Pilipi 2:9 - Ala Wone Peenok Peebi Mbanak

⁹ Togop aret eeke mbareegi, at Ala nen mondok agi lombok tiyappereegerak. Yi aakumi ndi aakumi abok inendage tebenak iigak, at mban endage tiyanak logowak nduk, mondok tiyappereegerak wonage me,

Pilipi 2:9 ပူးပေါင်းရင်းမြစ်များ

Wakkagagerak 3:15

Ndi, kat waalo yi, kwe yi kimbirak ogoorak wonogwe, ndi, kit kimbirak ndaganabumonggotak kunduk ogoorak mban wonogwe, eeko logomunggup nduk, an Naliku Ala nen aret piyanogo pinagagi o. At kwe yi ndaremenggerak nogo nen kat kanobak aambelenogo pagage, ndi, kat nen at ndaremenggerak nogo iyok unggut keyak mbangge, eeko logomunggup o,” yoreegerak.

Ndawi 110:1

Aliku ALA nen an nogoba yoge logonet, “It kinom wim mbanak mendek nogo Aan lebenogo kabu'me piiga'lek neegak, neenggi abe'nggan kwi'nari mok o,” Yinuk, yoreegerak o.

Ndawi 110:5

Kogoba ti, kat keenggi abe'nggan paga wonage, At anini wungge eyom paga aap inendagembogut aan lebenogo piige,

Ndawi 89:27

An naput manggu ndarak negen eerogo pege, O nggween paga yime aap inendagembogut tebenak iigak, At endage mondok tiyappege,

Ndawi 91:14

At Aliku ALA nen ari logonet, “At aap ti, iniki kunik ee'nake me, agap ndake, Ala ti, an nogoba aret o, yinuk, ari me, arum wonage,

Yetaya 52:13

Aliku ALA nen ari logonet, “An nayeloman nogo iniki warak lombok logonet eerit nagin me, Endage tiyappugwi, wogoppugwi, eerit nogo logogun o.

Yetaya 53:12

Togop me, it aakumi apit aret inomaluk wagangge, It wone yugu taganogo pereegwaarak nogo inake tamban eeke, Eeke logonet, Waruwok nduk eekwi iigak, eebe ili yikkoloolik teppege, It aap maluk eeka inom wonage ineenggi lingginiyak eebi mbaka'lek wonage, Eereegerak me, Aakumi inamendek ndinik nogo aap yo'nggok wogorage logonet, at inom wogoge, It aap wakaa'ngget aakumi inagugun wogo tumburirage logonet, at inom tumburege, Eerigin o,” yegerak o.

Yetaya 9:7

At wone lengganogo yorage logowam nggwok wiganinuk nage, Aakumi inom lambunik iniki ugun tayenak wonogwe nogo lek aga'lek kundugu wonage, Eeke logogin o. At Ndawut paga wiganak aret me, At wone lengganogo yorage menggim mi'na'nuk, At abu'me piige menggim wone lengganogo yorage logogin o. At obeelom mban eeppiinet nage, a'me nggelok mban inawone mbangge, Eeke logomenggerak paga At abu'me piige menggim akom kwippiige, Omaawi nu'lek eerogo pege, Eerogo pege kenok, Mondok-mondok aret logogin o. At Omaawi Lombok Menggerak Aliku ALA nen, “Mondok eerikit aret,” mbarit unggwage me, aret eeke logogin o.

Ndaniyen 7:14

Pi wogo mbaka, at ayuk warak logonet, wone lengganogo yorage logowak nduk eerogo pege, endage tiyappege, endagembogut logonet unde logowak nduk eeppege, eeke mbaki, yi aakumi ndi aakumi inom, aakumi inanebunu lombok yi o ndi o wonogwe inom, aakumi inoone alitak inom, abok aret at abu'me tebe yinuk, alut eekwi iigirak o. At ayuk warak logonet, wone lengganogo yorage logorak ti, lek arigin lek mondok-mondok yorage, ndi, at abu'me piinok menggim ti, tebenogo pugun lek mondok omaawi wonage, eeke kagarak o.

