Takariya 1:12 - Ala Wone Peenok Peebi Mbanak

¹² Yogo mbaka, Aliku ALA nappi wagaarak malayikat nogo nen ari logonet, “Komaawi Lombok Menggendak Kaliku ALA wae. O Yerutalem menggaarak inom, o Yekura kota-kota wonogwe inom, kanini inoba piige keegak, tahun 70 eereegerak ti, inabuwa mbaka'lek wonage keegak, ne mande ari nagin o,” yinuk, yoge kagarak.

Takariya 1:12 ပူးပေါင်းရင်းမြစ်များ

2 Mbinineegwaarak 36:21

At Aliku ALA nen Yeremiya yoge logonet, “Inanggween paga yitarip eerogo pemenggaarak wonage kagak tahun 70 eerigin o,” yinuk, yoreegerak nogo a'me nggelok yi nage kagak, inanggween ti, yaka'lek mbo pugu negen wonagagerak me, lubungge logowak nduk, tahun 6 eeppunuk, ambi eeke paga yi mendek ndi mendek yaka'lek teppuurak yugu nogo ndak-ndak aret agagerak.

Ndawi 102:13

O kota Tiyon obeelom eeppuurak eyom panggoni wage, At eeppuurak koonak nogo abu panggo yi wage, Eekerak me, Kat pilak ari logomenggendik, O Tiyon abuwa mbake logomunggun o.

Ndawi 69:5

Togop aret me, Ala wae. An wi negen maluk eerit nege nogo kat keenu age, Maluk eeke minggirak niniki wakkolage nogo, Kumaarak wonage lek kenegen kage, Eeke agandik o.

Ndawi 74:10

Togop aret me, Ala wae. Kat kawim nen meek eerogo pagit unggwogwe, Kinom ogoorak nen kendage miyuk-meya eerogo pagagwi, Eekwi iigak Ne mande ari nagin o?

Ndawi 79:5

Nit togop aago niigak, ne mande ari nagin o? Kanini mondok-mondok ninoba kwippinanegak eeke logomunggun ilik, lek a? Nit mbo paganuk alik mugurok nogwe niinok, Keebi lombok ninomba'nuk kanini kani omoonuk negen Ninoba kwippinanegak eeke keegak ne mande ari nagin o?

Wone Alom Kibingga 3:3

Inooriyak eyom wonage, obeelom eeppiyoorak eyom wonage, Minogo puurak eyom wonage, wuriyak eyom wonage,

Yetaya 47:6

It an napuri nanini inoba piige, Yate kwak niniki kundugu kwe, maluk eerogo piige, Eeke logonet, waganogo keenggime piige mbareegi, kat nen inabuwa mbaka'lek aaninggin inoba piige, Aap inanggok kunduk, eyo mbanak tapi enggaanok me kwippogo mengga kwak, aaninggin mondok iya inoba kwippiige, Eereegindak o.

Yetaya 63:9

Aaninggin-paaninggin it inoba agagerak nogo at kunduk ndak-ndak kage, It ambi nen lek at alik nen aret inagap ndake, Iniki kunik aganake logonet, inabuwa nen wondet eerogo piige, Kwe aagaluk woppunuk ogome wonok nage menggi kwak at nen maan aa'nduk ndegeniret wagagi kwak ndegeniret nage, Eereegerak kwe,

Yeremiya 12:4

It aakumi o yime wonogo menggaarak nogo nen inobaabut maluk aret wonogwe, Ndiimbu-nggwiya inom, yi towe ndi towe inom, abok lek aret ogwe, Ndi, it aakumi nen kunduk, “Nit eerit nugwi nogo at enegen niiga'lek,” mba'nuk eerit nugwi, Eekwi paga O nggween yi mbuk age logonet, ka'let-ndi'nduk eeke, Yi yabu ndi yabu yarak me iri'ngga-kale'ngga teebat neyo-neyo nage, Eeke kagak ne mande ari nagin o.

