Pilipi 2:14 - Ala Wone Peenok Peebi Mbanak

^14-15 It aakumi o yogondak ndarak wonogwe nogo inobaabut nggolo iniki mondok maluk mban koonggo menggaarak inenggela'me laaluguragan pindan-pindan eeke menggi kwak, kit togop logonet, inoone kinoba pinagaga'lek Ala apuri kiniki kikak naka'lek abu obeelom mban logonet, eerit nugwi kiyaawak nduk, kit yi mendek ndi mendek eeko logonet, kinoone laakit-laakot yogwe, wone wakwi, eerugup o.

Pilipi 2:14 ပူးပေါင်းရင်းမြစ်များ

Ndawi 106:25

Inawooliyana logonet, inoone laakit-laakot yogwe, Aliku ALA nen yoragaatak konengga'lek mbo pugwi, Eeko mbareegwa,

Kini Wuppiige 13:10

Aap iniki tiyappakwi paga nen ndugwi ineenggime piigo menggaarak kwe, Inaruk wakwi konenggo menggaarak nogo perak, iniki warak aret iigo menggaarak.

Linggineegwaarak 14:27

“It aakumi abu maluk mendek yi nen ineebi-ineeba yo'nugwi yi, ne mande paga yo'nogo logogun o. It ineebi-ineeba yo'nugwi an abu konenggirak me,

Matiyut 20:11

eeke mbareegi, kologo nogogwaarik, aap eyabu unde nogo inanini eeppogo logonet, inoone mumun paga at yogwi,

Marakut 9:14

At oone waganggwi ando piinok laganeegwaarak nogo inowagam wambi wogo nogogwaarik, aakumi ambik kuwak aago iigak, it Ala wone liiru mbanak unde nogo inom wone wakwi iyareegwaarak.

Lukat 5:30

it aap Pariti inom, aap Pariti mendek Ala wone liiru mbanak unde inom, nen Yetut oone waganggwi mendek ineebi-ineeba inomba'nuk, yorogo logonet, “Kit nonggop nduk, it aap o unde inake wu kuwak eeka inom, it aap maluk eeka inom, kinom mbi nonggo ogotik o?”

Nappiigak 15:2

it Pawulut Mbaranabat imbirak it nogo inom wone nggwok wappunuk, ogoorak negen wonogo mbareegwa, it imbirak inom, it Andiyokiya mendek abet mbareegwaarak ando nogo inom, leenogo piinok, yorogo logonet, “Kit Yerutalem nogo logomonggotik, it nappiigak nogo inom, Ala apuri unde nogo inom, wone ti, kinom kooni nanip o,” yinuk, yorogogwaarak.

Nappiigak 15:39

Yoge mbareegi, it wone nggwok wappunuk, imbirak ogookkologo nogogwaarik, at Mbaranabat nen Marakut wonok yiiro paga o Tipurut aret nagagerak.

Nappiigak 15:7

wone nogo koonggwi aret wonogogwaarik, at Peterut mi'na'nuk, yorage logonet, “Noreewi o. O maan at Ala nen, It endekem mendek obeelom wone konembunuk abet mbaruwak nen, yoranet nege logokit nduk, leenogo paneegerak nogo kineenu o.

Nappiigak 6:1

O ti eyom paga at oone woorak nduk ambi nabek unggwagak mban eeko logonet, it aap Yakuri mendek kwe, Yunani wone yogo menggaarak nogo nen, “Ko'lu-kii'me mbi tumburirogo logonet, nit ninagalomini kumi togwe nonggop nduk mbi wogoraga'lek mbo piigo ogotik?” yinuk, it Yakuri inaworak nogo inom neebi-keebi yogo nogogwaarak.

Oroma 12:18

Wone ambi agaarak kat kobaalombok koonogo piyoorak wonage kenok, kinoreewi kinom kiniki ambit lambunik logonet, eerit nogo logorak wakkagak eeko logonip o.

Oroma 14:1

Aap ambi abet mbake kwe, iniki awo kole aga'lek kinenggela'me unggwi wage kenok, kinom kuwak eeriyak op aret kwe, at iniki mba'nuk nen agan nage nogo perak, ti paga wone wariyak lek mbo pinip o.

