Pelaareegerak 9:7 - Ala Wone Peenok Peebi Mbanak

⁷ Ti'nuk, yorage logonet, “O Metit wundi wogogutak kuli nen yogondak kuli at Aliku kinogoba Ala oone taganogo pit wogwe, o karume time wonogo logonet, anini wunduwak nduk eekwi, eereegutak nogo kobak eerogo puurak ti mage o. Ata, aberak mban logonip o.

Pelaareegerak 9:7 ပူးပေါင်းရင်းမြစ်များ

Wundeegwaarak 14:10

Panggo yi wogo mbareegwa, it aakumi Iterali mendek ina na'nogo nogogwaarik, aakumi Metit mendek muguren inowagam panggo yi wogo mbareegwa, inagabiti nen inoone nggwok paga Aliku ALA yoreegwaarak.

Wundeegwaarak 14:11

Yogo nogogwaarik, Muta yogwi, “Nonggop eeppinaniyak nduk, o Metit nen wo'niren wundi wagandak? O Metit nggween taambinaniyak lek kenok, o karume yime kambuwok nduk, wo'niren wagandak ya?

Wundeegwaarak 16:2

Karume time ari wa'nuk logonet, it aakumi Iterali kuwak aago nogo abok nen Muta Karun imbirak ineebi-ineeba eerogo piigo logonet,

Wundeegwaarak 17:2

Niyo abu aganake mbareegi, ineebi nen Muta inoone yi-wu yogo logonet, “Nit niyo noorak nduk ambi wo'niret o.” Yogo mbareegwa, at Muta nen it yorage, “Kit kinoone yi-wu yo'nugwi, ndi, at Aliku ALA nogo abut mbanggwi, eekwi ti, nonggop nduk eeko ogotik?”

Wundeegwaarak 23:21

Nappi woraagin nogo ti, an noone aret wonok yokkira woraagin me, At yi nineebi o, yinuk, oone taganogo pugwi kiinok, at nen kit yogwe ti, lek eerogo pigin lek me, at oone yokkirage nogo mondok liippunuk, konenggo logomunggup o.

Yetaya 48:8

An yorage nogo inaruk konenggwi, liippugwi, eeka'lek aret agaarik o. O aa'nduk nen inaruk logu negen eeppunuk wonogwe iinok, Nda'nogogwaarak kuli nen nok yogondak kuli aakumi nen, Inogogun ambik o, yinuk, yorogwe iige, Ndi, an kunduk, wone yorage taganogo punuk, alik agan nugwi abet aret iige, Eeke minggirak kwe,

Yeremiya 11:10

An yorage nagagirak nogo inombomini nen, Eeriyak, nineebi o, yinuk, mbo punuk, maluk eerit nugu nogogwaarak nogo aret mugurok nogwe, an wonage neegak kwe, kugi mugurok nogo logonet, ayuk wukwi, eeko agaarik o. It Iterali paga wiganak inom, it Yekura paga wiganak inom, nen wone eeko logorak inombomini ninom koonogo pereegirak nogo piinogo mbo pereegwaarak me,

Yeremiya 32:30

Aliku ALA nen ari logonet, “It aakumi Iterali mendek inom, Yekura mendek inom, o maan awo wiganggo logonet, nenegen neegak obeelom ambi eeka'lek maluk mban eekwi, ineenggi paga eerogo pit nogogwaarak paga nanini kaawak nduk, mban eekwi, eerit wundi wogogwaarak o.

Yeremiya 44:9

It inom, inakuwi inom, o nggween Yekura paga kunduk, o Yerutalem tu paga tu paga kunduk, maluk lombok eerit nugwi, ndi, it inombomini inom, it aap Yekura inoweewi inendagembogut inom, inoweewi inendagembogut inakuwi inom, maluk mondok iya tit eerit nugwi, eeko nogogwaarak nogo kobak eeppunuk eeko agaarik ya?

Yetikiyen 20:13

Ti eereegirak kwe, it aakumi Iterali o karume nen an yorage nogo eeriyak ineebi mbakwi, noone yoragatak eekwi iinok, ineenik logogun kwe, kagak wone lengganogo yoragagirak nogo taganogo pugwi, eeko logorak wone yoragagirak nogo mbo pugwi, ndi, nogo 6 yippunuk, ko'lu paga yonggonggologo logorak leenogo pateegirak kunduk, maluk eerogo pugwi, eereegwaarak. Eeko mbareegwa, o karume time aret nanini mondok nggwik togon inoba kwippiinok, ineebe lek eerogo piyaakit kooneegirak kwe,

Yetikiyen 20:43

O time logonet, inobaabut wonogogwaarak inom, eerit nugwi paga maluk eerogo pako nogogwaarak inom, abeppunuk, Maluk lombok kagak eeko nogogurak paga nit ninogole warak aret kogo o, yinuk, yugun o.