Matiyut 11:27

Yoge nagagerik, ambinom yora-ge logonet, “An nogoba nen yi mendek ndi mendek abok aret an unde logokit nduk, eeppaneegerak. Ndi, Ala aput yi ti, it aakumi mondok ineenggo'lek nogoba alik mban eenu menggerak. Ndi, nogoba ti, aakumi mondok ineenggo'lek at aput an nalik mban neenu minggirak. Ala aput an lombok nen, It aakumi nogoba ineenu aruwak nduk, paganogo yoraakit, mba'nuk, yorage neenok mban ineenu ogo menggaarak.

Matiyut 28:18

Yetut nogo inowagam panggo yi wage nagagerik, yorage logonet, “Ala nen mbogut paga inom, nggween paga inom, an unde logokit nduk, awone abok aret kili'nereegerak me,

Lukat 10:22

Yoge nagagerik, “An nogoba nen yi mendek ndi mendek abok aret an unde logokit nduk, wo'nereegerak. Ala aput ti ta o? It aakumi ineenggo'lek nogoba alik mban eenu menggerak. Ndi, nogoba ti ta o? Ti, at aput an nalik mban neenu minggirak. Ndi, aput an nen it aakumi nogoba ineenu aruwak nduk, paganogo yoroorak mbake neenok, it kunduk, ineenu ogo menggaarak o,” yinuk, yoragagerak.

Yaya 13:3

at Yetut nogo ogoba nen yi mendek ndi mendek apit at unde logowak nduk, wogoreegerak nogo inom, ndi, Ala wonage me nen wagagim iyok paga ka noorak nogo inom, eenu wonagagerak me,

Yaya 17:11

An o nggween paga yime ambinom logogin lek o. Yogondak an keya wage kwe, it kapuri yi perak, o yime aret logogun o. Ai, nogoba! Kat kikak nakeelik mondok alik leenak menggendak o. Kat nimbirak niniki ambit monggoorak nogo ndak-ndak, it kat nen wo'nereegindak nogo iniki ambit aret logowak o. Kat kendage nggwok logonet, komaawi lombok eeppaneegindak nogo paga kapuri yi, ndegeninake logot o.

Yaya 17:12

It wo'nereegindak nogo an ninom logonet, kat komaawi eeppaneegindak nogo paga ndegeninake nagarak o. Ndegeninake neegak, ambi kobak arulik kwe, at ambi kobak ariyak nduk nda'nagagerak nogo perak, Ala wone yugu liiru mbaneegerak nogo a'me lik yuwak nduk, kobak agaarak o.

Yaya 17:5

Togop me, nogoba o! O awo wakkaga'lek kagak, kat nimbirak logonet, tiyanak wonagagirak nogo ndak-ndak yogondak kat wonage me time tiyappanu o.

Nappiigak 5:31

Mippege nagaarik, kit kinowe endagembogut kinagap ndaka at eenggi abe'nggan logonet, kit aakumi Iterali mendek maluk eeko monggotak kiniki koombunuk mbo pugwi kiinok, kinomaluk lek eerogo pinagawak nduk tiyappegerak aret o.

Epetut 1:10

At Ala nen, “An eeriyak mbareegirak nogo, ndiyom paga a'me lik yigin o,” yinuk, kooneegerak nogo ti, mbogut paga mendek inom, nggween paga mendek inom, yi mendek ndi mendek abok aret Keritut abu'me pege logomenggerik, at eebe mondok tiyanak logorak kooneegerak nogo ti aret o.

Kolote 1:18

Ala apuri yi awi ndi awi kuwak eerit nogo menggaarak lambuk togon Keritut eebe negen nit aret me, ninanobak kwak ti, at aret. Ndi, yi eekwi ndi eekwi alom unde nogo ti, at mban aret me, yi mendek ndi mendek abok aret tebenak kagak, at mban tiyanak logowak nduk, kambunuk nogo menggam nen aa'nduk at aret eenik agago mippereegerak.

2 Tetalonika 1:12

Ninogoba Ala at ninowe Yetut Keritut imbirak iniki kunik nen eeppinagagwi iigak, kit togop aret eerit nogo logonet, at tiyappugwi kiinok, at nen kit kunduk tiyappinagage logogin o.

Iberani 1:4

Togop aret me, at Ala nen, “Naput o,” yoge nagagerak nogo ti, malayikat ambi yoroolik me, it malayikat mendek tebenak negen iigak, at aput mondok tiyanak aret o.

