Pilipi 2:10 - Ala Wone Peenok Peebi Mbanak

¹⁰ It mbogut paga mendek inom, nggween paga mendek inom, nggween abu'na mendek inom, it abok aret Yetut endage kumbunuk, abu'me tebe yinuk, ayuk wukwi,

Pilipi 2:10 ပူးပေါင်းရင်းမြစ်များ

Wakkagagerak 41:43

Yoge nagagerik, nggweendo aap inendagembogut kenok nugu menggaarak ore ambi paga Yutup wonok nawak nduk, yoge mbareegi, wonok nage kagak, aap nggwok nogwe iinok, wogoren nega nogo nen inaa'nduk inoone nggwok paga, “Aap endagembogut wage me, alut ee'nip o,” agan nogo mbareegwa, at Pirawun nen Yutup o Metit unde logowak nduk mippereegerak yelok kogogwaarak.

Ndawi 95:6

Ninogoba Ala at aret o. Ndi, nit ti, aakumi at mendek aret me, At nen ndegenninake kagak wonogwe, Ndomba wogoren nogo mengga kwak, Wo'niren nege kagak wonogwe, Eeko monggoorak me, Ninendobanggun yindumbunuk at alut eekwi, Ogobakkigirogo pinaneegerak at Aliku ALA abu'me tebe yi unggwogwe, Eeruwok o.

Matiyut 12:40

At Yunut nogo, ikan nggwok inikime yonggolak kagak, nogo mbere yinuk, ko'lu kilirogo wumbereegerak nogo kokwak, an aap aret nda'nagagirak yi, nggween abu'na wonage logominggirik, nogo mbere yippunuk, ko'lu neenik a'nuk, mi'narigin o.

Matiyut 27:29

alok komaarogo anobak paga yippugwi, mbim obate mbanak eenggi abe'nggan wogogwi, eeppogo nogogwaarik, ineebe at abu'me tebe yinuk, agi'ndok kanggo logonet, “Wa! It aap Yakuri inowe kendagembogut kat aret me, wa. Ninogoba wa,” yinuk,

Matiyut 28:18

Yetut nogo inowagam panggo yi wage nagagerik, yorage logonet, “Ala nen mbogut paga inom, nggween paga inom, an unde logokit nduk, awone abok aret kili'nereegerak me,

Oroma 11:4

Yoge mbareegi, Ala nen at nonggop yoreegerak? Ala nen at yoge logonet, “Aap ineebe ambik tujuh ribu aret kugi Mba'an wogoppega'lek iinok, inili nen piirogo agarik o,” yinuk, yoreegerak.

Epetut 1:10

At Ala nen, “An eeriyak mbareegirak nogo, ndiyom paga a'me lik yigin o,” yinuk, kooneegerak nogo ti, mbogut paga mendek inom, nggween paga mendek inom, yi mendek ndi mendek abok aret Keritut abu'me pege logomenggerik, at eebe mondok tiyanak logorak kooneegerak nogo ti aret o.

Epetut 3:14

Togop me, it aakumi mbogut paga mendek inom, nggween paga mendek inom, ninanebunu lombok abok aret, “Ninogoba Ala o,” yinuk, yogo monggoorak nogo, abu'me tebe yinuk,

Epetut 4:9

Ndi, “At lagi nagagerak,” yereegerak nogo ti, ngge nduk yereegerak mbakop? Lek o. At nggween abu'na wambi nage nagagerik, lagi wagagerak nogo kenok, yereegerak nogo lek a?

Iberani 1:6

Ata, Ala nen at aput ambolom ndarak nogo, o nggween paga yime wuppi woraakit nduk, eeke logonet, “Kit an nayonggo nugu monggotak malayikat abok aret at mban alut eeko logonip o,” yinuk, yorage,

Wayu 4:10

it inoweewi ineebe 24 nogo nen at mondok-mondok eenik itok menggerak wone lengganogo yorage menggim eyo ndoonak paga kwi'ndak wonage nogo, abu'me tebe yinuk, alut eeko logonet, “Ninogoba Ala wa. Kat kiniki koombunuk yi mendek ndi mendek abok aret wakkaakit o, yinuk, wakkagagindak kat mban kalik nggwok aret me, Yi aakumi ndi aakumi abok kat kabu'me tebe yinuk, kendage tiyappagago logonet, kalut eeko logowak o,” yinuk, inenggare-nggare mendaarak yirik nogo, nggoorogo at abu'me pi wogwe iigirak o.

Wayu 5:3

Ari mbaki, mbogut paga inom, nggween paga inom, nggween abu'na inom, aakumi ambik aret wonogwe kwe, it ambi nen keele piinogo wondekka woroorak unde eeppiyoolik me, ambi pekka wage iyoolik o.