Takariya 10:5 - Ala Wone Peenok Peebi Mbanak

⁵ It lambuk togon wim kalu-kalu kwak eerit nogo logonet, Aakumi iniyok tu paga purok amok mbanogo pit nugu mengga kwak, aakumi togop aret eerogo piinet nugwi, Naliku ALA ninom wonage me, It wim eerit nogo logonet, inawim kuda paga kwi'na'nuk nugwi nogo, tebenogo piinet nugwi, Eeko logogun o.

Takariya 10:5 ပူးပေါင်းရင်းမြစ်များ

2 Tamuwen 22:43

Wun negen yigit-yagat eerogo piige, Tu paga purok iniyok amok mbanogo pogo mengga kwak, Ineebe togop aret eerogo piinet nage, Eekirak o.

2 Tamuwen 22:8

Aliku ALA anini mi'nage mbaki, O nggween yi nogo, nuk-nuk eeke logonet ndipuk eeke, O mbogut yi nogo, alom na'ndo-wa'ndo eeke, Eekerak o.

2 Endagembogut 9:33

at Yeku nen oone nggwok paga it yorage logonet, “Kwe ti, eebe pigogo mbo wuppi wa'nip o!” Yorage mbareegi, pigogo wuppereegwaarak kuda nen iniyok paga at eebe aan lebenogo pit nogwe iigak, amiya wore-wore yugum pak wurik paga inom, kuda ineebe paga inom, lengge-lengge nagagerak.

Ndawi 18:42

Wun o wiya nen Wonok nage menggi kwak eerogo piige, Purok tu paga wonage nogo Aap iniyok amok mbanogo pogo mengga kwak, Ineebe togop aret eerogo piinet nage, Eekirak o.

Ndawi 20:7

It ando inanggweendo paga iniki panggombugwi, It ando inaguda paga iniki panggombugwi, Eeko menggaarak kwe, Nit perak, niniki Aliku ninogoba Ala oba panggonak ogoorik o.

Ndawi 33:16

Aap endagembogut ambi nen Awuri apit aago paga agap ndakkolage, Aap yigin unde ambi nen At wakaa'ngget paga ili eekko'nok mbagangge, Eekulik o.

Ndawi 44:5

Kat komaawi ninoba pinanege keegak, Ninawim mugogo mappiigwi, Kendage kumbunuk, it ninooriyak eekwi nogo Niniyok konden yigirogo piigwi, Eeko monggoorak o.

Ndawi 45:3

Aap wakaa'ngget yi wae. Kawooluwak keenggime li'luk eeppunuk wonage, Kobaanggi-kobaangge li'luk eekko'nok Kayuk warak lombok wundi nage, Eeke logot o.

Yetaya 10:6

It Atiyut mendek nogo it aakumi an noone liirogon eekulik mendek inowagam nappiya wage, It aakumi an nanini eeppanugwi nogo inageerok ndinggologwe, Inamendek kugun waganggwi, Tu paga purok iniyok amok mbanogo pit nogo mengga kwak ineebe iniyok aambiranogo piinet nogwe, Eeruwak nduk, nappiya wage, Eerigin kwe,

Yetaya 25:10

At Aliku ALA nen puut Tiyon yi, eenggi omaawi paga pipporogo logogin kwe, It aakumi Mowap mendek perak, Wam inambi larak nunggo logonet, it inaan wurik iniyok aambiranogo pako mengga kwak togop aret eerogo piyaagin o.

Yetaya 31:1

It aakumi iniki at Kikak Nakeelik Alik Leenak Iterali inogoba nogo oba panggombugwi, “Aliku ALA yeenggwa niraawak o,” yinuk, nggino yogwi, Eeka'lek, “It Metit mendek nen yeenggwa niraawak o,” yinuk, o Metit nogwe, “It inaguda paga iniki panggombugwi, Inanggweendo ambik wonage paga panggombugwi, Kuda paga kwi'na'nuk wim eeka inomaawi ambik o,” yinuk, inoba panggombiigwi, Eekwi nogo, inabuwa o.

Yetaya 41:12

It aakumi kit kinooriyak eekwi nogo kwaarinabumonggotak kwe, kinom abuk ogwe, It kinom wim eekwi nogo it ambi eeriyak meek aret age, Eerigin o.

Yetaya 41:25

O omarip paga pa'nggwe nen aap ambi woraawak nduk inikime eeppigirak me, at muk wage, Oonegen lagi wage menggim pa'nggwe nen nendage kunit wage, Eeke agaarik o. Aap nggabok paga togolowak ogobakkigika nen togolowak ogobakkigirikit nduk iyok paga nggabok amok mbangge menggi kwak, At aap nogo wage logonet, togop aret it inendagembogut nogo iyok paga aambirak-mbirak eerogo piige logogin o.

