Pilipi 4:9 - Ala Wone Peenok Peebi Mbanak

⁹ An wone mamunggirage neegak, waganggo nogogutak inom, ari neegak kinaruk konenggo nogogutak inom, eeke neegak kinigen neego nogogutak inom, nogo abok aret eerit nogo logonip o. Ndi, niniki ugun tayenak ale'nggen logowok nduk, eeppinanege menggerak Ala nogo nen kinarum aret logogin o.

Pilipi 4:9 ပူးပေါင်းရင်းမြစ်များ

Yetaya 41:10

An kit ninom wonage me, kinagabiti mbakwi, An kinogoba Ala aret me, kiniki piirik ogwe, Eerugup o. An nen kinomaawi eerogo pinagage, yeenggwa kirage, Aap ambi nen tebenogo pinagukwak, neenggi omaawi abe'nggan paga pikkinake, Eerigin o.

Yetaya 8:10

Nit ti, Ala ninom aret wonage menggerak me, Kit nen, “Nit yogop eeppiyaawok,” koonumonggotak kwe, lek aret age, “Yogop eeruwok o,” yinuk, wone mbanumonggotak kwe, ee'naga'lek aret wonage, Eeke kaamunggup o.

Matiyut 28:20

yi wone ndi wone yokkirage nagarak nogo ndak-ndak eeko logowak nduk, mamunirogwe, eerit nugu logomunggup o. Ndi, yogondak kuli nen nok, age yobok kuli paga an mbo pinagagin lek mondok-mondok ninom aret logogin o,” yinuk, yoragagerak.

Matiyut 7:21

Yorage nagagerik, wone ambinom yorage logonet, “It aakumi inoone paga nen mban, Ai, ninogoba. Ai, ninogoba. Yo'nogo menggaarak nogo abok tigitogon at mbogut paga mendek abu'me piyaagin mondok lek o. An nogoba mbogut paga mendek iniki mbake nogo ndak-ndak eeko menggaarak kenok mban at abu'me piyaagin o.

Lukat 6:46

Yorage nagagerik, ambinom yorage logonet, “Kit an yokkirage minggirak nogo eeka'lek logonet, nonggop nduk, Ai, nogoba! Ai, nogoba! mban yo'nogo ogotik?

Lukat 8:21

Yogo mbareegwa, at Yetut nen, “Nagalo-nawurilogwe ti, Ala wone konembunuk, eeko menggaarak it yi aret o,” yinuk, yoragagerak.

Yaya 13:17

An wone yokkirage yi nogo kineenu ogo logomonggotik, eeko logomunggup kenok, kiniki ale'nggen ambik kogo logomunggup o.

Yaya 15:14

Kit an noone, Yogop ee'nu, ndogop ee'nu, yokkirage nogo aret eekwi kiinok ti, kit an noreewi aret kinombarigin o.

Yaya 2:5

Yoge mbareegi, at agalo nen aap laago unde ayeloman mini nogo yorage logonet, “At yokkirage kenok ti aret ee'nu o,” yinuk, yoragagerak.

Nappiigak 9:6

An aret me, kat mi'nage logomenggendik, o kota time unggwi namenggendak wonage keegak kat eeriyak wone yokkugwi iyaamunggun o,” yinuk, yoreegerak.

Oroma 15:33

At niniki ugun tayenak obeelom logowok nduk, eeppinanege menggerak Ala nogo nen kit abok aret kinarum logogin o. Amin.

Oroma 16:20

Nit niniki ugun tayenak obeelom logowok nduk, eeppinanege menggerak Ala nogo nen Ibilit kinabu'me tebenak logowak nduk, mbet-mbet aan lebenogo pigin o. Ninowe Yetut iniki kunik nen obeelom eeppinanege menggerak me, kinarum aret logogin o.

1 Korindut 10:31

Kinambi nunggwi, kinagi nunggwi, yi eekak ndi eekak abok aret eeko logonet, Ala endage tiyappuurak nduk mban eeko logonip o.

1 Korindut 4:16

Togop me, an eeke minggirak kit ndak-ndak eeko logobagip nduk, yokkiragi o.

2 Korindut 13:11

Ndi, noreewi o. Wone ti abu aret yokkiragi o. Kiniki kole arubagip nduk, eeko logonet, an wone yokkirage yi, inom liippogo logonip o. Kiniki ambit eeppunuk ale'nggen paga lambunik logonip o. At ninabuwa mbake, ndi, niniki ugun tayenak logowok nduk eeppinanege, eeke menggerak Ala nogo nen kinarum aret logogin o.

