Pilipi 2:29 - Ala Wone Peenok Peebi Mbanak

^29-30 Ndi, kit an eeppaniyak mbareegutak nogo obaane'me at aret eeppani wage logonet, “Keritut ake eerit nage logonet, kambuurak op aret o,” yinuk, agabiti nen eebe ili yikkoloolik aret neya wagagerak me, yogondak kit kiya wage ti, “Ninore Keritut imbirak kunik nogo niya wage yi o,” yinuk, kiniki ale'nggen paga keyage warogo wanip o. It aap togoti mendek ambi kiya wogwe iinok, keyage warogo wogonako logomunggup o.

Pilipi 2:29 ပူးပေါင်းရင်းမြစ်များ

Yetaya 52:7

It aap wone obeelom wone wonok wogwe, Lambumbagarak wone agan wogwe, Obeelom eeppagarak wone yokkiri wogwe, Kagap ndariyak wone yokkiri wogwe, Kogoba Ala ti, endagembogut aret o, yinuk, kat o Tiyon yokkugwi, Eekwi nogo Puut paga kin ari wogwe iinok, kiniki ale'nggen alik negen nggelok yigin me, iya o!

Lukat 9:5

Yi awi ndi awi namonggotak me, keyage warogo wokkinakwi lek iinok perak, iname o kota nen wundi nogo logonet, Kinobaalombok o! yinuk, kiniyok paga liirubu aa'ngga agago piinok, time nen wundi nanu o.”

Yaya 13:20

Kit ambi nen it an nappiya wage minggirak nogo wogonakwi kiinok, an aret wo'nakwi, ndi, an wo'nakwi kiinok, at nappani wagagerak nogo aret waganggwi, eeko logomunggup o, yinuk, mondok abet aret yokkiragi o,” yoragagerak.

Nappiigak 2:46

It nogo iniki ambit a'nuk, ko'lu-kii'me Ala awi wurik me kuwak ari unggwogwe, iniki mot-mot logonet, ale'nggen paga iname lombok mbi karerogo punuk nunggwi, eeko nagaatik,

Nappiigak 28:10

Eeginake mbareegi, it aakumi nogo nen, “Obeelom ee'ninakerak o,” yinuk, inale'nggen nen, yi mendek ndi mendek wo'nira wagak eeko nogogwaarak, Ti'nuk, peebi nit yiiro paga nawok nduk eeko mbareegu, yi mendek ndi mendek lek kero, wonok wo'nira wogogwaarak.

Nappiigak 8:8

it o kota time mendek nogo iniki ale'nggen ambik mbareegwaarak.

Oroma 16:2

At kwe ti nen aakumi ambik yeenggwaarage logonet, an togon yeenggwaanege nagaarak me, at nen, “Yogop eeppaniyak o,” ari kenok, yeenggwaagwi, ndi, it Ala apuri alik leenak nen inoreewi abet mbakwi nogo keyage warogo wogonako mengga kwak, “Kwe ti ninowe abet mbareegerak me, nit mendek aret o,” yinuk, waganggwi, eeko logonip o.

1 Korindut 16:10

An nen ninowe eyabu eeke minggirak pogom, at Timotiyut togon, togop aret eeke menggerak me, wage logomenggerik, kinenggela'me logonet, agabiti mbake logokwak, at eebe liirogon aret waamunggup o.

2 Korindut 10:18

Aakumi eerit nugwi paga wogoppakwi kenok ti, iya lek o. Ata, Ala nen wogoppiige kenok perak, abu iya o.

2 Korindut 7:2

Kiniki abe paga nit nineebe wo'ninabubagip nduk, yokkirogo o. Alom lek kagak ninoone kinoba pinagagwi, maluk eeppinagagwi, wi-wi eekkinakwi, nit togop eeppinaga'lek aret ogoorik o.

Pilipi 2:28

Togop me, at kiya wage kenok, kiniki ale'nggen paga keyage warogo waganggwi kiinok, an niniki piirik wonage nogo, tayok ari logonet, niniki ale'nggen mbarikit nduk, mbet-mbet kinowagam nappi wagi ti o.

Kolote 4:10

At ninoreeluk Aritarukut keele maarak nimbirak yime wonage nogo nen keyage wakkinake o. Ndi, aap ambi endage aa'nduk toonak Yetut, ndi, peebi toonak Yutut nogo kunduk, aap Mbaranabat amboko Marakut imbirak nen kunduk, keyage wakkinaka o. At Marakut eereegerak yokkiragagirak nogo kagak kiya wage kenok, keyage warogo eebe waganggo logonip o. It aap mbere ti, inagabolo mbanak mendek aret kwe, Ala abu'me piyoorak wone ninom ndak-ndak eerit nogo logonet, niniki mondok alik negen eyak wappanegaarak me, yokkiragi o.

1 Tetalonika 5:12

Noreewi o. “It aap kinenggela'me nabenak mban eeppinagagwi, ninowe inom kunik logonet kinarum wonogwe, ndi, kini wuppiigwi, eekwi nogo liippiigo logonip o,” yinuk, yokkirogo o.

1 Timotiyut 5:17

Ala nen ari logonet, “Lembu nen iniyok gandum anggen mbelanit nage kagak ando nunggwi iyo, inambe keele maarogo piigo logorak mage o,” ari, ndi, ambi, “It aap yabu eeko menggaarak yabu onggo woorak op aret o,” yinuk, ari, yereegwaarak liiru mbanak wonage me, it aap Ala apuri unde menggaarak inendage tiyanak kwe, obeelom lombok inarum wonogwe me nduk, inendage ambinom tiyappuurak ti op aret o. It Ala wone nggwok paga yorogwe, wone mamunirogwe, mondok nabenak mban eekwi iinok ti, abunuk ambinom inendage tiyappiigo logonet, liippiigo logowak o.

Iberani 13:17

It kinogobamini nogo ti, “Aakumi nonggop inarum wonogotak o, yinuk, Ala nen yo'niraagin,” mba'nuk, liirogon aret kiniki arum wonogwe me, inabu'me logonet, wone yokkirogwe nogo, liirogon aret konenggo logonip o. It inoone konengga'lek wonogwe kiinok, inale'nggen lek logonet, kinarum liirogon wonogwe lek paga maluk aret eekwi kiyoorak me, iniki ale'nggen paga kinarum logowak nduk, inoone liirogon aret konenggo logonet, obeelom eeppiigo logonip o.

3 Yaya 1:10

Togop me, nit eerulik kagak oone abu maluk ninoba pinaneegerak me, an wage logominggirik, at yereegerak nogo liirogon mbininogo yokkege neyaamunggun o. Oone maluk ti mban ninoba punuk, puk age ti lek o. Ata, ninoreewi wogwe iinok, ineebe wogonaka'lek logonet, it wogonaburak mbakwi nogo, “Wogonaburak lek o,” yinuk, inenggela'me nen wumbiige menggerak me, liirogon yokkege neyaamunggun o.