Pilemon 1:19 - Ala Wone Peenok Peebi Mbanak

¹⁹ “At Pawulut nen yoga'lek kagak liiru mbanggerak o,” nombake keyo, “An Pawulut nen aret onggo wokkirigin o,” yinuk, wone ambiriluk ti, an neenggi lombok paga aret liiru mbanggigi o. An wone yokkereegirak paga kiniki abet mbareegindak nogo ti, nanomat mbanak pogom koba wonage me, ambi yi inom koba pagakit lak kwe, mbo pigi o.

Pilemon 1:19 ပူးပေါင်းရင်းမြစ်များ

Wakkagagerak 43:9

An nen aret wonok nimbirak naminggirak me, liirogon aret wonok kiri waga'lek neenok, at eebe kokwak awi yarak ti, an neebe aret me, kat maluk eeppagagirak onggo nobaalombok nen koonogo eeppagage neegak, neebe kambi noorak kuli aret aruwak o.

Oroma 16:22

At Pawulut nen, “Yogop mbanu o,” yo'nege kagak, liiru yi mbanggirage an Teritiyut nogo nen, ninowe nimbirak niniki kunik logonet, keyage wappinagagi o.

1 Korindut 4:15

Kinarum logonet, Keritut eeke nagagerak wone mamunggirogo logorak nogo, ineebe apit sepuluh ribu negen logorak op aret kwe, abok kinogobamini lek o. Keritut Yetut nen nappaneegerak kinenggela'me logonet, obeelom wone iyaalok yokkirage nagagirak nalik aret me, kinogoba an nalik aret o.

2 Korindut 10:1

“At Pawulut nda wonage logonet, agabiti mbaka'lek mondok lok togon yo'nirage, ndi, nit ninenggaanom kenok perak, agabiti mbakak oone yanggorogon yo'nirage, eeke menggerak o,” yogo monggotak kwe, Keritut ninabuwa nen oone yanggorogon yo'nirage menggi kwak, an Pawulut togon ndak-ndak, niniki, “Ao,” mbake logonet, wone ambi yokkira.

2 Korindut 3:2

Nit yokkirogwe niigak, Ala nen eekkinabeegerak niniki mondok aberak wonogwe me, aakumi abok aret kit liippinaganuk, nit eeko monggoorak ineenu ariyak liiru mbanak kwak, kit kineebe aret o.

2 Korindut 9:4

“Kit abet aret kuwak eerumunggup,” kinombake logonet, yoragarak nogo, an Makendoniya mendek ninom pekkiya wogo logomonggoorik, “Yi kuwak eeka'lek kagak yo'niragaarak kogo,” mbakwi iinok, kit ninom ninenggali arukwak, mbet-mbet kuwak eeko logonip o.

Nggalatiya 5:2

Kit liippatubagip nduk, an Pawulut nen wone ambi yokkira o. Kit kinagabolo mbaniyak mbakwi kenok, Keritut nen eeppinagarak mbake nogo, ambi eeppinagagin mondok lek aret o.

Nggalatiya 6:11

An neenggi lombok paga liiru yo'nggok lombok mbanggiragi yi kaanip o.

Pilemon 1:18

Aa'nduk kimbirak logonet, maluk ambi eeppagage, kamendek ambi wagangge, eereegerak kenok, at yoriyak lek o. Ata, an nobaalombok me, an aret yo'nirumunggun o.