Yetikiyen 20:8

Yoragagirak kwe, an yorage nogo eeriyak ineebi mbako nogogwaarik, an noone konenulik mbo punuk, Yeenggwa niraawak o, yinuk, ogole warak ogut eerak ayuk wukwi nogo mbo pugwi, it Metit mendek inagugi nogo teppugwi, eeka'lek iinok, an nanini kilirogo inoba piige, it o Metit wonogwe me nanini kani kunik negen inoba kwippiige, Eerikit o, yinuk, koonogo pereegirak.

Yetikiyen 36:31

Ti eeke neenok, it nen ineraambe maluk lombok wonogogwaarak inom, maluk eerit nogo nogogwaarak inom, abeppunuk, Nit maluk eerit nugwi, ogole warak lombok eerit nugwi, eeko nogogurak nogo ti, peyak wurik kwak kagak eeko nogogurak kogo o, yinuk, mbarugun o.

Linggineegwaarak 11:4

It aap ndugumbagik-perambagik mendek Iterali inenggela'me inom wonogogwaarak nogo nen wam kinduwak aret me, “Wam enggaanggum kwak nane,” yogwe iinok, it Iterali kunduk le yogo logonet, “Nit ta nen wam enggaanggum wo'niraagin o?

Linggineegwaarak 17:10

Waganggwi iigak, at Aliku ALA nen Muta yoge, “It aakumi an noone taganogo pugwi yi, ineebi-ineeba yo'nugwi paga kambukwak, an ambinom konenigin lek ineenu ogo logomenggaarik, inoone lek logowak nduk, at Karun owaanggun ti wagangge logomenggendik, iyokan an noone yugu naloobut mbanak me wonage me enaame taati pi nak o.”

Linggineegwaarak 21:5

it Iterali mendek nogo nen, Ala Muta imbirak ineebi-ineeba eerogo piigo logonet, “O karume yime oroti inom, niyo inom, abu lek me, mbi ombat maluk yi mban nunggwi paga peyak wuriyak ee'ninake logonet, o karume yime kambuwok nduk, nonggop nduk o Metit nen wo'niren yime pinani wogotak?”

Linggineegwaarak 25:2

Nogo mbareegwa, it kumi Mowap mendek nen inagugi aanggo warogo lako logonet, “Ninom laruwi o,” yinuk, it aap Iterali mendek yorogwe iinok, inom aret inagugi alut eekwi, kugi aanggo warak larak nogo nunggwi, eeko nogogwaarak.

1 Korindut 15:9

An o maan nen Ala apuri kuwak eerit nogo menggaarak nogo piyak-payak eeginabit nege nagagirak me, “Nappiigak mendek,” yo'nogo logonetak lek kwe, an nogo, it aap nappiigak mendek inabu'me negen logokit nduk, leenogo paneegerak o, obak!

Epetut 2:11

Togop me, noreewi o. It, “Nit ninagabolo mbanak mendek o,” yogo menggaarak nogo nen, “Kit kinagabolo mbanak lek mendek o,” yinuk, yokkirogo menggaarak kit endekem konenggulik mendek nda'nogogutak nogo, aa'nduk wonogogutak kiniki abeko logonip o. “Ninagabolo mbanak o,” yogo menggaarak nogo ti, aakumi nen mbanak aret o.

Pelaareegerak 31:27

It aakumi yi, wone yugu tagangga inanobak yugum an abu neenu aret o. An neenik neegak togon Aliku ALA oone taganggwi iige nagarak me, an kambiminggirak neegak ti, abunuk aret eeko logogun o.

Pelaareegerak 8:2

At Aliku kinogoba Ala nen tu karume wokkiren wage logonet, It aakumi yi, Yogop ee'nu ndogop ee'nu, an yorage nogo liirogon porogo wonogwe iyaamun ilik, lek a? yinuk, kinikime nano wonage nogo eenu arikit nduk, kinabut mbangge, kiniki tebenak logomunggup nduk eeppinagage, eeke kagak, tahun 40 aret eereegerak nogo kiniki abe'nip o.

Pelaareegerak 9:24

Ndi, an kit ninom iyaalok lombok lambuneegurak eyom paga nen nok yogondak kuli kulinik-kalinik at Aliku ALA oone taganggak mban aret eekwi kiige minggirak o.

Pelaareegerak 9:4

At Aliku kinogoba Ala aa'nduk age logomenggerik, mugogo wumbiige kenok, kit kiniki mbako logonet, Nit obeelom eeko monggoorak me, o yi unde a'nuk, logowok nduk, pinani wagaarak, mbarubok o. Ata, It aakumi inanebunu abok ti, maluk lombok eeko menggaarak kenok, at Aliku ALA aa'nduk age nagaarik, mugogo wumbiigi, mbarumunggup o.