Pilipi 2:28 - Ala Wone Peenok Peebi Mbanak

²⁸ Togop me, at kiya wage kenok, kiniki ale'nggen paga keyage warogo waganggwi kiinok, an niniki piirik wonage nogo, tayok ari logonet, niniki ale'nggen mbarikit nduk, mbet-mbet kinowagam nappi wagi ti o.

Pilipi 2:28 ပူးပေါင်းရင်းမြစ်များ

Wakkagagerak 48:11

Inagandin eyak mbaninake nagagerik, Yutup yoge logonet, “An nen kat ketenggen ambinom keyaagin lek mbareegirak kwe, at Ala nen koonggerak paga kat ketenggen keege, kapuri yi kunduk nenegen iige, eeki o.”

Yaya 16:22

Ti ndak-ndak, kit yogondak kiniki puru aago wonogwe kwe, peebi an ninom lambunggwi paga perak, kiniki ale'nggen age kaamunggup o. Kinale'nggen kamonggotak nogo aakumi nen lek eerogo pinagarak mondok lek o, yinuk, abet aret yokkiragi o.

Nappiigak 20:38

At Pawulut nen, “An peebi nenggaawak ambi neyaamunggup lek o,” yoragagerak ti paga iniki abu maluk ogo nogogwaarik, ale yogwe, keyage wappugwi, eeppogo nogogwaarik, wonok yiiro yi aa'nggi paga wonage me taa'nogo pi nogogwaarak.

2 Korindut 2:3

Liiru aa'nduk mbaneegirak nogo ti, an niniki ale'nggen wonage neenok, kit togon kiniki ale'nggen wonogwe abet aret mbake me, kiya wage logominggirik, kit obeelom eekwi paga niniki ale'nggen kinombarikit lak, maluk eekwi paga niniki wakkolookwak me nduk, puk age logonet, liiru mban aa'nduk mbanogo nappi wagagirak nogo o.

Pilipi 2:29

Ndi, kit an eeppaniyak mbareegutak nogo obaane'me at aret eeppani wage logonet, “Keritut ake eerit nage logonet, kambuurak op aret o,” yinuk, agabiti nen eebe ili yikkoloolik aret neya wagagerak me, yogondak kit kiya wage ti, “Ninore Keritut imbirak kunik nogo niya wage yi o,” yinuk, kiniki ale'nggen paga keyage warogo wanip o. It aap togoti mendek ambi kiya wogwe iinok, keyage warogo wogonako logomunggup o.

2 Timotiyut 1:4

Kat le yereegindak nogo abe'nage kenok, an niniki ale'nggen nggwok lombok kaakit nduk, “Keya woraakit lak ao,” mbake minggirak.