Pelaareegerak 9:4 - Ala Wone Peenok Peebi Mbanak

⁴ At Aliku kinogoba Ala aa'nduk age logomenggerik, mugogo wumbiige kenok, kit kiniki mbako logonet, Nit obeelom eeko monggoorak me, o yi unde a'nuk, logowok nduk, pinani wagaarak, mbarubok o. Ata, It aakumi inanebunu abok ti, maluk lombok eeko menggaarak kenok, at Aliku ALA aa'nduk age nagaarik, mugogo wumbiigi, mbarumunggup o.

Pelaareegerak 9:4 ပူးပေါင်းရင်းမြစ်များ

Wakkagagerak 15:16

Ndi, it aakumi Amori mendek yi, it maluk eekwi kwe, inomaluk ambinom nggwok ari naga'lek kagak, kat kombowologwe wigannarit 4 paga ari nogwe ndak-ndak o yime ari wogo logogun o,” yoreegerak.

Yetikiyen 36:22

Togop aret me, it Iterali mendek yorage logonet, At Aliku Itok Menggerak ALA nen yegerak nogo yi aret o. An nen it Iterali obeelom eerogo piyoorak yigin yi nogo ti, it obeelom eekwi paga lek o. Ata, it nen yi aakumi ndi aakumi inenggela'me it nogogwam abok aret nogome logonet, nendage abe alik leenak wonage nogo, maluk eerogo pereegwaarak me, nendage alik leenak nogo obeelom aruwak nduk, eeppiyaagin o.

Yetikiyen 36:32

Ti eerogo piyaagin nogo ti, it iinok, eerogo piyaagin lek ineenu aruwak o. It Iterali mendek ti, eerit nugwi paga it nen inenggali eerogo pakwi, ndi, Maluk kagak eeko nogoorak iya, yinuk, inenggali ogwe, eeruwak o, yinuk, Naliku Nitok Minggirak an ALA nen aret yagi,” yo'negerak me, yokkiragi o.

Ala Unde 18:3

it aa'nduk wonogogwam aakumi o Metit mendek eeko mengga kwak eekwi, ndi, an nen wogoren o Kanan piya nawam it aakumi time mendek eeko mengga kwak eekwi, eeko logorak mage o.

Oroma 11:20

Kit mbakwi ti abet aret kwe, it abet mbaka'lek iinok, pendenogo nappiyareegerak. Ndi, kit perak, abet mbakwi paga kumbinagareegerak wonogo logonet, kiniki wogoppatugup o. Wogoppatumonggotak paga pendenogo nappinagukwak, mondok kinagabiti mbako logonip o.

Oroma 11:6

Ala nen miirinabeegerak nogo ti, it obeelom eekwi iinok, miirinabulik o. Ata, inabuwa nen miirinabeegerak. At Ala nen miirinabeegerak nogo ti, it obeelom eereegwaarak paga miirinabenetak en, inabuwa nen miirinabeegerak nogo ti, pilit aret mba'netak.

1 Korindut 4:4

An eerit mban nage logonet, maluk eekirak ambi niniki aberak wonage lek kwe, ambi wonage kagak, “Obeelom mban eeke minggirak,” yukwak, noone yaga'lek puk wonage me, at nowe nen mban liippaninuk, yo'nirigin o.

1 Korindut 4:7

Nit aakumi tiyak-tebek logowok nduk, ta nen koonogo pinanege menggerak mbakop? At nen wokkiraga'lek kit nen mban kologogutak ambi ngge porogo ogotik? Ndi, at nen mban wokkiragagerak kagak, nonggop nduk, kinalik nen kologogutak negen eekko'nok iya-piya eekkologo ogotik?

Pelaareegerak 12:31

It aakumi ti nen inagugi eeko logonet, ogole warak lombok Aliku ALA eebi mbake menggerak nogo mendek eeko logonet, inapuri wologwe-komologwe ineenik iigak waganogo inagugi ake kani kunggo menggaarak me, at Aliku kinogoba Ala alut eeko logonet, it eeko mengga kwak kit ndak-ndak eeko logorak mondok mage o.

Pelaareegerak 31:27

It aakumi yi, wone yugu tagangga inanobak yugum an abu neenu aret o. An neenik neegak togon Aliku ALA oone taganggwi iige nagarak me, an kambiminggirak neegak ti, abunuk aret eeko logogun o.

Pelaareegerak 8:17

Kit kinikime nen mbako logonet, Nit ninobaalombok nineenggi omaawi paga nen eekkologoorak paga nineenggi warak agaarak o, yinuk, yuurak kiigirak kwe,

Pelaareegerak 9:24

Ndi, an kit ninom iyaalok lombok lambuneegurak eyom paga nen nok yogondak kuli kulinik-kalinik at Aliku ALA oone taganggak mban aret eekwi kiige minggirak o.

Pelaareegerak 9:5

Kit nen obeelom eekwi, kiniki abu koonak wonogwe, eeko logomonggotak paga aakumi inanggween time unde arumunggup nduk, unggwi namunggup lek o. Ata, at Aliku kinogoba Ala nen wone abuk nggaruk togon kumbuk mbanogo kinombomini Abarakam inom, Itak inom, Yakup inom, yoragagerak nogo a'me lik yuwak nduk, eeke logonet, It aakumi inanebunu abok maluk lombok eekwi me, yinuk, at aa'nduk a'nuk mugogo wumbiyaagin o.

Pelaareegerak 9:7

Ti'nuk, yorage logonet, “O Metit wundi wogogutak kuli nen yogondak kuli at Aliku kinogoba Ala oone taganogo pit wogwe, o karume time wonogo logonet, anini wunduwak nduk eekwi, eereegutak nogo kobak eerogo puurak ti mage o. Ata, aberak mban logonip o.

2 Timotiyut 1:9

At Ala nen ninagap ndake nagagerik, nit at apuri at ake leenak logowok nduk, ninayonggo pereegerak. Nit ambi eekkologogurak paga ti lek o. Ata, at ee'ninaburak kooneegerak nogo ndak-ndak, iniki kunik nen eeppinanege logonet, ninagap ndareegerak. At iniki kunik nen eeppinanege menggerak nogo ti, o yi awo wakkaga'lek kagak, “Keritut Yetut abet mbakwi paga woorak o,” yinuk, koonogo pinaneegerak nogo, pagak yaga'lek wonagagerak kwe,