Pilipi 1:27 - Ala Wone Peenok Peebi Mbanak

²⁷ An yime wonage neegak eekwi konenigin a, time kiya wage neenok eekwi kiyaagin a, kit obeelom wone abet mba'nuk waganeegutak nogo, mbo pega'lek kiniki ambit a'nuk, nu'lek logonet, eerit nogwe neenu arigin me, obeelom wone Keritut nen yo'niragagerak nogo, ndak-ndak liirogon aret eerit nogo logonip o.

Pilipi 1:27 ပူးပေါင်းရင်းမြစ်များ

1 Mbinineegwaarak 19:12

awuluk Abitayi nogo yoge logonet, “An aap Aram mendek ninom wim namburiyak nduk wakkaminggirak kwe, it inomaawi age kenok ti, kat nen an yeenggwa niri wage, ndi, aakumi Amon mendek kinom wim eekwi me, it inomaawi age kenok ti perak, an nen kat yeenggwa kiri nage, eeruwok o.

Ndawi 122:3

Kat Yerutalem yi wae. Kat kota abu abe irip tek kunduk-kunduk lombok wurogo pagareegwaarak o.

Ndawi 133:1

It aap inogoba ambit kenok Niniki-kiniki kunik wonogwe nogo ti, Abu obeelom mondok iya lombok wonogwe ti aret!

Yeremiya 32:39

It inom, inapuri ndaganabemenggaarak inom, obeelom mban wonogo logonet, an paga mondok-mondok inagabiti mbakwi, ndi, iniki ambit eeppunuk, eerit nogwe, eeko logowak nduk, eeppiyaagin o.

Matiyut 12:25

mbakwi at Yetut nen yelok iige nagagerik, it yorage logonet, “Aap inowe ambi at abu'me menggaarak inom it-it ogookko'nok ma'nogwe iigak, at abu'me piige menggim omaawi lek aret arigin o. Ndi, o kota ambi a, kunu ambi a, it-it aret ogooppunuk, mbaganggwi iinok ti, inawi ti wuum lu agan nage logogin o.

Nappiigak 2:46

It nogo iniki ambit a'nuk, ko'lu-kii'me Ala awi wurik me kuwak ari unggwogwe, iniki mot-mot logonet, ale'nggen paga iname lombok mbi karerogo punuk nunggwi, eeko nagaatik,

Nappiigak 24:24

Nogo mande negen yippunuk wonageme at Pelikit akweeluk Ndurutila kwe Yakuri mendek nogo imbirak wogogwaarak. Wogo nogogwaarik, Pawulut woraawak nduk ayonggo pege mbareegi, wage nagagerik, Keritut Yetut abet mbakwi wone ari inaruk koneneegwaarak.

Nappiigak 4:32

It abet mbareegwaarak nogo abok aret iniki ambit eeppunuk wonogo logonet, inamindik-inamendek nogo, “Yi kat mendek o. Yi an mendek o,” yaga'lek, we, “Nit abok ninamendek o,” yogo nogogwaarak.

Oroma 1:16

Obeelom wone ti, aa'nduk it Yakuri mendek inom, ti'nuk, peebi Yunani mendek inom, aakumi abok aret abet mbakwi iinok, inagap ndake logorak Ala omaawi ti aret me, wone obeelom wone ti, an nagabiti lek logonet yokkirage agarik o.

Oroma 1:5

Ninowe Yetut Keritut eereegerak paga, Ala iniki kunik en eeppanege kagak, it yi aakumi ndi aakumi abok aret iniki abet mba'nuk obeelom wone liirogon woppunuk, eeko logowak nduk yoranet nage, Yetut Keritut endage nggwok aruwak nduk, tiyappit nage, eeke logokit nduk, an neyabu nappiigak mendek agago paneegerak.

Oroma 1:9

An tamban eeke logonet, kinoba mari ageelik kulinik-kalinik kinake tamban eeke minggirak ti, Ala eenu aret o. Niniki-neebe apit nggaruk togon Ala wogo'nuk mugurok nage logonet, obeelom wone at aput eereegerak wone nogo yoranet nage minggirak.

Oroma 10:8

Ti yereegerak nogo ti, ngge nduk yereegerak mbakop? Lek o. Yereegerak eebe nogo yi aret. “Wone nogo ti, kiniki me inom, kinambe paga inom, koorok aret wonage o,” yinuk, yereegerak liiru mbanak nogo ti, abet mbakwi wone nit yokkirogwe nogo aret nduk, yereegerak o.

Oroma 15:29

Keritut ale'nggen nggwok togon noba panege kagak kiya woraagin mbake agarik o.

1 Korindut 1:10

Noreewi o. Kit ogoorik-ogoorak eekkologwe nogo mbo punuk, kiniki-kinoone ambit eeppunuk, mondok lambunik logonet, eerit nogo logobagip nduk, “At ambi ari konen-konen yogo logonip o,” yinuk, ninowe Yetut Keritut endage paga yokkiragi o.

