Pelaareegerak 9:18 - Ala Wone Peenok Peebi Mbanak

¹⁸ Yigi'nage mbareegi, puut paga taati aret at Aliku ALA abu'me nenete wanduk ngginna'nuk, kit kinogogumbuk lombok logonet, at Aliku ALA enggaanom paga yi maluk ndi maluk eerit nogwe kiinok, at anini kinoba pinagukwak, an aa'nduk eereegirak nogo ndak-ndak aret, yi nengga'lek, mbi nengga'lek o kiip age, o weege, eeke kagak nogo 40 aret yereegirak o.

Pelaareegerak 9:18 ပူးပေါင်းရင်းမြစ်များ

2 Tamuwen 12:16

Eeppege mbareegi, at Ndawut nogo wulaga ti paga, mbi niyo nengga'lek kagak, oonikiya age kenok, ame unggunuk, nggween paga windak mban logonet, Ala yoge nagagerak.

1 Endagembogut 19:8

Yoge mbareegi, Eliya nogo mi'nanuk, oroti inom, niyo inom, nenok, omaawi eekkolage nagagerik, nage tit kagak, nogo 40 yit Ala abuut, Puut Korep nogo paga ari nagagerak.

Etara 10:6

Kumbuk mbanggo mbareegwa, at Etara nogo Ala awi wurik enaamenggwe nen wo'narok Eliyatip aput Yokanan ago ogoorak me nogome unggwi nage nagagerik, wonage logonet, it aap wogoren piya nagagerak wogogwaarak Ala wone yugu liirogon eerulik maluk eereegwaarak nogo paga iniki puru ari logonet, mbi inom, niyo inom, nengga'lek aret wonagagerak.

Ndawi 106:23

At Aliku ALA nen ineebe lek eerogo piyoorak yereegerak mendek at leenogo pereegerak Muta nogo, It inenggela'me mi'nage mbareegi, Aliku ALA anini nen Pup eerogo piyoorak mbareegerak nogo nini tayo yereegerak.

Wundeegwaarak 34:28

Aliku ALA nen Muta wone lengganege, wone abuk nggaruk togon yoge logonet, Yogop ee'nu ndogop ee'nu, alom 10 yugu nogo yugum paga liiru mbangge, eeke kagak, yi inom, mbi inom, nengga'lek nogo 40 aret yereegerak.

Wundeegwaarak 34:9

Alut eeke logonet, “Kaliku Kitok Menggendak nogoba ALA wa! An yokkege nogo kale'nggen nombake kenok, it aakumi yi, inogogun ambik abet aret kwe, inomaluk lek eerogo punuk, aakumi ineyate wogoragaatak iniki kundugu eeko mengga kwak, nit kapuri yi, Namendek aret o, yinuk, kiniki kundugu ee'ninake logomenggendik, nogwe niigak, ninenggela'me logonok nduk, yokkigi o,” yinuk, yoreegerak.

Pelaareegerak 10:10

Ndi, an aa'nduk puut paga wonage logonet, nogo 40 yereegirak togo'nogo aret peebi puut paga logonet, an nen wone Aliku ALA yoge nogo, at aruk konengge nagagerik, E o, yinuk, kinoorulik teppinagareegerak nogo o.

Pelaareegerak 9:17

Kiige nagagirik, yugum tabak mbere nogo kineraaket nen neenggi omaawi paga mbo wuppi wage mbareegi, yigirik-noonom nage nogo kinigen kogogutak o.

Pelaareegerak 9:25

At Aliku ALA nen kineebe abok aret lek eerogo pinagarak ari kenok, an puut paga Aliku ALA enggaanom nenete wanduk ngginna'nuk, o kiip age, o weege, eeke kagak nogo 40 yege logonet, tamban eereegirak.

Pelaareegerak 9:9

Eeke mbareegi, an puut Korep paga laganeegirak nogo ti, kinom eeko logorak wone at Aliku ALA nen abuk nggaruk togon koonogo pereegerak yugum tabak mbere paga liiru mbanak nogo wo'niruwak nduk, lagi nage nagagirik, time wonage logonet, an mbi nengga'lek, yi nengga'lek, o kiip age, o weege, eeke kagak nogo 40 aret yereegirak o.