Pilipi 4:6 - Ala Wone Peenok Peebi Mbanak

⁶ Aaninggin nano mendek ambi kinoba age kenok, kiniki piirik logogup o. Ata, “Aaninggin ndogop noba agaarak o,” yinuk, tamban eekwi, ndi, kinamendek ambi lek kenok, wokkiraawak nduk, “Ala wa,” yinuk, nggino yogwi, eeko logonip o.

Pilipi 4:6 ပူးပေါင်းရင်းမြစ်များ

1 Endagembogut 8:28

Togop aret kwe, Kaliku nogoba Ala wae. An kayeloman nen nggino yokkege logonet, tamban eeke yi, kena koonogo pe'neege, o yogondak kenggaanom paga an kayeloman nabuwa nggo-nggo logonet yokkege yi, karuk konengge, eeru o.

2 Mbinineegwaarak 32:20

Togop mban yogo mbareegwa, inowe endagembogut Kitikiya inom, aap Amot aput Ala nen yoge kagak yoraga Yetaya inom, nen tamban eeko logonet, inoone nggwok mbogut paga eerogo nippereegwaarak.

Ndawi 51:15

Nogoba wae. Noone yuurak meek agaarak nogo teeluk eerogo panu o. Teeluk eerogo panege keenok, Kendage tiyanak nogo paganogo yoranet nege logogin o.

Ndawi 55:17

Kubondendok inom, liingge inom, oonikiya inom, “Ee'naburak,” neebi mbake nogo Noone nggwok paga at yoge neenok, aruk konengge, Eeppunuk,

Ndawi 55:22

Aap iniki abe koonak iniki lek-lek aruwak nduk, Aliku ALA nen mbo piigeelik me, “Nonggop ee'ninabigin o?” yinuk, Kiniki piirik wonogwe nogo Abok aret waganogo at mban wogo'nuk logonip o. Togop eekwi kiinok, Aliku ALA nen unde wokkinake logogin o.

Ndawi 62:8

Kit aakumi kinanebunu lombok yi wae. Nineebe op logorak abu'me ari unggwaga ti, Ala aret me, Neetik-neetak Ala paga panggonak wonogwe, Kiniki mbako monggotak nogo abok aret at enggaanom paganogo pugwi, Eeko logonip o.

Kini Wuppiige 15:8

Aap maluk mendek nen ake warogo Aliku ALA wogogwi nogo, at eebi lombok mbake menggerak kwe, Aap iniki koonak nen tamban eekwi iinok perak, koneniyak inikilom mbake menggerak.

Kini Wuppiige 16:3

Kit eeriyak koonggwi nogo abok aret Aliku ALA wogo'nuk wonogwe kiinok, Kit koonggwi nogo abok aret a'me aret age kaamunggup o.

Ndawi Iya 2:14

Yugum ambe nggaganak puut eegwa'me narowe puume kumaarak wonage me, Kat kenete abu kigirikwe me, keyaakit nen kin age, Koone abu abe me, konenikit nduk, koone ari, Eeke logot o.

Yeremiya 32:16

Nggween onggo pugu liiru mbanak nogo at Neriya aput Mbaruk wogoge nagagirik, Aliku ALA yoge logonet,

Yeremiya 33:3

Kat nen an nggino yo'niru o. Nggino yo'nege keenok, an nen onggo yokkege logonet, iya tit eeriyak mendek inom, kat liippuurak meek, keenggo'lek mendek inom, yokkirigin o, yinuk, yo'negerak o.

Ndaniyen 3:16

Yorage mbareegi, it Tarerak, Metak, Abe'nego nen aap endagembogut Nebukanetat nogo yogo logonet, “Ninogoba kendagembogut Nebukanetat wae. Nit ndogop nduk eekoorak o, yinuk, ninaana'le mbanggolaagun lek o.

