Pilipi 1:22 - Ala Wone Peenok Peebi Mbanak

²² An neenik logorak kenok, Ala wone yoranet nage paga ambi anggen yippiyoorak kagak eerukwak me, an nggaruk togon, “Kambi a, neenik logi a?” yinuk, miikkoloorak ti meek o.

Pilipi 1:22 ပူးပေါင်းရင်းမြစ်များ

Wakkagagerak 21:26

at Abimelek nen, “Yogop eekaarak o, yinuk, mbet-mbet yo'niriyak me wonagandak o. Wone yi, an neenggo'lek aret me, yogondak mban aret konenggi ti, ta nen eekerak me yagan o?”

Wakkagagerak 39:8

Yoge mbareegi, at Yutup nen, “Neebi o,” ari nagagerik, “An nogoba ame yi mendek ndi mendek kooniyak nogo ti, nogoba koonggeelik, an mban koongge logowak nduk, mippanege mbareegi, amindik-amendek abok aret an mban unde wonage me, neebi o.

Ndawi 71:18

Togop aret me, Ala wae. Kat komaawi logonet iya eeke menggendak nogo, It yogondak ndarak yi, yorage, It peebi nda'narugun kunduk mbininogo yorage, Eeka'lek neegak, Nanggok ari nage, neeruwak kenen mbangge, Eeke neenok kat nen mbo paniyak ti mage o.

Wundeegwaarak 32:1

Ndi, at Muta puut paga laganeegerak nogo mbet-mbet wambi waga'lek mbareegi, it aakumi Iterali nogo Karun owagam kuwak ari nanuk at yogo logonet, “At aap o Metit nen op mbakak wo'niren wundi wage nagaarik, eebe nggeeme ari naga o? Nit nineenggo'lek me, aa'nduk a'nuk tu ni'niren nawak nduk, Ala kokwak ambi ogobakkigi'niret o.”

Nappiigak 3:17

Ai, noreewi. Kinoweewi kinom eekotak nogo ti, kobak logonet eekotak an neenu aret o.

Oroma 1:13

It endekem konenggulik ando yi awi ndi awi time yoranet nagagirak waganeegwa kwak, kit togop aret waganggwi kiyaakit nduk, yokkira woroorak koongge nagagirak kwe, “Ambi oba yilinik wonage aret kogo o,” mbarubagip nduk, yokkiragi o, noreewi.

Oroma 11:2

It nda'naga'lek iigak, Ala nen apuri miirinabeegerak ti, mondok mbo piyareegerak lek o. Aakumi Iterali mendek maluk eeko mbareegwa, inooruwak nduk, at Eliya nen Ala yoreegerak liiru mbanak nogo kineenggo'lek a?

2 Korindut 10:3

Nit nggween paga yime nugu monggoorak ti abet aret kwe, it nggween paga mendek eeko menggaarak nogo kokwak, nit ambi kolaawok nduk, eerit nogwe abu lek o.

Nggalatiya 2:20

An Keritut nimbirak eyo karo-karo paga nabenogo paneegwaarak me, kambeegirak. Ndi, yogondak eerit nage minggirak nogo ti, an nomaawi paga lek o. Ata, Keritut omaawi eeppanege kagak eerit nage minggirak me, an nggween paga yime neegak, at Ala aput nabuwa mba'nuk, nake kambeegerak me, at abet mbake logonet, niniki at oba panggombunuk, eerit nage agarik o.

Pilipi 1:23

An Keritut nimbirak logorak ti, op lombok mbake logonet, nggween paga yime mbo punuk, ka noorak, “Ao,” mbake kwe, kit ninom logonet eeppinagarak ambi wonage mban me, niniki abu mbere ee'nake o, noreewi.

Kolote 2:1

It Laworikiya mendek inom, it ando an neebe ineenggo'lek inom, kinom abok aret obeelom mban eeko logobagip nduk, aaninggin tit kagak kwe, kinake nggwiirit-nggwaarit eeke minggirak nogo, kineenu arubagip nduk, yokkiragi o.

1 Peterut 4:2

Kit togop aret eerogo patinuk wonogwe kiinok, o yogondak kuli nen nggween paga yayi wonogo logonet, kiniki nen nengge nogo mban mugurok nogo logorak lek o. Ata, Ala iniki mbake nogo mban ndak-ndak eerit nogo logonip o.