Pelaareegerak 9:16 - Ala Wone Peenok Peebi Mbanak

¹⁶ at Aliku ALA nen wone yokkiragagerak nogo awo aret kagak, mbo punuk, at Aliku kinogoba Ala maluk lombok eeppogo logonet, tu alik nomoninuk, Ala obaane'me mbuti emas paga tapi ogut ogobakkigikkologo nogogutik, mippunuk, alut eekwi kiyareegirak nogo o.

Pelaareegerak 9:16 ပူးပေါင်းရင်းမြစ်များ

Wundeegwaarak 32:19

Yoge nagagerik, at Muta nogo aakumi inawooliya wurik me koorok panggo yi wambi wage nagagerik, tapi aagaluk ogut ogobakkigirik nogo inom, aakumi apit kwirabik-kwirabok yogwe nogo inom, iige nagagerik, anini ambik a'nuk, ineraaket nen yugum paga liiru mbanak eenggime wonage nogo, puut abu'me taati aret yigirik-noonom eerogo nappereegerak.

Wundeegwaarak 32:4

wagangge nagagerik, alut eeko logorak tapi aagaluk pogom wakkagak ogobakkigirogo pege logonet, obogum aluk-puut kenok, pulu paga tabonogo amuni mbanogo pege mbareegi, it aakumi Iterali kogo nogogwaarik, yogo logonet, “Nit Iterali o Metit nen wo'niren wundi wagaarak Ala pogom ninogoba nogo yi aret o,” yinuk, yogwe nogo

Pelaareegerak 9:15

Yo'nege mbareegi, puut paga kani omoonuk wunuk ari kagak, eeko logorak wone abuk nggaruk togon koonogo pereegerak yugum tabak mbere paga liiru mbanak nogo, neenggi peenok-peenok wonok niyokan puut abu'me taati ari wambi wa'nuk,

Pelaareegerak 9:17

Kiige nagagirik, yugum tabak mbere nogo kineraaket nen neenggi omaawi paga mbo wuppi wage mbareegi, yigirik-noonom nage nogo kinigen kogogutak o.