Ndaniyen 6:10

Wone liiru mbanogo punuk, wumbereegerak nogo, at Ndaniyen aruk konembunuk, ame nage nagagerik, ame irimbaga ko ambi ogoorak me, pugagi ena Yerutalem pa'nggwe mbanak nogo, pugagi paarak me time nen o ne ambit wege paga ne kenagan kuli tamban eeke menggerak nogo ndak-ndak, time ari unggunuk, endobanggun yindumbunuk, tamban eeke, Ala wa yoge, eeke nagagerak.

Matiyut 10:19

Ndi, wokkiren nogwe iinok, wone yoroorak nogo ti eyom ndak-ndak kinogoba Ala koonogo yokkiraagin me, kit nen, Wone ngge yoraamun? Ndi, Wone nonggop negen koonogo yoraamun? yinuk, kiniki piirik noobok o.

Matiyut 13:22

Ndi, iri'ngga alok-palok me wambit nagagerak nogo ti, it wone inaruk konenggwi kwe, nggween paga mendek mban iniki aberit nugwi, inamendek lek ariyak kagak, inikilom mbarit nugwi, eekwi nogo paga nen Ala wone waganeegwaarak nogo mbanogo wuppugwi me, anggen abe yegeelik nogo aret o.

Matiyut 6:34

Ko'lu eeriyak kagak, yogondak kiniki piirik logogup o. Ko'lu eeriyak mendek nogo ti, ko'lu aret kiniki kooniyak o. Yogondak eeriyak kiniki kooniyak nogo ti, aaninggin mondok iya me, ko'lu eeriyak inom kiniki aberiyak ti mage o,” yinuk, yoragagerak.

Matiyut 6:8

Kit kinamendek lek kenok uugwe mbakwi nogo ti, awo nggino yoga'lek kiigak, kinogoba muk eenu me, it aap ti yogo mengga kwak, kit togop yorugup o.

Lukat 10:41

Yoge mbareegi, Yetut nen, “Marata, Marata. Kat yi eeriyak ndi eeriyak mban kiniki piirik logonet, anggon-panggon eerit nege keegi o.

Lukat 12:22

Yorage nagagerik, Yetut nen at oone waganggwi nogo yorage logonet, “Nineenik logorak nduk, ninambi nano namun? Ndi, nineebe paga ninayum nano yikkolamun? yinuk, kiniki koonggo logonet, kiniki piirik logogup o, yinuk, yokkiragi o.

Lukat 12:29

Togop me, Ninambi-ninagi nano namun? yinuk, kiniki koonit nugwi ti, mage o. Kiniki piirik logogup o.

Lukat 18:1

Ti yorage nagagerik, aakumi anggon-panggon eeginaka'lek tamban mban eeko logowak nduk, Yetut wone yi, eegu laarogo at oone waganggwi nogo yorage logonet,

Lukat 18:7

Togop ndak-ndak Ala nen at apuri miirinabeegerak nogo inoone ko'lu-kii'me at yogwi iinok, inowak loonogo inawone abe amburu mbanigin lek mbakop? Logonuk negen inawone mbaniyak mbakop?

1 Korindut 7:21

Aakumi inayeloman wonogwe kiigak wiigiragagerak kenok, ti wone aaninggin lek me, togop aret logonet, Ala mugurok nogo logonip o. Ndi, kinogobamini nen wondet agago wumbinagagwi iinok, “Nanonggwan yo'nirogwe me, nawi o,” yinuk, nugu logomunggup o.

1 Korindut 7:32

Ti yokkiragarak paga kit kiniki piirik wonogwe kiyo, ambinom yokkira. Aap ambi akwe lek kenok, at iniki mbake logonet, “Nowe iniki ale'nggen nombaruwak nduk, at obaalombok mban eeke logokit,” mba'nuk, eerit nage menggerak kwe,

2 Korindut 1:11

kit kunduk, ninake tamban eeko logonip o. Ninake tamban eerumonggotak ninogoba aruk konembunuk, ninabuwa nen obeelom eeppinanege nogo, it aakumi apit niigo logomenggaarik, Ala wogoppogo logowak nduk, ninake tamban eeko logonip o.