1 Korindut 15:58

Ti kenok, noreewi o. Kit an niniki kunik me, kiniki mondok kwi'ndak nu'lek logonet, ninowe eyabu aret eekwi kenok ti, we aanom warogo eekwi lek ambi kola noorak nduk eekwi kineenu me, kulinik-kalinik nggwiirit-nggwaarit aret eeko logonip o.

2 Korindut 13:11

Ndi, noreewi o. Wone ti abu aret yokkiragi o. Kiniki kole arubagip nduk, eeko logonet, an wone yokkirage yi, inom liippogo logonip o. Kiniki ambit eeppunuk ale'nggen paga lambunik logonip o. At ninabuwa mbake, ndi, niniki ugun tayenak logowok nduk eeppinanege, eeke menggerak Ala nogo nen kinarum aret logogin o.

2 Korindut 4:4

At Ala etenggen ndak-ndak mondok tiyanak aakumi, “Wi!” ugwi Keritut eeke nagagerak obeelom wone nogo, it aakumi abet mbaka'lek mendek nen yelok kogo logokwak, at o yogondak unde menggerak Ibilit nogo nen iniki apit eerogo piyareegerak me, yelok kaga'lek aret wonogo agaarik o.

2 Korindut 9:13

Kit Keritut eeke nagagerak obeelom wone abet mba'nuk waganggwi kiigaarak nogo ndak-ndak eerit nugwi, ndi, kiniki lek ndoobu logonet, kinamendek it aakumi abok o Yureya mendek inom yeenggwaarogwe, eekwi paga, kinabut mbambunuk, “Ala apuri abet aret iigo,” yinuk, Ala endage tiyappogo logogun o.

Nggalatiya 1:7

Wone obeelom wone alik ambi inom wonage lek aret kwe, it aap ando nen Keritut eeke nagagerak obeelom wone nogo, “Abut laganuwok o,” yinuk, wone alik ambi inom nabenogo agan nugwi ti paga, kit kiniki naalop-kaalop eerogo pinagagwi iigirak me nduk, yokkiragi o.

Epetut 1:13

Kit kinagap ndariyak Ala ari menggerak obeelom wone nogo, konembunuk, abet mba'nuk kiniki Keritut oba panggombogo mbareegup, wam yelok kaawak nduk, aruk nggaganggo mengga kwak, kit Ala apuri alik leenak yelok logobagip nduk, Aberiniki wo'niroorak koonogo pereegerak nogo, kit kunduk wokkiragagerak.

Epetut 1:15

Togop me, kit nen ninowe Yetut abet mba'nuk, kiniki at oba panggombugwi, ndi, Ala apuri ake leenak abok aret kinom kiniki kunik aganakwi, eerit nogwe nogo, an konengge nagagirik,

Epetut 4:1

Ti kenok, noreewi o. Kit eeko logorak yonggo pinagareegerak Ala nen kit ndak-ndak aret eerit nogwe kiyaawak nduk, an ninowe oone wonok yoranet nege paga keele maa'nabeegwaarak nogo nen, “Ao,” mbake logonet, yokkiragi o.

Pilipi 2:12

Togop me, noreewi o. Kit an niniki kunik me, wone ambi yokkira o. Aa'nduk kit ninom time logonet, an noone yugu ndak-ndak eeko nogogutak nogo kokwak, yogondak neebe yime neegak, kinagap ndakkolaabagip nduk, kinagabiti nen kinaganak wake logonet, ambinom nggwiirit-nggwaarit eeko logonip o.

Pilipi 2:24

Ndi, an togon, mbet-mbet kiya woroorak nogoba Ala nen tu koonogo panigin abet aret mbake kwe,

Pilipi 3:20

nit perak, ninawi ninaworak mbogut paga wonage me, ninagap ndaka ninowe Yetut Keritut mbogut paga nen, “Mbet-mbet woraawak lak, ao,” yinuk, tokkogo ogoorik o.

Pilipi 4:1

Togop me. noreewi o. Kit an niniki abu kunik me, kinoba mondok aberak mban wonage o. An nanggare-nggare mendaarak inom, niniki ale'nggen mbake inom, ti, kit kineebe aret me, ninowe kinom kunik logonet, wone ti mondok nu'lek porogo logonip o. Ai, noreewi niniki kunik wa!

Kolote 1:10

Kinake tamban eekwi ti, ninowe inikilom kinombaruwak nduk, ndak-ndak eerit nogo logonet, eyoonggen abe yi'nage menggi kwak, obeelom eerit nogwe, ndi, Ala eeke menggerak kineenu ogo logonet, kiniki kole ogwe, eerubagip nduk, kinake tamban eeko monggoorak.

