Pilipi 1:17 - Ala Wone Peenok Peebi Mbanak

¹⁷ Ndi, it ando nogo nen perak, iniki obeelom paga Keritut wone yorogwe lek o. Ata, “An ari mban konenuwak o,” yinuk, an keele maarak neegak, aaninggin ambinom noba paniyak mba'nuk iniki laakot mbako logonet, yorogo menggaarak o.

Pilipi 1:17 ပူးပေါင်းရင်းမြစ်များ

Lukat 21:14

Kit kiniki warak logonet, it aap kinom ogoorak nogo wone obeelom kenaarogo yoramonggotak paga it inoone onggo yokkirogwe, kinoone taganggwi, eeriyak meek wone nogo mendek yokkiraminggirak me, Naana'le mbanogo ndogop yoraakit o, yinuk, wone kinikime koongga'lek we ugun logomunggup nduk, eekkolaanip o.

Nappiigak 22:1

“Noreewi, nogobamini o. Kit wone noba lenggenggotak nogo alom mbininogo yokkira o,” yinuk,

Nappiigak 26:1

Yorage mbareegi, at Agiripa nen Pawulut yoge logonet, “Kat eekendak nogo yu o,” yinuk, yoge mbareegi, at Pawulut wone yikit nduk, eenggi paga nen, “Puk logonip o,” yorage nagagerik,

Nappiigak 26:24

Pawulut nen wone ti awo yorage kagak, at Petut nogo oone nggwok paga ari logonet, “Pawulut wae. Kat kumili aret keegi o. Yi wone ndi wone mamunggo'net nege paga kumili negen aret agan nege keegi o.”

Oroma 2:8

Ndi, it ando inobaalombok mban eekkoloorak koombunuk eerit nogo logonet, Ala yereegerak nogo mugurok naga'lek, maluk mban eekwi iinok perak, Ala nen, “Aap yi, abu maluk aret o,” yinuk, anini nen maluk eeppiyaagin o.

Pilipi 1:18

Togop agan nogwe iinok ti op mban aret o. It iniki laakot nombako logonet yorogwe a, iniki obeelom paga yorogwe a, nogo ti, Keritut wone mban aret yorogwe me, “Op mban aret o,” yinuk, niniki ale'nggen mban mbake minggirak me, yogondak togon niniki ale'nggen aret agarik o.

Pilipi 1:7

An yogondak keele maarak wonage neegak inom, aa'nduk nawone mbanuwak nduk, mippanugo mbareegwa, obeelom wone mondok nu'lek logowak nduk, yorage neegak inom, kit mbo panulik me, Ala iniki kunik nen unde eeppaneegerak nogo, “Kat ninom ndak-ndak eeko logowok o,” yinuk, kit abok aret eeko nogogutak nogo paga, an niniki mondok kit ninom kunik wonage me, kinoba abe'nage kenok, niniki ale'nggen logonet, kit kinake Ala, “Wa!” yoriyak ti, op aret mbake agarik o.

Pilipi 2:3

Kit yi mendek ndi mendek eeko logonet, ambi koloorak nduk eeppiigwi, ndi, “Tiyappinanuwak,” mba'nuk eekwi, ti eerugup o. Ata, kiniki tebenak logonet, “An ti, meek, ndi, nore perak, iya o,” mbako logonet, eeppiigo logonip o.

1 Timotiyut 2:7

Ala nen yi aakumi ndi aakumi abok eeppiyoorak kooneegerak nogo, it aap endekem mendek Ala ari menggerak wone ineenu a'nuk, abet mbariyak wone nogo, agan nage logokit nduk mippanege, ndi, yi awi ndi awi yoranet nege logokit nduk, nappiigak agago panege, eereegerak o. Wone ti, pilit lek abu abet aret yokkigi o.

2 Timotiyut 2:9

An wone ti aret yorage neenok, maluk eeppanegak mban eerit wogoga, wogoga, irip paga, “Aap abu maluk eeka o,” yinuk, keele maarogo paneegwaarak yime wonage kwe, Ala wone perak, keele maariyak meek me, wiganinuk nage agaarik o.

2 Timotiyut 4:16

Aa'nduk, nawone mbaniyak nduk, eekwi me, noreewi ambi abu neya woroolik abok aret mbo paneegwaarak kwe, nowe Yetut nen perak, nimbirak logonet, niniki eyak wappaneegerak. An obeelom wone yorage logokit nduk, mippaneegerak nogo, ambi wuppulik tigitogon it aakumi endekem mendek abok aret konenuwak nduk, “An yoraakit o,” yinuk, mi'nage neegak, nowe nen mban nomaawi eeppanege, niniki eyak wappanege, eereegerak o. Togop me, maluk eeppaniyak mbakaarak nogo singa ambeme nen ndinggwi kwak, ndinnabeegerak. Ndi, noreewi mbo paneegwaarak nogo maluk inoba piige kero, Ala yoge minggirak.