Yeremiya 15:17

It aakumi kuwak a'nuk inagi'ndok kambuurak agan nogo logonet, ugun-ugun eekwi, Wone i'ndok kambuurak mban yogwe, Eekwi me time An ninom kwi'nageelik o. Ata, koone eeke logokit nduk, keenggi pi'nake, It eekwi ti mendek neebi lombok mbarikit nduk, eeppanege, Eekendak paga Nalik mbeyok togon aret kwi'narit nege minggirak kwe,

Yeremiya 29:10

At Aliku ALA nen yegerak nogo yi aret. “It an napuri aakumi Mbaben mendek inayeloman a'nuk wonogwe iigak, tahun 70 abu ari nage kenok, an liippiige logominggirik, iniyokan o yime piya woroorak koonogo pereegirak nogo ndak-ndak aret eerigin,” yegerak o.

Yeremiya 30:18

At Aliku ALA nen yegerak nogo yi aret. “It Yakup paga wiganak inawi alom paga aa'nduk abe wonogogwa kwak eerogo piige, Inabuwa nen it wonogo menggam inanggween nogo obeelom eerogo pege, Kota ti, yigirik-noonom agagim obaane'me wuruwak nduk, koongge, Ndi, aap inowe endagembogut awi o nggwok abe wurik wonagagim nogome wurik kaawak nduk, eeppiige, Eerigin o.

Ndaniyen 12:6

Iige me, at ambi mi'ndak wonage nogo nen at alik ambi ayum yawenak yirik niyo eneerime pa'nggwe wonage nogo, yoge logonet, “Iya tit ariyak yi nogo, a'me ari waga'lek kagak, ne mande ari nagin o?”

Ndaniyen 9:2

Endagembogut a'nuk tahun aa'nduk eeke ti paga wone lengganogo yorage kagak, an Ndaniyen nen Ala wone yugu mbanak lunit unggwage logonet, “O kota Yerutalem langgu-langgu aago aret kagak, tahun 70 aret eerigin o,” yinuk, Aliku ALA nen at yoge kagak yoraga Yeremiya nogo, yoreegerak liiru mbanak wonage kagagirak.

Abakuk 1:2

Kaliku ALA wae. An noone nggwok paga, “Yeenggwa niru o,” yinuk, yokkege kwe, Karuk konengga'lek keegak, ne mande arigin o? “Inanini nen maluk eeppinanugwi yi, iyet o,” yinuk, noone nggwok paga yokkege kwe, Ninagap ndaka'lek wonage keegak, ne mande ari nagin o?

Takariya 1:8

Ne ambi oonikiya nabinggaanggo paga kage logonet, aap ambi kuda maangga kunik amborowak paga kwi'ndak eyo nggonggoondu kunik me alu'me time mi'ndak wonage kagak, ambokan yi kuda ndi kuda ando maangga kunik, ando maangga amu kunik, ando yanggwi kunik, eerak wonogwe iigirak o.

Takariya 7:5

“Aakumi o time menggaarak abok aret inom, it aap an neebe unde inom, yorage logonet, Tahun 70 eeke kagak, tut 4 penembunuk, ambi penenak paga inom, ti'nuk, tut 6 penembunuk ambi penenak paga inom, mbi nengga'lek inambe mage negen logonet, iniki wakkologo nogogwaarak nogo ti, At abet aret nit liippinanuwak, mba'nuk, mbi nengga'lek inambe mage negen logonet, iniki wakkologo nogogwaarak ilik, lek a?

Iberani 7:25

Togop me, nit aakumi niniki at oba panggombunuk, Ala owagam nogwe niinok, at ninake Ala yoriyak nduk mondok eenik mi'ndak menggerak me, ninagap ndarogo mondok obeelom agago pinaniyak op aret o.

Wayu 6:10

It nogo nen inoone nggwok yogo logonet, “Ninogoba Kaliku Ala wae. Kat kalik mondok nggwok alik leenak menggendak me, it aakumi o nggween paga wonogwe nen ninooreegwaarak ninamiya wambit nagagerak nogo, inowak loonogo ninane'me inooka'lek keegak, ne mande arigin o,” yinuk, yogo mbaka,