Pilipi 2:27 - Ala Wone Peenok Peebi Mbanak

²⁷ At andi kambuurak abet aret eereegerak kwe, Ala abuwa mbake logonet, obeelom eeppereegerak. At mban abuwa mbareegerak lek o. At andi eereegerak nogo paga an togon niniki ambinom aaninggin logonet, wakko'net unggwage logokwak, niniki teeluk logokit nduk, obeelom eeppereegerak.

Pilipi 2:27 ပူးပေါင်းရင်းမြစ်များ

2 Endagembogut 20:1

Ne ti eyom paga at aap Kitikiya nogo andi eereegerak abu kambuurak eeke mbareegi, at Amot aput Ala nen yoge kagak yoraga Yetaya nogo, pekka wage nagagerik, yoge, “At Aliku ALA nen ari logonet, Kat obeelom arigin lek kambigin aret, yegerak me, kawoneninu kaaganapuri yorage logot o.”

Ayup 5:19

Aaninggin ne 6 kuli nggwik togon koba pagage kwe, at nen kagap ndake, Ndi, ne 7 kuli koba ariyak nduk eeke kwe, non mbanogo pagage,

Ndawi 34:19

It aakumi iniki abe koonak nogo Aaninggin-paaninggin ambik inoba aremenggerak kwe, Aliku ALA nen aaninggin nogo tayenogo piige,

Yetaya 27:8

Eeppiyoorak mbareegerak nogo liirogon eeppiige logonet, aap inambik wonogo menggam logowak nduk, nappiige, O wiya oonegen lagi wage menggim pa'nggwe time nen omaawi ambik warit wage kwak, Anini aagi nen it inanggween paga nen wumbiige, Eereegerak ti paga

Yetaya 38:17

An niniki koonnaruwak nduk, aaninggin noba agaarak paga niniki wakkolage nagarak ti abet aret o. An neebe lek eerogo paniyak eekwi me nabuwa nen nili eerogo panege, Ndi, nomaluk abok aret kat kambokan mbo nappege, Eekendak o.

Yetaya 43:2

An Kikak Nakeelik Nalik Leenak Inagap Ndaka Iterali inogoba Naliku Ala aret me, Niyo nggaruppegak wundogwe iigak, ninom wunda nagin o. Ndi, niyo mbaninuk wunda nogwe iigak, niyo nen wogoren nage, Kani kunik me iniyok pit nogwe iigak, iniyok kani nengge, Kani wunuk ari me wonogwe iigak, kani nen ineebe nengge, Eerigin lek o. It wondet aago logowak nduk, inonggo pugu ti, it Metit mendek aret. It eeginabukwak inobaane'me nggelok ari ti, it Kuti mendek inom, Tiyeba mendek inom, aret o.

Yeremiya 10:24

Togop me, Kaliku nogoba Ala o. Niniki koonogo paniyak ti, op aret kwe, Kanini nen niniki koonogo panege keenok neebe lek eerogo panukwak, Kanini nombake logonet, niniki koonogo paniyak ti mage o. Ata, eekirak ndak-ndak eeppanege logonet, niniki koonogo panege logot o.

Yeremiya 45:3

Kat nen ari logonet, An niniki wakko'net unggwage neegak, Aliku ALA nen, Abunuk iniki wakkolaawak, nomba'nuk, aaninggin ambinom noba panege paga, niniki aaninggin nen koonit nage logonet, nomaawi lek age, niniki tayok ari lek piirik mban wonage, eeke me nabuwa o, yinuk, yagandak o.

Yeremiya 8:18

An niniki abu puru aago wonage, Neebe andi negen ee'nabit unggwage, eeke me, Obeelom ee'naburak meek aret o.

Abakuk 3:2

“Kaliku ALA wae. Kat eeke menggendak nogo an muk konengge, Kaliku ALA o. Kat eerit nage nogo paga an nagabiti mbake, Eeke agarik o. Kat eeke menggendak ti, nit kaawok nduk, ambinom eeke, Kat eeke menggendak nogo, nit yogondak wonogwe yi paga kin eeppege, Kanini ninoba pinanege logonet kwe, ninabuwa mbake, Eeru o,” yinuk, tamban eereegerak.

Nappiigak 9:37

Eeke wonage me, eebe kugi andi age nagagerik, kambeegerak. Kangge mbareegi, abin koorogo tilaabaga ko ogoorak ambime logonogo pereegwaarak.

1 Korindut 10:13

Kit kiniki nggagangginake menggerak nogo ti, alik mendek paga lek o. Ata, yi aakumi ndi aakumi iniki nggaganinake menggerak nogo mendek paga mban aret kit kiniki nggagangginake kaamunggup kwe, at Ala nen nit ee'ninake nogo, mondok liippinanege menggerak me, kiniki nggagangginake kagak, kinomaawi lek arit unggwage logonet, maluk eekwi kiyo, Ala nen tu mbininogo pinagagin o.

2 Korindut 2:7

Yogondak perak, aap nogo iniki wakkolage logonet, mbo pinaganuk mbaganukwak, eereegerak nogo mari eerogo mbo pogo logomonggotik, iniki eyak wappogo logonip o.

Pilipi 2:26

At nogo nen, “An andi ee'nakerak noreewi muk konenggaarak me, nonggoti mbakwi iigak logokwak, pegiya na ilik?” yinuk, iniki piirik eeke kage nagarik, at aa'nduk kinowagam nappi wagi ti o.

Pilipi 2:28

Togop me, at kiya wage kenok, kiniki ale'nggen paga keyage warogo waganggwi kiinok, an niniki piirik wonage nogo, tayok ari logonet, niniki ale'nggen mbarikit nduk, mbet-mbet kinowagam nappi wagi ti o.