Yetaya 8:9

Togop aret me, kit yi aakumi ndi aakumi ninom wim mbanak yi wae. “Ninawim o,” yinuk, kuum-keek namonggotak kwe, kinaganak wako logomunggup o. Kit aakumi o nggween ilin-unggut wonogwe yi wae. Kinaruk liirogon koneninip o. Wim namburiyak nduk li'luk eerumonggotak kwe, kinaganak wakwi, Wim eeriyak nduk pipuk eerumonggotak kwe, kiniki ma'nage, Eerumunggup o.

Yetikiyen 38:15

at wonage menggim o nda o omarip paga pa'nggwe wonage me nen it aakumi inanebunu ambik lombok wim eeka wakaa'ngget ineebe alik negen aago abok aret kuda paga kwi'na'nuk inom woraagun o.

Amot 2:15

It aap ineegin-inomaale nogo paga ko wappunuk wonogwe, It aap tu inogowa ambik nogo, kole mbo mbaganggwi, It aap kuda paga kwi'na'nuk nega nogo, inagap ndakko'nok mbaganggwi, Eerugun mondok lek aret o.

Mika 5:8

Kit Iterali kinawim kinom nambuko logonet, tebenogo piigwi, Kinom ogoorak nogo lek eerogo piigwi, Eeppunuk, “Nineegin tiyak yigi o,” yinuk, keekok piyanggogo logomunggup o.

Mika 7:10

“Kit kinogoba Aliku Ala nogo ngge o?” yinuk, yo'nirogogwaarak ninawim nogo nen nit ee'ninake ti, Inigen niigo logomenggaarik, inenggali nen inete wandinik logonet, nogo logogun o. It tebenogo piinok, purok tu paga iniyok amok mbanggo mengga kwak, togop eeppiige iyaagun o.

Agayi 2:22

it aakumi inoweewi inendagembogut kwi'ndak logonet, wone lengganogo yorogo menggam abut laganogo pege, it aakumi inambik inanebunu lombok inabu'me piinok, wone lengganogo yorogo menggaarak inomaawi nogo, lek eerogo pege, inanggweendo abut laganogo wuppege logonet, aap wonok nega nogo u'ngguluk wuppege, eeke neegak, it-it inawooluwak paga wat-wat yogo logonet, inaguda inom, it kuda wonok nega nogo inom, inooremenggaarak kambit nogo logogun o.

Takariya 12:4

Ne ti eyom paga an nen it kuda abok aret ambime lingga nagak, ambime lingga nagak, eerit nugu logowak nduk, eerogo piige, aap at paga kwi'ndak wogwe nogo, kumili-kumili eerogo piige, eerigin o,” yinuk, Aliku ALA nen aret yegerak o. “It Yekura paga wiganak mendek an nenegen wogonake logogin kwe, it yi aakumi ndi aakumi inaguda nogo perak, inigen mbuk eerogo piyaagin o.

Takariya 12:8

Ne ti eyom paga Naliku ALA nen it Yerutalem wonogwe nogo, inarum wonage logonet, it aakumi inomaawi lek abu ndeyak wonogwe nogo, at Ndawut omaawi wonagagi kwak eerogo piige, ndi, at Ndawut paga wiganak nogo ti, Ala kwak, Aliku ALA ayonggo malayikat inaa'nduk a'nuk, nogo nogogwa kwak, eerogo piige, eerigin o.

Takariya 14:13

Ne ti paga Aliku ALA nen it aakumi ti, iniki naga'nuk kobak eerogo piige kenok, inalitik-inalitak inoreewi inom ineenggi pippit a'nuk, wat-wat yogo logogun o.

Takariya 14:3

Ti eekwi iinok, Aliku ALA wundi nanuk, wim eekwi iinok eeke menggi kwak, it yi aakumi ndi aakumi ti, inom wim perenggolaagin o.

Takariya 9:13

Neegin miike logonet, yomok ari menggi kwak, it Yekura mendek ti, togop aret eerogo piige, Ndi, neegin yomonogo maale nambuke minggi kwak ti, it Eparayim mendek togop aret eerogo piige, Eerigin o. Kat o Tiyon yi wae. Kat o Yunani yi wae. Kat o Tiyon kaagalogwe wologwe ti, pilak yinuk, kat o Yunani kaagalogwe wologwe kinom wim eeriyak nduk pipuk eerogo piinok, Kat Tiyon ti, it aap wim eeka awooluwak negen eerogo pagagin o,” yinuk, Aliku ALA nen o ti nogoyoge kagagerak.