Oroma 16:17

Noreewi o. Kit wone waganeegutak nogo it aakumi nen woorak ineebi nen mbo punuk, aakumi iniki ogoorogo piinet nugwi, it aakumi abet mbareegwaarak nogo iniki abut laganogo piinet nugwi, eeginabit nugwi iyo, kinigen liippiigo logobagip nduk, an, “Ao,” mbake logonet, yokkirage agarik o. It aap ti, kinom lambungga'lek mondok ogoorak aret logonip o.

1 Korindut 10:10

It ando nen ineebi-ineeba yogo mbareegwa, at malayikat aakumi inoorit nega nogo nen inoorogo piinet wage mbareegi, kambit nogogwaarak nogo kokwak, nit togop aret ninooke kero, nineebi-nineeba yogo logorak mage o.

2 Korindut 12:20

An nen, “Kit eeko logorak,” mbake nogo kagak alik eekwi me kiya wage, ndi, kit nen, “At ndogop eeri woraawak,” nombakwi kiigak, an nen alik eeri wage, eerukwak, an nagabiti mbake agarik o, noreewi. An kiya wage logominggirik, noone-koone agan nugwi, nuwa-kuwa yogwe, nanini-kanini yogwe, an iya kat iya yogwe, nabok-kabok yogwe, wone kinambe irip paga wonok nugwi, wogoppatit nugwi, ogoorak ka'let eekkologwe, eekwi me kiya wage neyo, nagabiti ee'nake o.

Nggalatiya 5:15

Kit neyak-keyak yogo logonet, at ambi nibinogo nappegak eekwi paga kineebe lek eerogo pakwi kiyo, liippogo logonip o.

Nggalatiya 5:26

Kit wogoppako logonet, an iya kat iya yogwe, at ambi eeke paga at ambi iniki warogo pegak eekwi, obeelom eeppugwi iinok, nuwa-kuwa yogwe, eeko logogup o.

Pilipi 2:3

Kit yi mendek ndi mendek eeko logonet, ambi koloorak nduk eeppiigwi, ndi, “Tiyappinanuwak,” mba'nuk eekwi, ti eerugup o. Ata, kiniki tebenak logonet, “An ti, meek, ndi, nore perak, iya o,” mbako logonet, eeppiigo logonip o.

1 Tetalonika 5:13

It eerit nugwi ti paga kit kiniki kunik eeginako logonet, tiyappiigo logobagip nduk, yokkirogo. Kit kiniki ambit lambunik logonip o.

1 Tetalonika 5:15

Maluk onggo-onggo eekwi iyo, liippiigo logonip o. Kit-kit inom, it aakumi abok inom, obeelom mban eekak yuwak nduk, liippogo logonip o.

Iberani 12:14

Maluk ninikime wonage kagak, ninowe ninigen koorak mondok meek me, yi aap ndi aap abok kinom lambunik kiniki ale'nggen logonet, maluk eeka'lek Ala ake leenak obeelom mban logobagip nduk, wakkagak eeko logonip o.

Yakobut 3:14

“Niniki warak aret,” mbakwi kwe, kinoreeluk ambi anini eeppogo logonet, worokot liinik agan nugwi, “An koongge mban eeriyak,” mba'nuk, agan nugwi, eeko logonet kwe, “Niniki warak o,” yinuk, wogoppatiyak ti, mage o. Togop agan nugwi paga Ala ndogop menggerak wone yugu kagak, abut laganggwi me, kit pilit pugunit nugwi aret kiigi o.

Yakobut 5:9

Nowe-nawot o. Ala nen maluk onggo eeppinagi wage kero, kiniki laakit-laakot mbako logonet, at ambi abok mbanggak eeko logogup o. Ninowak loongga nogo ti, muk tu ngga'nggi paga panggoni wagaarak wonage yi kaanip o.

1 Peterut 4:9

Kinoreewi ambi kiya wogwe iinok, kineebi mbaka'lek kiniki ale'nggen paga kinambi magarogo logonip o.

Yurat 1:16

It aap ti nen ineebi-ineeba yogwe, inoreewi meek inombakwi, eeriyak iniki nengge kenok eerit nugwi, “An aap nggwok o,” yinuk, wogoppatit nugwi, inamendek kolaawok nduk, inoone amburu ndik-ndik agan nugwi, eeko menggaarak o.