Takariya 10:2 - Ala Wone Peenok Peebi Mbanak

² Inagugi nen yorogwe nogo ti, abe yorogwe lek pilit pugunogo yorogwe, Aap tili pagangga nen inoone yogwe nogo, maluk aret age, It aap inabinggaanggo paga inigen kagaatak yorogwe nogo, mbeyok ari, Eeke menggerak me, Ti mendek wone yogwe ti, iniki eyak wappiyoorak lek kagak we aanom warogo aret yorogo menggaarak o. Aap ndomba ndegeninaka eebe lek kenok, ndomba ineebenowak ko eerogo piige menggi kwak, It aakumi ti, togop aret mak aago nugu menggaarak o.

Takariya 10:2 ပူးပေါင်းရင်းမြစ်များ

1 Endagembogut 22:17

Yoge mbareegi, at Mika nogo nen wone onggo yoge logonet, “Ndomba inanggembala lek pogom it aakumi Iterali mendek abok aret puut-puut paga mak aago wonogwe iige mbaki, Aliku ALA nen ari logonet, It aakumi ti, inogoba lek me, iniki ugun inalitak lombok iname nayok ari, kagarak o,” yinuk, yoreegerak.

Ayup 13:4

An wone abet aret ari neegak kwe, An ari nogo yaga-kaga eerogo pilit wone agan nogo monggotak me, Kit abok aret obeelom eerogo piiga mendek lek aanom warogo piiga mendek aret ogotik o.

Ayup 21:34

Togop aret me, Kit wone ugun agan nugu logonet yo'nugwi nogo Ti paga nonggoti niniki eyak wappaniyak? Kit wone onggo yo'nugwi nogo ti, We pilit-pilit aret yo'nogo ogotik o,” yinuk, yoragagerak.

Yetaya 41:29

Kit ambi eeppiyoorak lek we aret wonogwe, Eerit nogo monggotak ti, abe ageelik aanom warogo aret age, Ndi, o wiya wage kwe, mayu wonok wage lek we aret warit wage menggi kwak, kineebe togop aret eerak wonogwe, Eeko ogotik kiigi o,” yinuk, yegerak o.

Yetaya 44:25

Peebi ndogop arigin o, yinuk, Ala nen yo'nirage kagak yokkirogo o, yinuk, Yorogo logonet, ineenu agak mendek eeppiigwi nogo abut laganogo piige, Inobagari negen yorogo menggaarak nogo inagi'ndok kambuwak nduk eerogo piige, It aap iniki warak nen yorogwe nogo abut laganogo, Aap wi nen yogwe, mbaruwak nduk eeppiige,

Yetaya 44:9

It aap kugi ogut ogobakkigika ti, abe lek o. Ndi, it ogobakkigippunuk, iniki kunik eekwi ti, aanom warogo aret eekwi, It aap ogobakkigika ti, inigen mbuk kwak logonet eekwi, Kobak logonet eekwi, Eekwi me, Inenggali arugun o.

Yetaya 46:5

An ti, ta wakkagak yogwe, An ta ndak-ndak me eerogo panugwi, An nimbirak ndak-ndak ta wonage me, wakkogwe, Eeriyak mbakop? Lek aret o.

Yeremiya 10:8

Kugi ogut eyo paga ogobakkigirik aanom warogo alut eekwi ti nen wone mamunirogo menggaarak me, It aakumi ti, iniki apit wi negen aret wonogo agaarik o.

Yeremiya 14:13

Yo'nege mbaki, an nen, “Kaliku Kitok Menggendak ALA wae. Ti kwe, it aap kat yorage keegak yoraga nen aakumi apit aret yorogo logonet, Wooluwak paga kinookwi, mbi noogelo kinoba kwi'nage, eerigin lek o. Ata, o yime kiniki ugun mondok-mondok tayenak aret logomunggup o, yinuk, yorogwe ti nonggop o?”

Yeremiya 14:22

It yi aakumi ndi aakumi aanom warogo ayuk wuko menggaarak inagugi nogo nen o mayu wuppi wage, Ndi, mbogut alik nen o mayu lubu-lubu wurabit wage, Eeko menggaarak mbakop? Lek aret o! Kat ninogoba Kaliku Ala kalik nen mban aret eeke menggendak o. Ti abok aret eerit nage nogo ti, kat nen aret eeke menggendak me, nit niniki kat paga lunik aret ogoorik o.

Yeremiya 23:17

It aakumi an noone koneniyak ineebi mbaka nogo yorogo logonet, Aliku ALA nen, Kineebe op aret logomunggup, yegerak o, yinuk, yorogwe, Ndi, it aap inogogumbuk nen koonggwi mugurok nogwe nogo yorogo logonet, Aaninggin mendek kit kinoba ari woraagin lek o, yinuk, yorogwe, Eeko menggaarak me, It yorogwe ti, inoone inaruk konenugwaarik o.

