Pilemon 1:20 - Ala Wone Peenok Peebi Mbanak

²⁰ Ai, noreeluk. Yokkigirak ti, abet aret eeke keenok, “Yi Ala nen iniki koonggerak paga eeke,” komba'nuk, niniki ale'nggen ee'nabuwak nduk, at eebe wamen o. Nimbirak Keritut apuri mban aret me, niniki ale'nggen eerogo panenok nduk, yokkigi o.

Pilemon 1:20 ပူးပေါင်းရင်းမြစ်များ

2 Korindut 2:2

An niniki wakkolage neenok, niniki eyak wappaniyak kit aret me, niniki puru agan kiya wage logominggirik, mbekkirage paga kit kunduk kiniki wakkologwe me, taamini nen an niniki eyak wappanemengga? Lek aret o.

2 Korindut 7:13

Wone mbet-mbet koonggotak ti paga niniki ale'nggen ambik mbako ogoorik o. Ti awo mbakwi niigak, Titut iniki eyak wappogotak me, ale'nggen ambik mbake logonet, nit yo'nira wage mbaki, nit togon abunuk niniki ale'nggen ambik mbakoorak o.

Pilipi 1:8

At Keritut Yetut nen kinabuwa mbake logonet, iniki kunik eekkinake menggerak nogo kokwak, an togon kit ninom niniki mondok kunik me, “It iyaakit lak, ao,” kinombake nogo ti, Ala eenu aret o.

Pilipi 4:1

Togop me. noreewi o. Kit an niniki abu kunik me, kinoba mondok aberak mban wonage o. An nanggare-nggare mendaarak inom, niniki ale'nggen mbake inom, ti, kit kineebe aret me, ninowe kinom kunik logonet, wone ti mondok nu'lek porogo logonip o. Ai, noreewi niniki kunik wa!

Pilemon 1:12

Yogondak keya woraawak nduk, kowagam nappi wagi ti o. Ndi, at eebe wage logonet, an niniki inom nikkenok wage agaarik o.

Pilemon 1:7

It Ala apuri alik leenak kiniki kunik aganake logonet, iniki eyak wappiinet nage paga niniki kwippaneegindak me, niniki ale'nggen nggwok mbake logonet, “Wa,” yokkigi o, noreeluk.

Iberani 13:17

It kinogobamini nogo ti, “Aakumi nonggop inarum wonogotak o, yinuk, Ala nen yo'niraagin,” mba'nuk, liirogon aret kiniki arum wonogwe me, inabu'me logonet, wone yokkirogwe nogo, liirogon aret konenggo logonip o. It inoone konengga'lek wonogwe kiinok, inale'nggen lek logonet, kinarum liirogon wonogwe lek paga maluk aret eekwi kiyoorak me, iniki ale'nggen paga kinarum logowak nduk, inoone liirogon aret konenggo logonet, obeelom eeppiigo logonip o.

1 Yaya 3:17

Aap ambi eenggi warak nen ore aaninggin oba agaarak enegen kage kwe, abuwa mbaka'lek, “Obaalombok o,” yinuk, mbo pege kenok, Ala nen aakumi inabuwa mbake menggerak nogo mendek inikime wonage abu lek aret mbako logowok o.

3 Yaya 1:4

Yi mendek ndi mendek eerit nage nogo ti, nale'nggen mbuuluk mbake minggirak kwe, an napuri nogo nen, “Ala ndogop menggerak o,” yinuk, wone woppunuk, mondok ndak-ndak eerit nogwe naruk konengge kenok perak, niniki ale'nggen nggwok lombok mbake minggirak o.