Iberani 1:9

It obeelom eekwi iinok ti, kinikilom mbake, Ndi, maluk eekwi iinok ti, keebi lombok mbake, Eeke menggendak me, At Ala ti, kat kogoba Ala aret me, iniki ale'nggen kombake logonet, Amburu kilirogo pagareegerak paga koreewi tebenak iigak, inirimbaga tiyappagareegerak o,” yinuk, yoge nagagerik,

Iberani 12:2

Ndi, aa'nduk nit abet mba'nuk Ala wone waawok nduk niniki pipuk eerogo pinanege, ti'nuk, abet mbakwi niinok, niniki mondok kole eerogo pinanege, eeke menggerak ti, Yetut aret me, at mban ninigen loorit mugurok nogo logowok o. It aap eyo karo-karo paga nabenogo piigwi iinok, “Aap mondok maluk mendek aret o,” yogo menggaarak nogo, at Yetut nen, “An togop nombariyak me, neebi o,” ti mbarulik. Ata, “Peebi nale'nggen nggwok kaagin me, yogondak we luulu togop ee'naburak op aret o,” yinuk, ogogumbuk a'nuk, eyo karo-karo paga kangge nagagerik, eenik a'nuk, Ala wone lengganogo yorage menggim Ala eenggi abe'nggan paga kwi'nari laganeegerak wonage o.

Iberani 2:9

At Yetut perak, tiyanak mondok ayuk warak wonage kogo ogoorik o. At Ala iniki kunik en eeppinanege menggerak me, malayikat tiyanak iigak, aput ninalitak lombok ninake kambuwak nduk, ne ambit luulu at tebeppege mbareegi, nggween paga wambi wage nagagerik, ninake kangge logonet, andi-pandi kagak waganeegerak ti paga, aap ambi amindik-amendek li'luk eeppogo mengga kwak, Ala nen at aput togop aret ayuk wurogo tiyappereegerak wonage agaarik o.

1 Peterut 3:22

At Yetut Keritut nogo ogoba Ala nen eenik eerogo mippege mbareegi, it malayikat inom, it o oolo ya'i menggaarak Tile inom, yi kugi ndi kugi inom, abok aret at abu'me logowak nduk, tebenogo piige nagagerik, yogondak mbogut paga ogoba Ala eenggi abe'nggan paga kwi'nari laganeegerak wonage agaarik o.

2 Peterut 1:17

Keritut ninom puut ayuk warak menggim nogome niigak, at mondok tiyanak, “Wi!” ugwi ninogoba Ala nogo nen ninowe Yetut Keritut ayuk wurogo tiyappege logonet, “An naput niniki kunik nale'nggen ee'nake nogo yi aret o,” yinuk, mbogut paga nen oone ari nit aret ninaruk konembunuk, yokkirogogurak nogo o.

3 Yaya 1:7

It aap ti, Keritut wone yoranet nawok nduk, nogo logonet, “It aap abet mbaka'lek inamendek woorak nineebi o,” yinuk yagaarak me, kat yeenggwaaragak yuurak ti, op aret nduk, yokkigi o, noreeluk.

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.

Wayu 19:16

Ndi, at endage nogo ti, Aap Inendagembogut Inowe Endagembogut inom, Aakumi Inoweewi Inowe inom, nogo ti aret me, ambogoyum paga inom, ambulok paga inom, at endage ti, liiru mbanak wonage kagarak.

Wayu 3:21

Ndi, it an noone mbo pega'lek mondok nu'lek porogo logonet mugurok nogwe iinok, an nogoba yo'nereegerak nogo abu worok togon eeppunuk, at wone lengganogo yorage menggim nimbirak kwi'ndak wonage nogo ndak-ndak, it kunduk an noone lengganogo yorage minggim ninom kwi'ndak logowok nduk, Neya woraanip o, yinuk, yoraagin o.

Wayu 5:12

“Ndomba Aagaluk wareegwaarak nogo, yi aakumi ndi aakumi abok at abu'me tebe yi unggwogwe, Yi mendek ndi mendek abok aret at wogogwi, Yi wone ndi wone abok kat mban keenu aret o, yinuk, yogwi, Kat kalik mondok komaawi aret o, yinuk, ayuk wukwi, endage tiyappugwi, Kat obeelom aret o, yinuk, inale'nggen ombakwi, Eeko logorak op aret o,” yinuk, yogwe iigak,