Yeremiya 23:32

Aliku ALA nen ari logonet, “It aap, Nabi ndogop kagarak o, yinuk, pilit agan nugwi ti kunduk, neebi mbake minggirak. Wone yoraawak nduk, an nen lengganogo yorage, an nen nappiige, eerulik kwe, wone yuurak lek mendek kagak inoone ugun-ugun pilit agan nogo logonet, Nabi ndogop kagarak o, yinuk, yoranet nugwi paga it an napuri nomoniren nogo menggaarak me, it aap ti, aakumi yi, obeelom ambi eeppiyoorak lek kagak we aanom warogo agan nugu menggaarak,” yegerak o.

Yeremiya 27:10

It aap ti, pilit pugunogo yorogwe nogo konenggwi paga an nen it inanggween paga time nen wumbiinok, inenggaawak lek eerogo piyaagin o.

Yeremiya 27:14

Ndogop arigin, yaga nen, Aap Mbaben inowe endagembogut ayeloman a'nuk ake eeko logomunggup lek o, yinuk, yokkirogwe nogo ti, pilit aret yokkirogwe me, inoone koneniyak mage o.

Yeremiya 27:9

Togop me, Ndogop age koorak, yaga nen yorogwe, tili pagangga nen yorogwe, Nabi kagarak o, yinuk, yorogwe, inobagari yaga nen yorogwe, inogoma inom wone mbangga nen yorage, eeko logonet, Aap Mbaben mendek endagembogut ayeloman a'nuk ake eeko logomunggup lek o, yinuk, yorogwe nogo inoone konenugwaarik o.

Yeremiya 28:15

Yoge mbareegi, Ala yoge kagak yoraga Yeremiya nen at Ala yoge kagak yoraga Kananiya ka nage nagagerik, yoge logonet, “Kananiya wae. Karuk o! Aliku ALA nen nappagi woroolik kagak, aakumi yi abok aret abet mbaruwak nduk, pilit wone kagak inikime manakendak me,

Yeremiya 29:8

At Omaawi Lombok Menggerak Iterali inogoba Aliku Ala nen abet aret yegerak nogo yi o. “It aap, Ndogop arigin, yaga inom, tili pagangga inom, inenggela'me logonet, pilit agan nugwi nogo inaruk konenggwi, inabi kagaatak mbininogo yorogwe nogo liippugwi, eerugwaarik o.

Yeremiya 37:19

Aap endagembogut Mbaben mendek nen kat koori wogwe, o tebenggologwe, eeri woraagun lek o, yinuk, it kat kawuri, Ndogop age kaamunggun o, yinuk, yokkogo menggaarak nogo ineebe ngge o?

Yeremiya 50:17

“Singa nen ndomba mappiigaatak inalitak mak aago nugu mengga kwak, Iterali togop aret mappiigo logonet, Aa'nduk it Atiyut mendek inowe endagembogut nen ambeme yonggorinake, Ti'nuk, yogondak yi, it Mbaben mendek inowe endagembogut Nebukanetat nen inowak nenenogo nengge, Eereegwaarak,” yegerak o.

Yeremiya 51:23

At paga aap ndomba ndegeninaka andomba inom inoorogo piige, At paga lembu nggween kabungga aap yabu eeka inom inoorogo piige, At paga it aap o unde waka inom, inom eeka inengga warak inom, inoorogo piige, Eeke minggirak o.

Yeremiya 6:14

Eeko logonet, inawin kunik kwak an napuri inoba aaninggin wonage kwe, Ti iya lek o, yinuk, yorogwe, Iniki ugun tayenak lek iigak, Kiniki ugun tayenak logonip o. Kiniki ugun tayenak logonip o, yinuk, yorogwe, Eeko menggaarak.

Yeremiya 8:11

Eeko logonet, inawin kunik kwak an napuri inoba aaninggin wonage kwe, Ti iya lek o, yinuk, yorogwe, Iniki ugun tayenak lek iigak, Kiniki ugun tayenak logonip o, kiniki ugun tayenak logonip o, yinuk, yorogwe, Eeko menggaarak.

Leendawi 2:14

“Ndogop arigin o,” yinuk, yokkega nen yokkogo nogogwaarak nogo ti, pilit aret yokkugwi, Ambi eeppagarak lek kagak yokkugwi, Keele maakkeren pagi nookwak, “Maluk ndogop eeke agandik o,” yinuk, kin paga yokkega'lek kat eeke nogo kagaarogo pugwi, “Ala nen yegerak me, yokkogo o,” yinuk, yokkogo nogogwaarak nogo ti, pilit-pilit yokkugwi, Tu abe kagak alik paga nomonggeren nogwe, Eeko nogogwaarak o.

Yetikiyen 21:21

Aap endagembogut Mbaben mendek nage logonet, tu andogon me time tu ngge paga noorak nogo eenu aruwak nduk, omaale ena nggeeme age nogo maloppege, agugi yoge, wam warogo amiya pekkage, eerigin me nduk, yagi o.