Epetut 5:20

Warit nogo logonet, yi mendek ndi mendek apit eeppinanege menggerak nogo paga ninowe Yetut Keritut endage kunogo, “Ninogoba Ala wa,” yinuk, keyage wako logonip o.

Epetut 6:18

Kinogogumbuk mondok kinom perenggologo logonet, Ala nen yeenggwaagiraawak nduk, Aberiniki nen yokkirage kagak, puk aga'lek Ala nggino yogwi, nogo yigin eekkinaka'lek kineenik logonet, it Ala apuri ake leenak abok aret inake tamban eekwi, eeko logonet,

Kolote 3:15

Keritut kinom kunik kineebe ambit a'nuk lambunik logonet, kiniki ugun tayenak ale'nggen logobagip nduk, Ala nen kinayonggo pinagareegerak me, nit op eekwi niinok, Keritut nen niniki ugun tayenak logowok nduk, ale'nggen eeppinanege menggerak nogo, kit ndak-ndak, yi mendek ndi mendek eeriyak kiniki koonggwi kiigak, op eeriyak kenok ale'nggen eekkinake, ndi, maluk eeriyak kenok, kiniki aaninggin eekkinake, eeke logowak o. At togop eekkinake menggerak me, Ala mondok, “Wa,” yogo logonip.

Kolote 3:17

Keritut kinabuwa nen kinake eeke menggerak me, kinogoba Ala, “Wa,” yinuk, keyage wako logonet, kinoone yogo monggotak inom, eerit nogo monggotak inom, abok aret ninowe Yetut endage tiyak yuwak nduk mban eerit nogo logonip o.

Kolote 4:2

Ko'lu-kii'me nogolumok yega'lek tamban mban eeko logonet, Ala, “Wa!” mban yogo logonip o.

1 Timotiyut 2:1

Wone aa'nduk yokkiriyak mbakirak nogo yokkiri o. Yi aakumi ndi aakumi abok aret inake Ala nggino yoge, tamban eeke, aakumi inake yoge, eeppagage nogo, “Wa,” yoge, eeke logonok nduk, noone nabek togon yokkege agarik o.

1 Timotiyut 5:5

Kwe ambi togwe aret kwe, aagalogwe nen yeenggwaaga'lek kenok, “Ala nen yeenggwaanege logowak o,” yinuk, iniki Ala paga lunik logonet, ko'lu-kii'me Ala nggino yoge, tamban eeke, eeke menggerak kenok, kwe ti, abe togwe aret o.

1 Peterut 4:7

O age yobok paga eeriyak abu koorok panggo yi wagaarak me, tamban eeko logobagip nduk, kiniki kwi'ndak nu'lek logonet, kinagaket paga logonip o.

1 Peterut 5:7

At Ala nen kinabuwa mbake menggerak me, kiniki piirik-paarik eekwi nogo abok aret paganogo at oba mban pogo logonip o.

1 Tamuwen 1:15

Yoge mbareegi, kwe nogo nen ari logonet, “Togop lek o, nogoba. An anggur amburu inom, amburu kumili aganaka inom, nenok ari lek o. Niniki abu puru agan unggwage logonet, niniki mbake nogo abok aret paganogo at Aliku ALA yoge me,

1 Tamuwen 30:6

It Ndawut awuri nogo inakuwi inapurilogwe wologwe-komologwe wogoren nogogwaarak paga inanini agaket yogo logonet, Ndawut nogo yugum paga wariyak nduk koonggwi iinok, at Ndawut nogo iniki piirik agagerak kwe, at iniki Aliku ogoba Ala oba panggombunuk mondok nu'lek aret wonagagerak.

1 Tamuwen 7:12

Inoorogo piinet nogo nogogwaarik, at Tamuwen nen yugum ambi waganogo o Mitapa o Yetana oolo taa'nogo mippunuk, “Aliku ALA nen yeenggwa niranet o yi kuli aret pinani wagaarak me,” yinuk, yugum mippereegim nogome endage, Eben-Kayetet aret o, yinuk, toonogo pereegerak.