Pelaareegerak 5:1

Muta nen aakumi Iterali mendek abok aret wiiragagerak kuwak ari wogo mbareegwa, yorage logonet, “Kit nowe-nawot Iterali mendek yi wae. Wone lengganak inom, eeko logorak wone inom, o yogondak kinaruk paga pinagage yi, kit nen liirogon mamunggologwe, kinikime liirogon woppunuk eerit nogwe, eeko logomunggup nduk, yokkirage me, kit kinaruk liirogon aret konenggo logonip o.

Pilipi 3:17

Noreewi o. It aap ando apit nogo nen, “Keritut eyo karo-karo paga kambeegerak wone woorak nineebi,” mba'nuk, iniki alik koonit nogo menggaarak me, “Ala inom wim mbanak wonogwe o,” yinuk, ko'lu-kii'me yokkirage minggirak nogo, yogondak ambinom le ari logonet yokkiragi o. It aap ti, togop eerit nogwe me, an eeke minggi kwak, kit ndak-ndak eeko logonet, it kinoreewi ando nen nit eeko monggoorak nogo kokwak eekwi iinok, liirogon aret inarum logonip o.

Pilipi 4:7

Ti eekwi kiinok, niniki piirik lek ugun tayenak ale'nggen logowok nduk, eeppinanege menggerak alom nit kin kaga'lek niigak kwe, eeppinanegak mban eeke menggerak Ala nogo nen, Keritut Yetut kinom kiniki kunik me, kineebe-kiniki abok aret liirogon kinarum logogin o.

1 Tetalonika 1:6

Maluk eeppinagagwi iigak, Aberiniki nen kiniki ale'nggen eekkinake kagak, wone waganggo nogogutik, nit ninowe ninom eeko monggoorak nogo ndak-ndak aret eeko nogogutak.

1 Tetalonika 2:14

Noreewi o. It aap Yakuri nogo nen it Ala yorage kagak yoraga nogo inookwi, ninowe Yetut warogo pugwi, ndi, nit kunduk mugogo nappinanugwi, eeko nogogwaarak nogo nen it Ala apuri Keritut Yetut inom kunik logonet, o Yureya yi awi ndi awi kuwak eerit nogo menggaarak piyaginabit nogo nogogwaarak nogo ndak-ndak, it kinowe-kinawot nen kit togop aret eeppinagagwi iigak kinogogumbuk logonet, waganeegutak me, it inogogumbuk logonet, waganggo nogogwaarak ndak-ndak, kit togop aret waganggwi kiigi o. It Yakuri eereegwaarak nogo ti, it aakumi abok ineebi mbako logonet, inom ogoorak wonogwe me, Ala kunduk, inikilom inombakeelik mondok eebi inombake menggerak o.

1 Tetalonika 5:23

Ndi, yogondak niniki ugun tayenak ale'nggen logowok nduk, eeppinanege menggerak Ala nogo nen, kit kineebe at ake leenogo pake logonet, kinomaluk abu lek eerogo pinagage, ndi, ninowe Yetut Keritut woroorak eyom paga maluk kinoba pinagage kero, kiniki-kineebe abok aret enaani nggelorogon pinagago wonage, eeke logowak o.

2 Tetalonika 3:4

Kit eeko logorak wone lengganogo yokkirogo monggoorak nogo ti, muk eekwi nineenu aret kwe, ambinom eeko logobagip nduk, ninowe nen eeppinagagin abet aret mbako ogoorik o.

2 Timotiyut 4:22

Ninowe Yetut iniki kunik en eeppagage logonet, karum aret logogin o. Wa!

Yakobut 1:22

Ala wone kinaruk mban konenggwi kenok, kit aret kinambokan laganggologwe me, kinaruk mban konenggak eeko logorak ti mage o. Ata, konembunuk, eebe aret eeko logonip o.

2 Peterut 1:10

Ti kenok, nowe-nawot o. At Ala nen miirogo pinagage nagagerik, kinayonggo pereegerak me, “Abet aret mii'ninabeegerak kogo,” mba'nuk, kiniki mondok nu'lek logonet, nggwiirit-nggwaarit eeko logonip. Togop eeko logomonggotak kenok, kit kiniyogobit lik togon yigeebu wambumunggup lek o.

1 Yaya 3:22

At Ala nen, “Yogop ee'nu, ndogop ee'nu,” yinuk, yo'nirage menggerak wone inom, at eeriyak inikilom mbake menggerak nogo inom, ndak-ndak eekwi me, nit yi mendek ndi mendek wo'niraawak nduk, nggino yogwi nogo, at wo'nirage logogin aret o.