Matiyut 28:20

yi wone ndi wone yokkirage nagarak nogo ndak-ndak eeko logowak nduk, mamunirogwe, eerit nugu logomunggup o. Ndi, yogondak kuli nen nok, age yobok kuli paga an mbo pinagagin lek mondok-mondok ninom aret logogin o,” yinuk, yoragagerak.

Matiyut 4:3

Mbi abu eereegerak wonage me, at aakumi iniki nggagangge menggerak nogo nen wage nagagerik, Yetut yoge logonet, “Kat Ala aput keenok, yugum yi, mbi aruwak nduk, yoru nda!”

Lukat 24:19

Yoge mbareegi, at Yetut nen, “Nonggop agaarak me yogop o?” Yorage mbareegi, it nen, “Aap Yetut awi Nataret mendek nogo o. At ti, Ala nen yoge kagak yoraga mendek logonet, wone yorage nagaarak inom, eeke nagaarak inom, ti Ala kunduk, nit aakumi abok kunduk, ninenggaanom paga mondok iya tit eerit nage kogo nogoorak o.

Nappiigak 18:24

Ti yorenet nage kagak, aap Yakuri mendek ambi awi alom Alekandiriya endage Apolot nogo nen, Ala wone liiru mbanak irip-unggut abok eenu logonet, oone amburu lombok yorage menggerak me, o Epetut nagagerak.

Nappiigak 7:22

Wulaga nogo tawe age logonet, it Metit mendek iniki warak logonet eeko menggaarak abok aret mamunggolagagerak me, oone ari kenok iya mbakwi, eerit nage kenok, Wi, ugwi, eeko nogogwaarak.

2 Korindut 10:4

It tebembinaniyak nduk eekwi nogo, ninom perenggolaawok nduk, it nggween paga mendek ineegin nogo mendek nit porogo wonogwe lek o. Ata, yigin unde Ala nogo ninenggaawak paga punuk, pak mondok nu'lek wurik kagak toguk togon eerogo pegak inoori ungguurak nogo mendek aret porogo ogoorik o.

Pelaareegerak 20:1

Yorage nagagerik, ambi yorage logonet, “Ne ambi paga kinawim kinom wim eekwi kiinok, at Aliku kinogoba Ala o Metit nen wokkiren wundi wagagerak nogo nen yeenggwa kiraagin me, it inaguda-inanggweendo inom, aap ineegin warak kit ndak-ndak lek it ineebe ambik lombok aago inom, kinigen iigo logomonggotik, ineebe paga kinagabiti mbariyak ti mage o.

2 Timotiyut 4:7

Nit abet mba'nuk mugurok nogwe nogo kolaawok nduk, wakkagak eeko monggoorak nogo ti, an mondok wakkagak eeke nagagirak o. “Kuli ndi paga mbe agan mi'nari nak o,” yorogwe iinok, mbe agan mi'nari nogo mengga kwak, an abu irip paga kuli mi'nari wagi o. Nit wone abet mba'nuk mugurok nogwe nogo ti, an mondok aret porogo wonagagirak.

Yotuwa 10:14

At Aliku ALA nen aap ambi oone ari aruk konembunuk, Iterali inom a'nuk, wim eeruwok nduk, eereegerak ti kokwak, eeka'lek kagak inom, eereegerak kagak inom, togop ambi eeka'lek aret wonage o.

Yotuwa 10:42

At Aliku Iterali inogoba Ala nogo nen inom a'nuk wim eereegwaarak me, at Yotuwa awuri inom ne ambit wundeegwaarak paga aret aap inendagembogut yi abok aret inoorogo piinet nogo nogogwaarik, inanggween tebenggologogwaarak.

Wayu 19:17

Kage nagarik, at malayikat ambi oonegen paga mi'ndak logonet, yi towe ndi towe o oolo yime wuga agan nugu menggaarak nogo yorage logonet, “It aap inendagembogut inom, aap wim eeka inoweewi inom, aap waka'ngget inom, kuda inom, it kuda amborowak paga kwi'na'nuk wim namburi nogo menggaarak inom, aap inendage warak inendage lek inom, aakumi inayeloman mini inom, aakumi weelek mendek inom, yi aakumi ndi aakumi abok aret Ala nen inoorogo punuk, kinake pipuk eerogo pegerak me, Inenggaanggum namunggup nduk, kuwak eeri wogo logonip o,” yinuk, yorage kagarak o.

1 Tamuwen 16:18

Yorage mbareegi, at ayeloman ambi nen yoge logonet, “Aap Itayi o Mbe'lekem mendek apuluk ambi nggitat abu obeelom eeke menggerak eenu kagarak o. Aap ti, wim nambuka wakaa'ngget kalu-kalu menggerak aret me, eebe abu kigirikwe, wone liippunuk mbangge menggerak o. Ndi, at Aliku ALA imbirak wonage o,” yoreegerak.