Pilipi 2:25 - Ala Wone Peenok Peebi Mbanak

²⁵ waga'lek neegak, niniki eyak wappanuwak nduk, aap ambi awot imbirak ndak-ndak wim nambuko mengga kwak, Ala wone wigak yuwak nduk, nimbirak ndak-ndak eeko monggoorak nore Epapororitut kit nappi wogotak nogo, iyokan kinowagam nappi wage ti o.

Pilipi 2:25 ပူးပေါင်းရင်းမြစ်များ

Kini Wuppiige 25:13

Aap ambi yonggo nappegetak ogoba yemenggerak abu ndak-ndak yora nage nogo ti, O kibi paga anggen mbanggo logonet, niyo miin toologo nunggwi paga iniki yawek ari menggi kwak aret wonage menggerak me, At ogobamini inale'nggen eerogo piige logogin o.

Yaya 13:16

Ogoba tebenak kagak, ayeloman tiyanak wonageelik o. Ndi, at nappiige menggerak tebenak kagak, at nappi wagaatak tiyanak wonageelik mban o, yinuk, mondok abet aret yokkirage agarik o.

Yaya 17:18

Kat nen aakumi o nggween paga yime menggaarak inowagam nappani wagagindak nogo pogom, it kapuri yi, togop aret aakumi o nggween paga yime menggaarak inowagam nappiigirak o.

Oroma 16:3

“At Akwila akweeluk Piritikila imbirak an ninom ndak-ndak Keritut Yetut ake eeko nogoorak nogo keyage wappiigi o.

Oroma 16:9

Keritut ninom kunik logonet, ake eeko monggoorak at Urabanu inom, niniki kunik at Itakit inom, imbirak keyage wappiigi o.

1 Korindut 3:9

Nit Ala ninom kunik logonet, eeko monggoorak me, Ala eyabu aago inom, at awi wurik inom, ti kit kineebe aret ogotik o.

2 Korindut 2:13

nawot Titut neya waga'lek mbareegi, niniki piirik logonet, it aakumi Torowat mendek keyage wappiinok, o Makendoniya yime aret wagagirak.

Pilipi 2:26

At nogo nen, “An andi ee'nakerak noreewi muk konenggaarak me, nonggoti mbakwi iigak logokwak, pegiya na ilik?” yinuk, iniki piirik eeke kage nagarik, at aa'nduk kinowagam nappi wagi ti o.

Pilipi 4:18

Kit nappani wogogutak nogo, abok aret waganeegirak me, lek aga'lek wonage aret o. Ala ake pugu kani kunggwi obari obeelom kenok Ala nen, “Op wo'nega o,” yinuk, iniki ale'nggen mbake menggi kwak, kit an nake pugu aap Epapororitut nen wo'niruwak nduk nappi wogogutak nogo, wonok niri wage mbareegi, wagangge nagagirik, ndiinik-piinik agago pereegirak lek aga'lek wonage aret o.

Pilipi 4:3

Ndi, kat nore Tundogot nimbirak Ala eyabu ndak-ndak eeke menggendak me, it kumi ti, obeelom wone wigak yuwak nduk, nggwiirit-nggwaarit eeko nogogwaarak me, yeenggwaarage logot o. Ndi, aap Kelemen kunduk, it an noreewi ando inendage mbuku ineenik aganaka paga mbanak wonage nogo kunduk, togop aret ninom eeko nogogurak me, inom yeenggwaarage logot o.

Kolote 1:7

Wone obeelom wone ti nogo, at ninom niniki kunik Ala ayeloman logonet, ndak-ndak eeko monggoorak Epaparat nogo nen aret mamunggiragagerak o. At Keritut ayeloman logonet, nit kinake eeriyak meek kenok ninobaane'me at aret kulinik-kalinik eeke menggerak me,

1 Tetalonika 3:2

at ninawot Ala ayeloman Keritut eeke nagagerak obeelom wone ninom yorogo monggoorak Timotiyut nogo nen, it aakumi aaninggin kinoba pinagagwi paga wone ti, “Nineebi o,” yinuk, mbo pugwi kiyo, kit abet mbakwi nogo nu'lek agago pinagage, kit kiniki eyak wappinagage, eeke logowak, mba'nuk, at kinake nappi wogogurak. Nit togop aret eeppinanogo logorak Ala nen koonogo pinaneegerak kineenu aret o.

Pilemon 1:24

Ndi, it nawurilogwe ninom eekwi nogo, Marakut kunduk, Aritarukut kunduk, Ndemat kunduk, Lukat kunduk, nit abok aret nen keyage wakkako o.

Iberani 3:1

Togop me noreewi o. At mbogut paga menggerak nogo nen kinayonggo pege nagagerik, at apuri leenogo pinagareegerak me, nit wone abet mba'nuk, mugurok nogwe niigak, Ala unde ninowe nggwok logonet ninake eeke logowak nduk, nappi wagagerak Yetut nogo, liippogo logowok o.