Takariya 1:16 - Ala Wone Peenok Peebi Mbanak

¹⁶ Togop aret me, Aliku ALA nen yegerak nogo yi aret. An nen o Yerutalem ne ambinom nena koonogo pegiige logonet, inabuwa mbake, an nawi obaane'me time wuruwak nduk, eeppiige, ndi, keele wakkagak paga o Yerutalem ngginogo nappege, eerigin o, yinuk, at Omaawi Lombok Menggerak Aliku ALA nen aret yegerak yoret o.

Takariya 1:16 ပူးပေါင်းရင်းမြစ်များ

Ayup 38:5

O ambe ndi kuli o. Irip ndogop kuli o, yinuk, ta nen wakkagak koonogo pereegerak mbaken? Kat keenu kenok, yu o! Ta nen o yi, keele wakkagak eerogo pege,

Yetaya 12:1

Ne ti eyom paga kit nen yogo logonet, “Kaliku ALA wae. Aa'nduk kanini abet aret ninoba pinanege nagagindak kwe, yogondak nen kanini lek age, Niniki eyak wappinanege, Eeke me, Wa, lombok yokkogo ogoorik o.

Yetaya 34:11

Towe tiyu karume mendek inom, towe ndindim engga inom, inawi time miippatinuk wonogwe, Towe mumayo inom, ya'ngge-ya'ngge inom, inawi mbanggola unggwogwe, Eerugun o. At Aliku ALA nen aru-ogwe wakkagak paga wakkaanuk naalop-kaalop eerogo pege, Agi-ogu keele paga wakkaanuk, o wogo logowak nduk, mbo pege, Eerigin o.

Yeremiya 30:18

At Aliku ALA nen yegerak nogo yi aret. “It Yakup paga wiganak inawi alom paga aa'nduk abe wonogogwa kwak eerogo piige, Inabuwa nen it wonogo menggam inanggween nogo obeelom eerogo pege, Kota ti, yigirik-noonom agagim obaane'me wuruwak nduk, koongge, Ndi, aap inowe endagembogut awi o nggwok abe wurik wonagagim nogome wurik kaawak nduk, eeppiige, Eerigin o.

Yetikiyen 40:3

Time paneegerak logonet, aap ambi eebe mbuti tembaga aago negen logonet keele yawenak inom, waanggun wakkagak inom, eenggime porogo tu unggwi nogo menggam mi'ndak wonage kagagirak.

Yetikiyen 47:3

Kage neegak, aap ti, keele wakkagak eenggime wonok oonegen lagi wage menggim pa'nggwe nage nagagerik, niyo nogo, metet lima ratus paga wakkage nagagerik, wo'neren niyo nogo inikime pani unggwage mbareegi, niyo alobok ti, nandelen kuli age kagagirak.

Yetikiyen 48:35

O kota yendok-wandok irip nggorek wakkogo logonet metet sembilan ribu paga wakkaagun o. Ne ti paga nen o kota ti endage, ALIKU ALA YIME AGAARIK, yogo logogun o,” yinuk, yegerak me, ti aret yagi o.

Agayi 1:14

Yorage mbareegi, aap Teyaletiyen aput o Yekura unde menggerak Terubaben nogo inom, aap Yotarak aput Ala unde inowe Yotuwa nogo inom, it aakumi iniyokan wogogwaarak abok aret inom, Aliku ALA nen eeriyak inikime mambiige mbareegi, kuwak eeri wogo nogogwaarik, at Omaawi Lombok Menggerak inogoba Aliku Ala awi wuriyak nduk, pigaganeegwaarak.

Takariya 10:6

It Yekura paga wiganak mendek nogo inomaawi eeppiige, It aap Yutup paga wiganak mendek inagap ndarogo piige, Eerogo piige logominggirik, Inabuwa nen wogoren iniyokan iname piya woraagin o. Piya wage logominggirik, Naliku inogoba Ala an aret a'nuk, wonage logogin o. Ndi, an mbo piyareegirak kwe, mbo piyoolik negen eerogo piyaagin me, It nggino yo'nugwi iinok, inoone konengge logogin o.

Takariya 2:4

at yoge logonet, “O kota Yerutalem ti, aakumi ineebe inom, inaanggumi inom, ambik lombok wigannarit nogo logogun me, o kota yagat wurik lek we tene wonage logogin o.

Takariya 2:5

We tene aret wonage me, yagat yendok-wandok wurik kani wunuk ari menggi kwak ti, an neebe aret wonage, ndi, akem time eya eerak kenok, aakumi nen, Wi! ugwi ti, an neebe aret wonage, eeke logogin, Aliku ALA nen yegerak o, yinuk, wulaga tawe ti, mbe agan yori nak o,” yinuk, at yoge kagarak.

Takariya 2:6

Aliku ALA nen ari logonet, “O wiya agi-ogu nen, aru-ogwe nen, nage menggim nogome mappinagareegirak me, kit o omarip paga pa'nggwe wonogwe nogo woraanip o! Woraanip o!

Takariya 4:9

“At Terubaben nen an nawi yi, ogowa kwippit nagagerak me, at nen aret eebe obaga aret wurogo pigin o. Ti wurogo pege kenok, it an napuri nen, At Omaawi Lombok Menggerak Aliku ALA nen abet aret Takariya wone yo'niraawak nduk, nappi wagaarak kogo o, yinuk, yugun o.

Takariya 8:3

At Aliku ALA nen an yo'nege logonet, “An niyokan o Tiyon wage logominggirik, o kota Yerutalem enggela'me time aret logogin o. Time wonage neegak, o Yerutalem endage ti, Kota Liirogon Eeka o, yogwe, ndi, Nomaawi Lombok Minggirak Naliku ALA nabuut nogo endage, Puut Alik Leenak o, yogwe, eeko logogun o,” yinuk, yo'nege,