Yetikiyen 21:29

Kit eeppinagarak nabi ndogop kagarak o, yinuk, yorogwe nogo ti, piliret yorogwe, Ndi, tili paganogo yorogwe nogo alik kagak yorogwe me, pilit aret yorogwe, Eekwi me, It aap maluk eeka inooriyak eyom panggoni wage, Irip paga maluk onggo eeppiyoorak eyom ari wage, Eeke kenok, Wooluwak ti, it aap maluk eeka nogo inenggaanok paga titik eerak wonage agaarik o.

Yetikiyen 34:5

Ineebe liirogon ndegeninaka nogo eebe lek me, mak aago nugu agaarik o. Mak aago nugwi me, it ineebe ti, ndiimbu-nggwiya inambi-mbiingga negen agaarak wonogo agaarik o.

Yetikiyen 34:8

An neenik Nitok Minggirak Naliku ALA nen it yoroorak yokkege yi aret o. An nandomba ti, it ndegeninaka lek me, nandomba inoorit unggwogwe, ndiimbu-nggwiya inambi-mbiingga negen nunggwi, eeko agaarik o. It aap ndegeninaka mippiyareegirak nogo nen nandomba liippiiga'lek logonet, it inoba mban ndegenggologwe me,

Oteya 3:4

Ti yoreegirak nogo ti, it Iterali inoweewi inendagembogut inom, inoweewi nagawan-nagawan inom, nen wone lengganogo yoraga'lek aret wonogwe, Ala ake warogo wogoga'lek aret wonogwe, kugiwak ayuk wuppunuk aanggo waka'lek wonogwe, kugi ake nggomoorak inenggaanok me yika'lek wonogwe, kugi ogut aago mippunuk, alut eeka'lek wonogwe, eekwi iigak, nogo ambik yi'nogo logomenggaarik,

Mika 2:12

“It Yakup mendek ti, an nen abet aret kuwak eerogo piige, Iterali mendek yumbunik nogo, abet aret ambit me piya wage, Eeke logominggirik, Ndomba kuwak eerogo anggenogona piigo mengga kwak piya wage, Ndomba kuwak aago inagari'ngga nenet nogo menggam wogoren nugu mengga kwak, wogoren nege, Eeriminggirak me, O time aakumi mban yebet aago logogun o.

Abakuk 2:18

It aap eyo paga kugi ogut ogobakkigiko menggaarak ti, nano eekkolaawok nduk, eeko menggaarak? Mbuti paga kugi ogut longgo warak ti nen wone abe yorage lek pilit yorage menggerak kagak eekwi ti, Nano eeppiyoorak nduk, eeko menggaarak? At aap ogobakkigika nogo nen ogut ogobakkigirogo pege nogo ti, Oone lek kagak ogobakkigirogo punuk, iniki oba panggombege me, At nen nano eekkolaakit nduk, ogobakkigike menggerak?

Takariya 11:17

Aap andomba liirogon ndegeninake lek mbo piinok, mbagangge ti, we aanom warogo wonage me, abuwa o! Wooluwak paga at eenggi polonogo waremenggaarak me, eenggi nggunak ari, Enegen abeme waremenggaarak me, enegen mondok mbuk age, Eeruwak o,” Yinuk, an yo'nereegerak.

Matiyut 9:36

Eerit nege logonet, ndomba ndegeninaka eebe lek me, mbaganit nogo logonet, ineeruwak yini'nggin-piini'nggin aago tat warit nogo mengga kwak, it aakumi ambik at mugurok nugwi nogo togop aret aago enegen iige nagagerik, inabuwa lombok mbareegerak.

Marakut 6:34

Yetut at oone waganggwi inom yiiro paga nen yi aa'nggi paga wundi nogo nogogwaarik, ndomba ndegeninaka lek kenok, ndomba mban kuwak aago mengga kwak, it aakumi ambik togop kuwak aago wonogwe iige nagagerik, “Inabuwa,” mba'nuk, yi wone ndi wone mamunirage nagagerak.

Pelaareegerak 13:2

yemenggerak nogo abet aret eeke logomenggerik, yokkirage logonet, Wologo wae! Kugiwak alik kineenggo'lek nogo mendek eeri nawok o, yinuk, yokkirage kenok,

Owak Loongga 18:14

Ari nogo nogogwaarik, aap 5 o Layit inigen yombooni nogogwaarak nogo nen inoreewi lombok yorogo logonet, “O ambi yime ti, mbuti perak paga Ala obaane'me ogut ogobakkigirik inom, ambi longgo warogo ogobakkigirik inom, oome alut eeko menggaarak ogut eerak inom, yum agale warak epod inom, wonage nogo kineenu ilik, lek a? Togop aret me, kit nonggop eeriyak nogo kooninip o.”