Pilipi 2:20 - Ala Wone Peenok Peebi Mbanak

^20-21 It aakumi yime abok aret Yetut Keritut obaalombok eerit noorak mbaka'lek, it inobaalombok mban koonggo'net nogwe iigak kwe, at Timotiyut alik nen perak, kit nonggop wonogwe nogo, mondok abet aret kinoba abeke menggerak me, at aret nappi woraagin o.

Pilipi 2:20 ပူးပေါင်းရင်းမြစ်များ

Ndawi 55:13

Kat nore nimbirak ndak-ndak Niniki ambit kunik me, nimbirak perenak nugwi, Ala awi wurik me aakumi inale'nggen mbarit nogwe, Inenggela'me ninom wonogwe, Eeko monggoorak Kat nen aret eeppanege keenok, An puk logorak meek ee'nake o.

Kini Wuppiige 31:29

“Kumi apit ti, obeelom negen eerit nugwi kwe, kat nakwe yi perak, it ndak-ndak lek kat abu abe alik lombok eerit nage menggendak keegi o,” yinuk, yoge, Eeko menggaarak.

Yaya 10:13

It aap ndomba liirogon piirogo wonogwe lek we, Onggo kolaawok, mba'nuk, piirogo menggaarak me, mba'ngge wage kenok, ndomba mbo piinok, mbaganggo menggaarak.

Yaya 12:6

Wone yereegerak nogo ti, it aap inamendek lek nogo inabuwa mba'nuk yereegerak ti lek o. Ata, at aap kiraaka mendek me, inawu yonggolak nogo at aret porogo logonet, ando kolagak eeke nagagerak me nduk, yereegerak.

Oroma 15:5

Kit abet mbareegutak nogo, kinaanaganggenggwi lek kiniki kwi'ndak logonet porogo logobagip nduk eekkinake, ndi, ale'nggen kaabagip nduk kiniki eyak wappinagage, eeke menggerak alom unde Ala nogo nen, Keritut Yetut eeke nagagerak wakkagak kit togop aret kiniki ambit eeppunuk, lambunik logobagip nduk, eekkinabigin o.

1 Korindut 16:10

An nen ninowe eyabu eeke minggirak pogom, at Timotiyut togon, togop aret eeke menggerak me, wage logomenggerik, kinenggela'me logonet, agabiti mbake logokwak, at eebe liirogon aret waamunggup o.

Pilipi 2:2

an ambinom niniki ale'nggen nggwok lombok kaakit nduk, kit togop aret kiniki ambit eeppunuk logonet, Keritut iniki kunik eekkinake nogo kokwak, kinoreewi kinom niniki-kiniki kunik eekwi, kiniki lambunik logonet eeriyak ambit koombunuk eekwi, eeko logonip o.

Pilipi 2:22

Aap ambi apuluk nen ogoba yeenggwaage menggi kwak, an obeelom wone yoranet nage neegak, at ko'lu-kii'me yeenggwaanege nagagerak ti paga, at obaabut kineenu aret me,

1 Timotiyut 4:6

Wone ti, koreewi mamunirage keenok, kat Keritut Yetut ayeloman abe mendek aret logomunggun o. Ndi, niniki abet mbakwi wone inom, wone kole wone mamunik mugurok nage menggendak inom, waganogo aberit nage paga kiniki nu'lek kole aret logomunggun o.

2 Timotiyut 1:5

Kat abu abet aret kiniki Yetut oba panggombunuk abet mbareegindak nogo, an neenu aret o. Kowogolo Lowit inom, kagalo Ewunike inom, imbirak aa'nduk abet mbareegwaarak ndak-ndak, kat kunduk abet mbareegindak me, niniki aberak agarik o.

2 Timotiyut 3:10

Kat perak, an wone mamunirage, eerit nage, eeriyak niniki koongge, niniki at oba panggombunuk abet mbake, maluk eeppanugwi iigak, niniki yanggonak wonage, aakumi niniki kunik aganake, maluk eeppanugwi kwe, nogogumbuk logonet wagangge, eerit nage neyareegindak nogo o.

1 Tamuwen 18:1

At Ndawut nogo Tawun imbirak wone abu aret mbanggo mbareegwa, Yonatan nen at iniki kunik eekkolage menggi kwak, Ndawut nogo togop aret iniki kunik eeke nagagerik, imbirak iniki ambit aret eekkologogwaarak.

1 Tamuwen 18:3

Teppereegerak imbirak wonage me, at Yonatan nogo nen at iniki kunik eekkolage menggi kwak, Ndawut nogo togop aret iniki kunik eeke logonet, “Kat an nimbirak niniki-kiniki kunik logowok o,” yinuk, wone mondok abuk nggaruk togon kumbuk mbanogo pereegwaarak.