1 Tetalonika 3:6

Ndi, yogondak perak, at Timotiyut muk kit wonogome nen nit niya wagaarak o. Ndi, niya wage nagaarik, wone obeelom wone kit kiniki abet mbakwi wone inom, aakumi kinom kiniki kunik aganakwi wone inom, ndi, nit nen, “Kit kiyaawok lak, ao,” mbakwi kwak, kit nen, “It iyaawok lak, ao,” ninomba'nuk, kulinik-kalinik ninoba abeko logonet, kinale'nggen mbakwi nogo inom, yo'nira wagaarak o.

1 Tetalonika 4:1

Ndi, noreewi o. Wone irip paga iluk ambi yokkiroorak mbakoorak me yokkiraawi o. Ala inikilom kinombaruwak nduk, “Nonggop eerit nogo logorak?” mamunggirogogurak nogo, muk eerit nogwe aret kwe, ambinom mondok nggwok togon eerit nogo logobagip nduk, ninowe Yetut nen yo'nirage kenok lengganogo yokkirogo o.

1 Timotiyut 1:11

Ala wone kole wone nogo ti, nit alut eeko monggoorak tiyanak menggerak Ala nogo nen obeelom wone an unde logokit nduk, eeppaneegerak nogo aret o.

2 Timotiyut 4:7

Nit abet mba'nuk mugurok nogwe nogo kolaawok nduk, wakkagak eeko monggoorak nogo ti, an mondok wakkagak eeke nagagirak o. “Kuli ndi paga mbe agan mi'nari nak o,” yorogwe iinok, mbe agan mi'nari nogo mengga kwak, an abu irip paga kuli mi'nari wagi o. Nit wone abet mba'nuk mugurok nogwe nogo ti, an mondok aret porogo wonagagirak.

Titut 2:10

It aakumi inayeloman nogo ti, inogobamini inamendek yogoot kumaako logorak lek o. It nogo ti, yi eekak ndi eekak eeko logonet obeelom eerit nugwi paga aakumi ugun nogo nen, “Ninagap ndaka Ala wone waawok,” mbaruwak nduk, “Kinogobamini inamendek wagangga'lek liirogon arum logonip o,” yinuk, yorage logot o.

Yakobut 3:18

It aakumi iniki lambumbiinet nega nogo nen awi anggen yako mengga kwak, aakumi iniki lambunik logowak nduk eeppiinet nugu nagaatik, ti'nuk, anggen kole age kenok, mbanggologo mengga kwak, aakumi obeelom mban eerit nugwi paga iniki ugun tayenak ale'nggen paga wonogwe iigo menggaarak o.

2 Peterut 3:11

Yi mendek ndi mendek abok togop aret lek arigin me, nit ninobaabut nonggop logonet eerit nogo logowok mbakop? Lek o. Ninowe wage eyom paga mbogut kani nanet nage, ndi, tut-laaluguragan kani eyak mondok aganggen alik nen amburu tigi-tigi wungge logonet, lek eerogo pege, eerigin me, “Ninowe mbet-mbet woraawak o,” yinuk, tokkogo logonet, nineebe apit Ala ake leenogo punuk, maluk eeka'lek ninobaabut mondok obeelom logonet ninowe mugurok nogo logowok o.

2 Peterut 3:14

Togop me, nowe-nawot o. Kit an niniki kunik me, wone ambi yokkira o. “Nit o ti unde eeppinanuwak o,” yinuk tokkogwe me, maluk kinoba lenggenggwi, aakumi inoone kinoba pugwi, eeka'lek kiniki abu obeelom Ala kinom kiniki ambit lambunik wonogwe me kiya woraawak nduk, kulinik-kalinik kiniki ndegenggologo logonip o.

Yurat 1:3

Noreewi o. Kit an niniki kunik me, wone ambi yokkira o. Kit ugun kineenggo'lek kiigak, it aap ando kinenggela'me unggwi wogo nagaarik, Ala iniki kunik en obeelom eeppinanege menggerak wone nogo, abut laganogo, “Ala iniki kunik ee'ninake menggerak me, nit maluk eekwi niinok, maluk ninoba pinanigin lek o,” yinuk, iniki liirak lek iniki nengge kenok ugun-ugun eerit nogo logonet, at Aliku ninowe Yetut Keritut nogo ti, “Nit ninowe lek o,” yinuk, yogo menggaarak. Togop me, Ala nen it maluk eekwi onggo muk inoba piyoorak nduk, punogo piyareegerak wonage kagak, we ugun kobak logonet, agan nugwi me, nit ninagap ndareegerak wone ndak-ndak waganeegurak nogo, amburu mbanogo liiru mbanggiraakit mbakirak kwe, it togop agan nugwi iinok, abet mbakwi wone ambit at Ala nen o maan nit at apuri ake leenak mondok-mondok unde eeppinaneegerak wone nogo, taganogo mbo pugwi kiyo, “Yi Ala wone aret me, taganiyak lek o,” yinuk, mondok kinogogumbuk logonet, pipporogo logobagip nduk, liiru yi, mbanggiragi o.