Takariya 1:5 - Ala Wone Peenok Peebi Mbanak

⁵ It kombomini nogo, yogondak nggeeme wonogo agaarik? Ndi, it an nen yorage neegak yorogo nogogwaarak nogo, kangga'lek ineenik mondok-mondok wonogo agaarik ya?

Takariya 1:5 ပူးပေါင်းရင်းမြစ်များ

2 Endagembogut 13:14

At Yokawat nogo kangga'lek awo eenik wonage logonet eeke nagagerak ando nogo yi aret. At Elita nogo andi eeke nagagerik, kambikit nduk, yagan wake me, aap Iterali inowe endagembogut Yokawat nogo wage nagagerik, enegen kenok, ale ari logonet, “Nogoba o! Nogoba o! Iterali inanggweendo inom, inaguda paga nega inom, ti aret kagi o!”

2 Endagembogut 13:20

Yoge nagagerik, logonuk lek aret, at Elita nogo kangge mbareegi, kanggwi piya unggwogo menggam eebe pi unggwogogwaarak. It aap aakumi a'nggan wogonaka Mowap mendek nen tahun ambi eekak paga o time unggwi wogo nogogwaarak.

Ndawi 90:10

Nit ndarak nineenik niigak tahun eeriyak ti, Tahun 70 aret kwe, Ninomaawi ee'ninake kenok perak, Ndarak niigak tahun 80 aret age menggerak o. Ti ee'ninake paga ninale'nggen mbarumonggoorak kwe, Aaninggin-paaninggin ninoba kwi'nage, Anggon-panggon ee'ninabit unggwage, Eeke kagak, Nda'nogogurak mbet-mbet lek ari nanuk, Nineenggi-niniyok lek aret, lek ogo monggoorak.

Wone Alom Kibingga 1:4

Aa'nduk ndarak nogwe, peebi nda'narit wundi wogwe, eekwi iigak kwe, Nggween yi perak, lek aga'lek itok aret wonage menggerak.

Wone Alom Kibingga 12:5

Tu tiyarogon nugu logorak inagabiti mbariyak eyom aga'lek kagak, Tu nggwok paga noorak inagabiti mbariyak eyom aga'lek kagak, Eyo mbogombi ambit-mbit wariyak eyom aga'lek kagak, Wurin nabuk-kabuk noorak eyom aga'lek kagak, Iniki aganggen aganake lek ariyak eyom aga'lek kagak, Kame mondok-mondok logowam noorak eyom aga'lek kagak, Kerabun ndooniyak eyom awo ari naga'lek kagak, At ogobakkigirogo pagareegerak nogo abeke logot o.

Wone Alom Kibingga 12:7

Ndi, kat keebe liirubu paga eerak me, kiyokan nggween ari nage, Kiniki at nen wokkereegerak iyokan Ala wonageme ari nage, Eeka'lek kagak, At ogobakkigirogo pagareegerak Ala nogo abeke logot o

Yeremiya 36:28

“Kat nen mbuku pirik-perek aago alik ambi wagangge logomenggendik, wone aa'nduk yugu it Yekura inowe endagembogut Yoyakim nen kani kuneegerak paga mbanak wonagagerak nogo abok aret liiru mbanu o.

Leendawi 5:7

Nit ninogobamini nen maluk eeko nogogwaarak nogo ineebe lek ogogwaarak iigak, It inomaluk onggo inoba piyoorak nogo nit aret ninoba agagerak o.

Yaya 8:52

Yorage mbareegi, it Yakuri mendek nen at Yetut yogo logonet, “Wone yagandak ti paga kugi kinikime liinik abet aret keego o. At Abarakam inom, Ala nen yorage kagak yoraga inom, kambeegwaarak kagak, kat nen, Aap ambit ambi an noone liippunuk, mugurok nage kenok, kambigin mondok lek o, yagandak ti,

Nappiigak 13:36

Ala nen at Ndawut eeke logowak nduk punereegerak nogo, at wone lengganogo yorage nagagerak eyom paga ndak-ndak aret eeppege nagagerik, kambeegerak. Kangge mbareegi, ombomini kambeegwaarak inom tabonogo pi nogogwaarak pili agagerak kwe,

Iberani 9:27

Nit ne mbere paga kambugun lek o. Ne ambit mban kambuurak koonak me, ne ambit kanggwi niinok, Ala nen ninowak loonigin nogo ndak-ndak

1 Tamuwen 25:1

At Tamuwen nogo kangge mbareegi, it aakumi Iterali mendek abok aret kuwak eeppunuk, aleenggu maako nogogwaarik, eebe wonok at ame Arama time nggween taambi nogogwaarak. Ndi, at Ndawut nogo o Mawon karume time nagagerak.