Pilemon 1:7 - Ala Wone Peenok Peebi Mbanak

⁷ It Ala apuri alik leenak kiniki kunik aganake logonet, iniki eyak wappiinet nage paga niniki kwippaneegindak me, niniki ale'nggen nggwok mbake logonet, “Wa,” yokkigi o, noreeluk.

Pilemon 1:7 ပူးပေါင်းရင်းမြစ်များ

2 Korindut 7:13

Wone mbet-mbet koonggotak ti paga niniki ale'nggen ambik mbako ogoorik o. Ti awo mbakwi niigak, Titut iniki eyak wappogotak me, ale'nggen ambik mbake logonet, nit yo'nira wage mbaki, nit togon abunuk niniki ale'nggen ambik mbakoorak o.

2 Korindut 7:4

Kit ninom kunik me, “Abet aret wo'ninabugun,” kinomba'nuk, niniki ale'nggen mbake logonet, yokkiragi o. Aaninggin-paaninggin ninoba age tit kagak kwe, kit abet mba'nuk, eerit nugwi paga niniki eyak wappanugwi me, “Kit yi, iya o,” yinuk, niniki ale'nggen abu alik negen ee'nake agaarik o.

1 Tetalonika 1:3

Kit abet mba'nuk eerit nugwi, aakumi kiniki kunik nen nggwiirit-nggwaarit obeelom eeppiinet nugwi, ndi, ninowe Yetut Keritut paga kiniki lunik wonogwe me, aaninggin kinoba age kagak kinogogumbuk logonet waganggwi, eekwi nogo ti, aberak logonet, ninogoba Ala yogo monggoorak o.

1 Tetalonika 2:13

Togop me, Ala wone yokkirogogurak konenggo logonet, “Yi we aakumi inoone lek o. Yi Ala wone nit abet mbakwi ninikime koonninake menggerak wone abet aret o,” yinuk, waganeegutak me, nit puk aga'lek kulinik-kalinik, “Ala wa,” yogo monggoorak.

1 Tetalonika 2:19

Nit niniki lunik inom, niniki ale'nggen mbakwi inom, obeelom eekwi niinok nggare-nggare mendaarak yippinanege kenok, wogoppatiyak nogo inom, ti taamini mbakop? Lek o. Nit ninowe Yetut wage kenok eeppinaniyak nogo ti, kit abet mba'nuk eerit nugwi paga aret o.

1 Tetalonika 3:9

Kit eerit nogwe paga nit niniki ale'nggen ambik ee'ninake me, “Ala wa,” yinuk, at yogo monggoorak nogo ti, at eenu aret kwe, iya negen ambi ngge mendek yorubok ee'ninake agaarik o.

2 Timotiyut 1:16

At aap Onetiporut perak, an mbuti keele maarak neegak, agabiti nen mbo panulik nabenak mban niniki eyak wappani wagak mban eeke nagagerak me, at apuri inom abok aret ninowe inabuwa nen obeelom eeppiige logogin o.

Pilemon 1:20

Ai, noreeluk. Yokkigirak ti, abet aret eeke keenok, “Yi Ala nen iniki koonggerak paga eeke,” komba'nuk, niniki ale'nggen ee'nabuwak nduk, at eebe wamen o. Nimbirak Keritut apuri mban aret me, niniki ale'nggen eerogo panenok nduk, yokkigi o.

2 Yaya 1:4

At ninogoba Ala nen, “Yogop ee'nip o,” yo'niragagerak nogo kat kaagalogwe ando kinom ndak-ndak eerit nogwe konengge nagarik, an niniki abu ale'nggen mbakirak o.