Pilipi 1:15 - Ala Wone Peenok Peebi Mbanak

¹⁵ It ando nen, “Nit togon ninoone konenggo logowak o,” yinuk, abet aret ineebi nombako logonet, “Tebembuwok,” mba'nuk, Keritut wone yorogo menggaarak kwe, it ando nen perak, iniki obeelom paga yorogo agaarik o.

Pilipi 1:15 ပူးပေါင်းရင်းမြစ်များ

Matiyut 23:5

It yi mendek ndi mendek eekwi abok aret nogo ti, Aakumi inigen niyaawak o, yinuk, eerit nugu logonet, kiwone mbanak yonggolak inenggaawak paga nabenogo keele maakwi, inayum o'lu paga nggagik-nggogok eerak pugunogo wuppunuk tamban eekwi, eeko menggaarak.

Nappiigak 10:36

Yi aakumi ndi aakumi abok ninogoba nogo ti, Yetut Keritut aret me, Yetut Keritut eereegerak paga Ala ninom lambunogo pinanggerak o, yinuk, wone obeelom wone it Iterali ineenu aruwak nduk, nappi wagagerak nogo, kineenu aret o.

Nappiigak 11:20

it ando o Tipurut mendek inom, o Kirene mendek inom, nen perak, o Andiyokiya unggwogo nogogwaarik, it aakumi Yunani mendek nogo inom konenuwak nduk, ninogoba Yetut wone obeelom wone nogo yorogo nogogwaarak.

Nappiigak 5:42

Nogo nogogwaarik, Ala awi wurik me nen, oome nen, abok aret ko'lu-kii'me wone mamunirogwe, “Ala nen leenogo mippereegerak nogo ti, Yetut aret o,” yinuk, wone obeelom wone nogo yorogwe, eerit nugu nogogwaarak.

Nappiigak 8:35

yinuk, yoge mbareegi, at Piliput nen, “Yokkirikit o,” yoge nagagerik, wone liiru mbanak ti paga at Yetut eereegerak wone obeelom wone nogo mbininogo yoreegerak.

Nappiigak 8:5

Ndi, at Piliput o Tamariya kota ambi me nage nagagerik, Ala nen leenogo pereegerak Keritut abok it aakumi time mendek paganogo yoragagerak.

Nappiigak 9:20

ti'nuk, “Yetut ti, Ala aput aret o,” yinuk, it aap Yakuri tamban eeko menggam lombok wone nogo yoranet nege nagagerak.

Oroma 2:8

Ndi, it ando inobaalombok mban eekkoloorak koombunuk eerit nogo logonet, Ala yereegerak nogo mugurok naga'lek, maluk mban eekwi iinok perak, Ala nen, “Aap yi, abu maluk aret o,” yinuk, anini nen maluk eeppiyaagin o.

1 Korindut 1:23

nit perak, Keritut eyo karo-karo paga wareegwaarak wone nogo mban paganogo yorogo monggoorak. Wone ti, it Yakuri nen konembunuk, “Wone yi yogwe paga yilunogo pinanege me, woorak nineebi o,” yinuk, yogwe, ndi, it endekem konenggulik mendek nen konembunuk, “Ti wi wone negen aret kogo,” yinuk, yogwe, eeko menggaarak kwe,

1 Korindut 13:3

An nen nayi mendek ndi mendek abok it aap ineenggi lek nogo tumburirage, ndi, Ala wone yorage paga onggo nggwok kolaakit mba'nuk, “Neebe inom noorogo kani kumbaninip o,” yorage, eeriminggirak kwe, aakumi inabuwa mbaka'lek logonet, eeriminggirak me, onggo an ambi kolaagin mondok lek aret o.

2 Korindut 1:19

An togon, Tilat togon, Timotiyut togon, nit kinenggela'me logonet, Ala aput Yetut Keritut eeke nagagerak wone yokkirogo nogogurak nogo ti, at nen, “Eerikit,” mbake logonet, “Neebi,” ari, ndi, “Neebi,” mbake logonet, “Eerikit,” ari, togop ari logolik o. Abet aret, “Eerikit,” mba'nuk, ari menggerak nogo ndak-ndak, nit kunduk abet aret, “Woroorak,” mba'nuk, yokkirogogurak o.

2 Korindut 11:13

It aap ti nen, “Nit Keritut nen nappinani wagaarak o,” yinuk, inoone eegu yimela-nimela agan wogo logonet pilit pugunogo yoranet nugwi, aakumi wi-wi aganako logonet inambokan laganggwi, eerit nogo menggaarak.

2 Korindut 12:20

An nen, “Kit eeko logorak,” mbake nogo kagak alik eekwi me kiya wage, ndi, kit nen, “At ndogop eeri woraawak,” nombakwi kiigak, an nen alik eeri wage, eerukwak, an nagabiti mbake agarik o, noreewi. An kiya wage logominggirik, noone-koone agan nugwi, nuwa-kuwa yogwe, nanini-kanini yogwe, an iya kat iya yogwe, nabok-kabok yogwe, wone kinambe irip paga wonok nugwi, wogoppatit nugwi, ogoorak ka'let eekkologwe, eekwi me kiya wage neyo, nagabiti ee'nake o.

2 Korindut 4:5

“Nit aap iya o,” yinuk, eeko monggoorak mbininogo yokkirogwe lek o. Ata, “At Yetut Keritut ti, ninowe aret me, at mban iya o,” yinuk, yokkirogwe, ndi, nit togon, “Yetut yereegerak ndak-ndak, nit kit kinayeloman aret o,” yinuk, yokkirogwe, eeko monggoorak o.

Pilipi 2:3

Kit yi mendek ndi mendek eeko logonet, ambi koloorak nduk eeppiigwi, ndi, “Tiyappinanuwak,” mba'nuk eekwi, ti eerugup o. Ata, kiniki tebenak logonet, “An ti, meek, ndi, nore perak, iya o,” mbako logonet, eeppiigo logonip o.

1 Timotiyut 3:16

Nit Ala wone abet mba'nuk waganggo monggoorak kote kumaarak lombok wonagagerak nogo yi o. “At aap aret kin ari wage mbareegi, Yi Ala aput, mbaruwak nduk, Aberiniki nen kin eeppereegerak. Kin eeppege mbareegi, it malayikat nen at eebe inigen kogwe, Ala wone ineenggo'lek mendek wonogome yoranet nogwe, it aap abok aret at abet mbakwi, eeko mbareegwa, Wi, ugwi iigak, wonok laganeegerak o,” yinuk, yogo menggaarak nogo mondok abet aret kogo o.