen agan nugu logonet, aakumi ugun inoorogo piinet nogwe, Togolowak amiya eno korok togon toolak wonok Ala ake warogo wogogo menggam ogobakkigirik unggut-unggut kilirogo pit nogo mengga kwak Aakumi inoorit nogwe paga inamiya togop aret wambit nage, Eeke logogin o.

Takariya 9:17

Ti aago logogun nogo ti, abu abe kigirikwe lombok me, iya! Gandum nunggwi paga inapuri wologwe mbet-mbet tawe ogwe, Anggur amburu ngget toolak nunggwi paga inapuri komologwe inagabolo piyok togon tawe ogwe, Eerugun o.

Lukat 1:47

Nagap ndaka Ala nen eeppanegerak kenok, ninikime ale'nggen ambik kage agarik o.

Yaya 16:22

Ti ndak-ndak, kit yogondak kiniki puru aago wonogwe kwe, peebi an ninom lambunggwi paga perak, kiniki ale'nggen age kaamunggup o. Kinale'nggen kamonggotak nogo aakumi nen lek eerogo pinagarak mondok lek o, yinuk, abet aret yokkiragi o.

Nappiigak 2:26

Togop me, an niniki ale'nggen mbake, Noone paga kalut eeke, Eeke agarik o. An kanggo menggam naakit nduk mbo panege, Kaput Kikak Nakeelik Alik Leenak nogo kunduk, kambunuk, pili age kagak, teppege, Eerumunggun lek me. Kanggo menggaarak mendek an aret kwe, Eeppaniyak niniki lunik aret me, niniki tayenak aret agarik o.

Nappiigak 2:39

Ala nen, Wokkiraagin o, yinuk, abok yokkiragagerak nogo ti, kit inom, kit kinapurilogwe inom, it aap nda menggaarak inom, peebi ninogoba Ala nen wiigiraagin nogo abok kinake aret yokkiragagerak o,” yinuk, yoragagerak.

Pilipi 4:4

“Ninowe kinom kunik logonet, kiniki ale'nggen mban mbako logonip o,” yinuk, ne mbere paga yokkiragi o, noreewi.

1 Peterut 1:8

Kit Yetut kinigen kaga'lek kwe, kagak, kiniki kunik eekwi, ndi, yogondak at eebe kinigen kaga'lek kwe, kiniki at oba panggombunuk, abet mbakwi, eeko logonet, “Nit niniki abet mbakwi nogo, anggen yugu paga nineebe ninagap ndarigin,” mba'nuk, kiniki ale'nggen mbakwi nogo ti, mondok nggwok alik negen agaarak me, nonggop togon mbininogo yuubok aga o.

1 Tamuwen 2:1

Eeko nogogwaarik, kwe Kana nogo tamban eeke logonet, “Kaliku ALA nen eeppanegendak paga Niniki ale'nggen ambik mbake agarik o. Kaliku ALA nen yeenggwa nege keegak, An nomaawi tiyak yigi o. Ninom ogoorak tebenogo piinok, Nagap ndareegindak me, Nale'nggen nen wogoppake agarik o.